Editor نذیر آزاد

 

 

* متن جان پٲٹھۍ پرنہٕ باپتھ چھہ گلرگ نستعلیق فانٹ لاگن ضروری،
مگر پرنہٕ ییہ تمہ وراٲے تہ، اکھتُے موبایل فونس پٮ۪ٹھ تہ *

نہج

شمارہ : ۱                     جلد: ۱

شمارہ : ۱ جلد: ۱
پرنٹر ، پبلشر تہ ایڈیٹر: اختر جان
جولائی تا ستمبر  
2013  
ملکیت:
اے۔آر ۔آزاد میموریل فاونڈیشن ۔پلووم
Email: drazad170@gmail.com
فون:
09797957948  09419030720, 09797266620,
دفتر:
پلوامہ ،کشمیر192301
کمپوزنگ:
جیلانی کامرانؔ
قیمت:فی شمارہ
=پنژاہ رۅپیہRs50=) )
سالانہ
=زہ ہتھ رۅپیہ((Rs200=1
پتہ:
:1آزاد منزل کویل،پلوامہ کشمیر192301
 :2   آزاد منزل،نزدیک سلسبیل سکول ہمہامہ ،بڈگام ۔190021
*****

فہرست


مضمون                                                                                                                                                               مضمون نگار  
اداریہ ........................................... پننۍ کتھ
غزلہٕ۔۔۔۔۔۔۔۔۔۔۔۔۔۔۔۔۔۔۔۔۔۔۔۔.................رحمان راہی
غزلہ..........................................غلام نبی فراق
مرغوب تھیوری.................................... مرغوب بانہالی
کٲشر زبانۍ ہندۍ اچھر.........۔.........۔...............منیب الرحمان
کاشر املا.........................................نذیر آزاد
غزل تہ نظمہ.......................................رفیق راز
دۅن اتھن ہنز داستان
(افسانہ).............................ہردے کول بھارتی
ا مین کامل ـ منفرد سخن ور....................۔.......... بشر بشیر
کاشرہ زبانۍ ہند پگاہ.................................... شاد رمضان
راہ............................................ مجروح رشید
نظمہ تہ غزلہ ....................................... شہناز رشید
بہہ موس=
۳.......................................نذیر آزاد
غزل..۔۔۔۔۔.................................... عزیز حاجنی
اسماعیل آشنا.....................................۔. حسن انظر
اَکھ نظم.......................................... علی شیدا
سنہرۍ زلفن ہند زال(افسانہ)............................... رحیم رہبر
نظمہ تہ غزلہ......................................... نگہت صاحبہ

  *

دپان چھی
1۔رحمان راہی
...2۔محمد یوسف ٹینگ  ...3۔ہردے کول بھارتی
4۔شہناز رشید ...5 ۔بشیر چراغ
***

پننۍ کتھ

اے ۔آزادمیموریل فاونڈیشنہ کہ اہتمامہٕ چھپن وول رسالہٕ"نہج"چھُ تہندٮ۪ن اتھن منز ۔ییٚمہِ برونٛہہ چُھ اَتھ فاونڈیشنس یہ اعزاز حٲصل زِ ہفتہٕ وار"شہر بین"چھ باقاعدگی سان دۅیو ؤریو پٮ۪ٹھ شایع سپدان۔اَتھ اخبارس منز چھِ اردو تہٕ انگریزی یَس سٍتۍ سٍتۍ کٲشرِ خٲطرٕ تہِ کینٛہہ صفحہ مخصوص امہ فاونڈیشنہِ ہٕنزن ترجیحن منز چھےٚ کٲشرِ زبانۍ تہٕ ادبچ ترقی تہِ شامل۔"نہج"برونٛہہ تہِ چھِ کٲشرِ زبٲنۍ منز کینژو لوٗکو رسالہ جاری کٔرۍمٕتۍ ۔یمن منز چھ امین کامل صٲبُن "نیب"تہٕ اقبال فہیم صابن"واد"ییٚمہِ لحاظہ اہم زہ یمو رسالو دسۍ روٗد کٲشرِ زبٲنۍ ہند ادبی ماحول گرم۔کٲمل صٲبنہِ "نیب"رسالن کٔر اکہ پُیہِ ہنز ادبی تربیت تہٕ اقبال فہیمٕننۍ متنازعہ اداریہ "وادس"منز چھپن وٲلۍ مضمون تہٕ خطوط روٗدۍ أکس دورس منز بحثکۍ موضوع۔کٲمل صابن "نیب"گوو مختلف وجوہاتو کنۍ بند یُس کاشرِ زبانۍ تہ ادبہ خاطرہ نقصان اوس۔وۅنۍ چُھ کٲمل صابن فرزندمنیب الرحمن اَتھ ستو سمندرو اپار یعنی امریکہ پٮ۪ٹھٕ جٲری تھٲوِتھ ۔کُنہِ تہِ زبٲنۍ منز ادبی رسالن ہنز موجودگی چھےٚ امہ زبانۍ ہنزن تخلیقی سرگرمین ہُند پے دوان۔مگر کٲشرِ زبٲنۍ ہنز بدقسمتی چھےٚ یہ زِ ییٚتہِ ہیوٚک نہ کانٛہہ ادبی رسالہٕ تَتھ اندازس منز پھانپھلتھ یِتھہٕ کنۍ سانٮ۪ن نزدیک ترین ہمسایہ زبانن مثلاً ارود تہٕ ہندی یَس منز رسالہٕ دۅہ کھۅتہٕ دۅہہ ترقی کران چھِ۔یمن زبانن منز چھے درجنہ واد سرکٲرۍ جریدہ علاوہ واریاہ شخص انفرادی طور تہِ رسالہٕ چھپاوان۔یمن رسالن منز پنٕنۍ فن پارہ تہ مضمون شایع کرنس کس سلسلس منز چھ ادیب نہ صرف برونہہ برونٛہہ بلکہ چھِ دۅیمٮ۪ن ہندۍ فنپارٕ ذوقہٕ شوقہٕ سان پران تہٕ یمن پٮ۪ٹھ راے دوان۔
اسہِ منز آسن واریاہن دوستن تِم دۅہ یارییٚلہِ اردو رسالہٕ
"شب خون"اوس شبابس منز تہٕ سانہِ کشیرِ ہندۍ اردو کیو کٲشرۍ ادیب تہٕ طالب علم ٲسۍ انتظارس آسان زِ نوٚو شمارٕ کر واتہِ۔اَز تہِ چھ سٲنۍ واریاہ شوقہٕ وٲلۍ دوست اردوتہٕ ہندی رسالن ہندس انتظارس منز آسان۔تیلہ کیاہ وجہ چُھ زِ کانٛہہ کاشُر رسالہٕ ہیوک نہ اتھ اندازس منز ادیبن تہٕ ادب شناسن ہنز ادبی تریش ہۅمرٲوِتھ ۔سانہِ خیالہٕ چُھ امیُک اکھ بوٚڈ وجہ سُہ کھرۍ داراملا یتھ سانیو پالیسی سازو ساینٹفک رسم خط ناو تھوو تہٕ ییمیُک مصرف اچھن دَگ تُلنہ علاوہ بیٚیہِ کینہہ چھنہ امہ علاوہ چھےٚ بیٚیہِ تہِ کینہہ وجوہات یمن متعلق آیندٕ کٮ۪ن شمارن منز کَتھ سپدِ۔اسہِ تُل دسلابہٕ کِس شمارس منزی رسم خطس متعلق بحثک دَس۔امید چھےٚ زِ اَتھ بحثس منٛز نِن سٲنۍ ادیب تہٕ اُستاد عالمانہٕ اندازس منز حصہٕ۔گۅڈٕ نکۍ سی شمارس منز رسم خطس پٮ۪ٹھ کَتھ کرنُک اکھ وجہ چھُ یہ تہِ أسۍ چھِ مانان زِ تحریر چھےٚ نہ تلفظس تابع بلکہ چھُ تحریری لفظ أچھن ہنز پہچان ییلہ زن بولنہ ینہٕ وول لفظ چُھ کنن ہندس عادتس سٍتۍ تعلق تھاوان۔"نہج"رسالہٕ چھُ تژھِ نثری زبان ردکران یۅسہٕ استعارو مبہم تہٕ ٹھیٹھ عربی،فارسی تہٕ سنسکرت لفظو کھرۍ دار تہٕ ناقابل فہم بناومٕژ آسہِ۔شعرُک حسن چُھ یہ زِ کَتھ ییہِ اشارن ،کناین،استعارن تہٕ علامتن منز وننہٕ تہٕ نثرُک حسن تہٕ مقصد چھُ غیر مبہم تہٕ سیٚدِ سیوٚد کتھ کرنۍ۔
"نہج"رسالہٕ چُھ ادیبن تہٕ پرن والٮ۪ن یہ باور کرُن یژھان زِ یہ روزِ ہر حالتس منز غیر جانبدار تہٕ اتھ منز ییہ علمی تہٕ ادبی معاملن پٮ۪ٹھ کَتھ کرنہٕ۔کانسہ دستار والن یا کانسہِ ہنزِ ذٲتی زندگی منز مداخلت کرٕنۍ آسہِ ناقابل قبول۔یہ روزِ ہرقسمہ چہ دھڑہ بندی ہٕنز مخالفت کران۔سانہِ خاظرٕ چھ سانۍ ادیب،شاعر تہٕ پرن وٲلۍ محترم کانسہِ سٍتۍ اختلافٕچ نوعیت آسہِ صرف علمی تہٕ پنن اختلاف پیش کرنہٕ خٲطرٕ ییہِ شائستہ زبان استعمال کرنہ۔ ادبی رسالہ جاری کرُن تہ سُہ تہِ کاشرزبانۍ منز چُھ گھاٹک سودا۔مگر کینٛژو دوستو چُھ وعدٕ دیتمُت زِ تِم روزن اَتھ گھاٹس منز شریک ۔اسہِ چھےٚ امید زِ تِم دوست کرن نہٕ اسہِ رسالہ کِس معیارس پٮ۪ٹھ سودا کرنہٕ خٲطرٕ مجبور۔
ادبی رسالہٕ چُھ عام لوٗکن بجایہِ ادیبن تہٕ طالب علمن ہندِخاطر۔اسہِ چھےٚ یہ تہِ امید زِ سانہٕ زبانۍ ہندۍ ادیب تہٕ ادب نواز لوٗکھ دِن پننہِ آسنُک ثبوت۔رسالہٕ چُھ تُہند أسۍ چھِ فقط تہند مال تۅہہِ تام واتہٕ ناوَن وٲلۍ۔                 ـ ـ ادارہ

***

غزل
رحمن راہی
ناگہٕ بلہ تریش چَنے تہٕ کس کیاہ ؤنۍ زے
تاپہٕ منٛزۍژونگ دزاں دارس تہٕ کس کیاہ ؤنۍ زے

شش جہت حٍیرتہ ژھٹ اکھ ،نَہ زُوُنے کانٛہہ نے بوٚٹھ
باسہِ وۅپزاو تہِ کٔہۍ یا،تہٕ کس کیاہ ؤنۍ زے

پردٕ کیاہ ڈوٚل تہٕ زِسس پٮ۪ٹھ سۅ عجب مٔتۍ وۅلسن
نَو پسند کاک تہٕ ڈٔہۍ ڈاس تہٕ کس کیاہ ؤنۍ زے

کَتھ وژھے راتھ چھُ پوٚت زوٗنہِ ؤتھِتھ موٚت بولاں
مندنٮ۪ن اَزمےٚ گیم ژاس تہٕ کس کیاہ ؤنۍ زے

گاٹہٕ جارُک ژیتہِ اکھ برٛم،میٚتہِ تٔگۍ نیارُک ژھۅک
تمبلہٕ وُن شَہہ تلہِ تلواس تہٕ کس کیاہ ؤنۍ زے

ہوسہٕ مے کٍتۍ شدر مندۍ تہٕ مے کیاہ کیاہ نیٖلو
زِندٕ موٗدس تہٕ مٔرتھ زاس تہٕ کس کیاہ ؤنۍ زے

بوزوَے ونۍ تہِ یہ دل چُھم اَسوٚرے ہیو باسان
کرسہٕ مرثی تہٕ گندٮ۪م راس تہٕ کس کیاہ ؤنۍ زے

وَکھ چُھ اَسرار،گہے تار وَزان گہہ تلوار
نا بنا ژٕنۍ نوِ الماس تہٕ کس کیاہ ؤنۍ زے

تروو سۅکھہٕ سوو چمن تٔمۍ تہٕ دۅکھل مر پرٛووُن
سوٚتر سفرے ژھنڈ نمناس تہٕ کس کیاہ ؤنۍ زے

رٲہینۍ شعر سۅخن یار چھِ بوٚمبراواں،بوز
ویٚہہ کھٮ۪نس واتہِ بَد احساس ،تہٕ کَس کیاہ ؤنۍ زے
*
غزل
رحمٰن راہی
اَزے ییہ وَتھ تہٕ ہتھ مرحلہ گژھن طے
پگہہ کیاہ پشپہِ ،کَس تاون زَدس پے

سیٚکستاں ڈیشتھےٕ پٔدۍ رَہ مےٚ برادٮ۪و
ؤں گٔیہ کنہٕ وان ۔۔۔سۅے نیٖرٮ۪و گژہتھ نے

کٹھس ووٚب ژوٚٹ تہٕ تارکھ  نب۔۔۔اَلاہو!
دِلس ووٚن دِیُن ہٮ۪ژو  ٲنس تچھکھ کھے

یتھے أش پھیور اَکھ اندٕ وندٕ ڈہتھ نیوٗن
محض اَکھ وۅش نَہ کانٛہہ دردِل نَہ کانٛہہ دے

نَہ وَگ مۅچھہِ منٛز پلاں نَہ چھِ پایرٮ۪ن کھۅر   
۱؂
رٔہتھ گژھِ واوٕ موکل ،پانہٕ !
تژھ ہے    ۲؂

ترشو بُجہ لٔر،رہج گتہِ ریٚنۍ تہٕ ژرِ پوٚپ
لٔڈی شہہ ٹھاٹھ گنڈنے چھس شرونٮ۪ل لے

دٕنُن ہیوٚت رٲژ دوٚل رٲہی وہِتھ گۅو
نٔنس منٛز تژھ بڈکۍ ژٲنگس زِ ہے!ہے!
***

کیاہ ونہِ مےٚ یہِ دل
غلام نبی فراقؔ
*
کیاہ ونہِ مےٚ یہ دِل کیا باوِ لُکن یہ چھُ مسلہٕ بدل
آوازِ دَپو زل پٔری بٔنِتھ لہراوو بدن
کانٛہہ کَتھ ژھۅپہٕ منٛز تارٕنۍ تہِ چھُ أسۍ زانان چِھنا
لفظن ہُند وردن کیہنن لاگُن اسہ چھُ تگان
*
کُنہِ بالس پلس نِش پوشا بے وہ وا چھُ مران
بامن بردوشی ہیٚیہِ نہٕ مٹی کانٛہہ بانحچ تٔھر
کُنہِ ؤتھرُک شبنم قطرے ییہِ وُکراونہٕ بۅن
کانٛہہ بوزن وولُے آسِنہٕ تیٚلۍ کُس بوزِ صدا
*
لج چۅرتہٕ گژھو زٮ۪و لگہِ تالس یہِ چھُ نیاے بدل
تَلہٕ موٗل ژھنٮ۪ن پٮ۪ٹھٕ پوشہِ لنجن اژ ڈۅکھ کمرس
امہِ صدمہٕ نسا ازتام چھُ کہنۍ درامُت بوٗزُم
اتہِ پان پنُن مۅکلاوُن چھا پتہٕ پانس تام
*
ییٚلہِ پانس برونٛہہ کُن پان چُھسن کُنہِ ساعتہ اَنان
بَس سوٚرٕ بٔٹھس نِش آرٕ پلا للہٕ وان کُنٮ۪ر
***
یوٚتاں اَسہِ لول برنے اوس
غلام نبی فراقؔ
*
ژٕ کیاہ ٲسٕکھ تہٕ کِژ ٲسکھ یوٚتاں اسہِ لول برنے اوس
یوٚتاں شوقس اندر لہرن تہٕ لمبکن اوس وُنہِ زٮ۪وے
تہٕ سونتٕچ تیز خوشبوے ٲس شوٚنگتھ ٹوٗرِ سےٕ اندر
پۅلَر پوشا کنن یس آسہِ گژھ نے نغمہ بُلبل سُند
تہٕ وۅتھ وُن مٲرۍ مندیُت مان اژٕ وُن سونتھ کُنہِ باغُک
حیا انہور یُس وُنہِ آسہِ دِلہِ سےٕ منٛز اَدا سوٚنبران
تہ کانہہ گرکُلۍفساد یسنہ ونہِ آسی منس اندر
یوٚتامت میانہِ بابت چون دِل اِلہام بنہٕ نے اوس
*
انن کتہِ ٲنہٕ اندازُک بہٕ کتہِ ژھارن تہٕ کتہِ گارن
وُچھتھ تَتھ منٛز سٔرِتھ تَتھ منٛز پٔرِتھ تَتھ منٛز بٔرِتھ تَتھ منٛز
لبن زن یوٚد کرس نظر ا دِمس ہَہ ہَہ تہٕ وۅتھراوان
ییم ٹاکارٕ پنہٕ نےٕ پان تٔمہِ کِس پرٮ۪تھ نظارس منٛز
*
محض أسۍ اجنبی ٲسۍ أکس نِش ناژےٕ ون!
اگر گٔیہ وۅندٕ بدلی وۅنۍ ژٕ مابےٕ چھَکھ بہٕ ماژےٕ چُھس
***

کل
غلام نبی فراقؔ
جگر لبان چھُ شیٚہلَتھ نظرمےٚ چاواں چھم
اگر زانٛہہ از تہِ سۅمٔژ ہم کلام سپدان چھم

اچھر چھِ لولٕچہ گرمی اندر گلان بَس شیٖن
وُچھان چُھس بہٕ تٔمس کُن وُچھان آسان چھم

تَسٕنٛز سۅژھۅپہٕ تہِ چھِ پانے رۅپس کران زن ڈیر
اَنان چھےٚ دِل سۅ أچھن منٛز تہٕ راز باوان چھم

یوان ییٚلۍ تہِ مےٚ کُن زانٛہہ سونتھ آسان سٍتۍ
أچھن چھُ گاش ہران زِندٕ خواب باسان چھم

اگرزانٛہہ شوقچہِ بٔنِتھ گتھِ منٛز حٮ۪سن چھِ راواں تھپ
اَکھ ناو بٔنِتھ سۅ مےٚ واپَس أنِتھ سنبالان چھم

غمٕچ اَکھ وُزمل تہٕ نبہٕ گر
ٛٮ۪نۍ دِلُک یہ شہرےٕ دوٚد
تہٕ وَق بیزار بٔنِتھ پس مےٚ پانَے پانس ووٚد

بہٕ ژکھ بنیوس ژھنٮ۪م جیٚھۍ مےٚ وقتہٕ کِس نالس
تِم وُشٕنۍ ویہۍ تہٕ مژھلۍ ژہۍدوٚپُس مےٚ کتہِ تھٲوِتھ

ووٚتھم سُہ یارا مےٚ کیاہ کوٚر بہا چھُس پانہٕ بےٚ بس
ووں گۅو چھُ شیٖن گُلاں پوٚز اَپُز مےٚ نِش وٲتِتھ

یہِ کل مےٚ اَز تہِ تسٕنٛز فرحتس چھےٚ لول بران
یہِ کل مےٚ اَز تہِ بُزان تیۅنگلن پٮ۪ٹھ تراوان چھم
***

مرغوٗبؔ تھِیوری تہٕ صٮ۪حتمند کٲشُر اِملا
پروفیسر مرغوٗبؔ بانہالی
مشرقی زبانن ہُند مُشرکہ کہ رسمِ خط، مُشترکہ ذخیرۂ الفاظ، مشترکہِ اِملا تہٕ مُشترک اصنافِ سخن چھِ ستو ہتو
۰۰۷ ؤرِیو پٮ۪ٹھٕ کٲشرِس ملہِ مِشہِ کلچرس ساروٕی کھۅتہٕ زیادٕ مۅلُل سرمایہِ تہٕ بوش بخشِتھ ہیکۍ مٕتۍ ۔امہِ بوشِچ شناخت کرنٕکہِ بدولتے ہیکہِ سٲنۍ نونسل پننہِ پرٛز نژٕ ہٕندۍۍ بُنیٲدی عناصِر پرٛزنٲوِتھ بلکہِ ہیکہِ نٔو پُی امی شناخٕتکہِ بدولتہٕ شِرک آپراونہٕ یِنس کلچرو ننچہِ ترٛایہِ نشہٕ پانس بچاو تہِ کٔرِتھ۔
میانہِ یتھ کتابہِ اوس زیوٗٹھ ناو یِمن لفطن پٮ۪ٹھ مشتمل
Twenty guidelines for the imporvement of existing kashmiri script and standardisation of its polyglot vocabulary اتھ کتابہِ آو تس ممتاز وایس چانسلر سٕندِ طرفہٕ ناو"مرغوٗب تھیوری"(تہٕ دہن صفحن برابر فور وارڈک صفٕحہ) حصہٕ یسٕنٛزِ نگرانی منز تقریباً اکھ ہتھ۰۰۱ ساینس سکالرسPh.D ڈگری حٲصل کٔرِتھ ہیکۍ مٕتۍ أسۍ۔
معلوم وجوہاتو کِنۍ آیہ نہٕ یہ کتاب ترقی پسند ادیبن ہٕنٛدِٮ۪ن پروردہ چیلن منٛزپزنہٕ پٲٹھۍ زیرِ بحث اننہٕ ویسے درٛاو پوٚتس پوٚز نوٚن ییٚلہِ یژکال تام کلچر اکیڈمی ہُنٛد روحِ روان تہٕ سیکریٹری روٗدمت محمد یوسف ٹینگ صٲب تتھ جلسس منز ژۅیہ پزرس باوتھ کران چھُ ییمہِ جلسُک اہتمام جوٚم یونیورسٹی ہندۍ اردو شُعبن تہٕ رساؔجاودانی میموریل سوسایٹی مٮ۪ے رساایوارڈ دِنہٕ کہِ غرضہ
۹۹۹۱ عس منز کورمُت اوس ۔تتھۍ منز ووٚن ٹینگ صٲبن زِ ییٚلہِ کُلہم کٲشُراملا صوتی Phonaticبناونچ وکالت کرن وٲلۍ ادیب گُروپن مرغوٗب صٲبنِس پرخُلوص اِستدلالس پوٗشِتھ نہ ہٮ۪کنٕچ حقیقت محسوس کٔر أتی کوٚر تِمو سٔمِتھ اتھ نظرِ یس دِگوٚش دِبٮ۪ٹر"طریقہ مذکور ٕتھیوری متعلق" ژھۅپہٕ ژۅۍ" پانناونُک فٲصلہٕ۔ ٹینگ صٲب چھِ حیات تِم ہٮ۪کن تمہِ فٲصلٕچ بٮ۪ہتر وٮ۪ژھنے کٔرِتھ۔ مگر تٔتھۍ جلسس منٛز پیش سپدن وٲلۍ یِم تاثرات پتہٕ ڈاکٹر شہاب عنایتن مرغوٗبؔ شناسی ناوٕچ کتاب مرتب کٔرِتھ برونٹھ کُن أنۍ تِہُند مُشتے نموٗنہٕ از خرو ارے حصہ چھُ دۅن بزرگن ہندٮ۪ن لفظن منز پیش۔ مرغوٗب شناسی ہندِس صفحہ ۱۱ ہس پٮ۪ٹھ چھ ِ مرزا عارف صٲبنس خراج عقیدت عنوانس تحت یِم لفظ یژ حوصلہٕ افزا مگر مےٚ چھِ یم اکھ مبالغہ باسان۔ "پروفیسر مرغوٗبؔ صاحب نے اپنی صلاحیتوں کا دوست اور دشمن سے خراجِ عقیدت حاصل کیا۔ آپ کو شعرو شاعری اور ادب و تنقیدمیں بھی امتیازی رتبہ حاصل ہوا۔ آپ کشمیری زبان کی ایک لافانی دین کے مالک بھی ہوۓ۔آپ نے اپنی ماہرانہ اور تخلیقی صلاحیتوں سے کام لیکر مشہور زمانہ"مرغوٗبؔ تھیوری" عطا کی۔ جو رسم الخط اِملا کی مشکل گتھی کو سُلجھانے کا بہترین نسخہ ہے۔ (ص ۱۱)
اکھ بزرگ صحٲفی تہٕ ادیب آر کے بھارتی ٲسۍ جوٚمہِ کٮ۪ن کشمیر ٹایمز تہٕ سٹیٹ ٹایمز ناوٕ کٮ۪ن انگریزی اخبارن سٍتۍ وابستہٕ گژھنہٕ برونٛٹھ واریاہس کالس محکمہ تعلیمس منٛز روٗزِتھ پروفیسر شفیع شوق تہٕ پروفیسر گلشن مجید بنن والٮ۪ن شٲگِردن ہندۍ ٹٲٹھۍ اُستاد تہِ ٲسمِتۍ۔ پروفیسر مرغوٗبسؔ رساجاودانیؔ میموریل ایوارڈ میلنہٕ پتہٕ چھِ تِم 13دسمبر 1999 ٔ کس کشمیر ٹایمزس منٛز اکھ زیوٗٹھ مضمون چھاپان یتھ عنوان اوس۔
"Marghoobs theory revolutioniged kashmir history"" أتھۍ شمارس منز چھِ بھارتی جی ایوارڈ کہِ حوالہٕ لیکھان:۔
"Prof Banihali has the credit to restore the prestine glory of kahsmiri language by bringing it to the mainstream "of Oriental languages" through his writings. Though he was not a linguist  "yet he explored the roots of kahsmir history in marghoob theory removing the misconceptions about the script of kashmiri language."
مرغوٗب تھیور ی منز پیش کرنہٕ آمژن سُفارشن ہنز اکھ آوُٹ لاین پیش کرنہٕ برونٹھ بلکہِ تِژھنی اردو سُفارشن ہِندٮ۪ن اصوٗلن ہِنز اکھ آوٹ لاین پروفیسر نارنگ سٕندِ مرتب کٔرۍمتہِ املا نامہٕ کہِ حوالہ برونٹھ تہِ چھٮ۪ے بییہ کینٛژن پختہ کار تہٕ غیر جانبدار قلمکار ن ہِنز راے تہِ ملحوظِ نظر تھونۍ لٲزمی باسان ۔تہنزِ رایہ ہندۍ کٮ۪نہہ اقتباس چھِ امہِ تھیوری ہندِ اردو ترجمہ کہِ اکہِ صفحہٕ سان یِم۔یہ اقتباس آو نِنہ
مرغوٗب شناسی2005 ء
مرتبہ ڈاکٹرشہاب عنایت ملک ناوچہ کتابہِ منزٕہ:
مضمون :مرغوٗب تھیوری (ایک تنقیدی جائزہ) از ممتاز ماہرِ لسانیات پروفیسر نذیر احمد ملک صدرِ شعبہ لسانیات کشمیر یونیورسٹی:صفحہ
۱۷۔
"مرغوٗب تھیوری اولین کتاب ہے جس میں پہلی بار (میری دانست میں) کشمیری زبان کے رسم خط اور املا کے بارے میں سنجیدگی سے توجہ کی گئی ہے اور جس میں کشمیری املا کی معیار بندی اور اس میں روااِملائی انتشار کو دور کرنے کی خاطر اہم تجاویز پیش کی گئی ہیں۔ یہ تجاویز وسیع تر سماجی، تہذیبی، مذہبی اور لسانی تناظر میں پیش کی گئی ہیں۔ ایسا محسوس ہوتا ہے کہ زبان ،تحریر، رسم خط اور املا کے درمیان فرق اور تعلق اور پھر ایک قوم کے وسیع تر ثقافتی ورثے کے ساتھ اُن کے رشتے سے متعلق مصنف کا ذہن بالکل صاف ہے"
یہ دوٚیم اقتباس آو ننہ
"کٲشُر اِملا تہٕ امیٛک ارتقا"ناوچہ کتابہِ منٛز (۰۱۰۲)یتھ مصنف چھُ مرحوم سید رسول پونپر
"أسۍ ہٮ۪کو مرغوب صٲبس سٍتۍ اختلاف کٔرِتھ مگر تہنزِ اتھ مۅللہِ کوٗششہِ پتہٕ کُنہِ تِہُند کارفرما خلوص ہٮ۪کو نہٕ نکٲرِتھ تِکیازِ اِملایا کُنہِ زبٲنۍ ہُند رسم خط چھُ أندۍ أندۍ تہِ تہ اندٕ وُنُے۔ یہ تحقیقی ،علمی تہٕ لسٲنی مقالہٕ چھُ مرغوٗب صٲبن تیٚلی لیوٚکھمُت یٔلہِ سُہ پانہٕ، سنٹر فارسنٹرل ایشین سٹیڈیز، مرکزس منز کٲم اوس کران۔ پروفیسر وحیدالدین ملک ٲسۍ کشمیر یونیورسٹی ہٕنٛدۍ وایس چانسلر تہٕ پروفیسر ایس مقبول احمد ٲسۍ امہِ مرکزٕ کۍ ڈایریکٹر ۔تمن تہِ شوٗبہِ ہتھ ہتھ شابش زِ تمو کوٚر مرغوٗب صٲبس کٲشرِ زبانہِ ہٕندِس رسم خطس متعلق یہ موٗلہ اہم مقالہٕ لیکھنُک موقہٕ فراہم۔ ص۔۵۷
یِم اقتباس بییہِ توضیحات آیہِ تمن سنجیدٕ قٲریینن یہ اعتماد ہُرٕ راونہٕ باپتھ پیش کرنہٕ یِمن ماجہِ زٮ۪و پزی اکھ علمی زبان بنان وُچھنٕچ منہِ کامن چھٮ۪ے تہٕ یمن یہ ہوش قٲیم چھُ زِ سٲنۍ کٍتۍ زِٹھۍ عالم قلمکار چھِ غلط صوتی املا ہٕچ شدید بیزاری تہٕ دگ للوان ییمہِ عالمہ گٲمٕتۍ۔ یمن منز خاص کٔرِتھ پروفیسر محی الدین حاجنی، رساجاودانی، میر غلام رسول نازکی تہٕ مرزا عارف پن پننہِ طریقہٕ احتجاج تہِ کران روٗدۍ۔ حاجنی صٲب اوس یہ تام ونان زِ کُرسی ہُند غلط استعمال کٔرِتھ چھِ بٮ۪مار ذہنہٕ وٲلۍ زٕہ ژور ادیب خُدایس تام واو ترٛٲوِتھ نٔوِس نسلس پننہِ ثقافتی کیو علمی میراثہٕ نشہِ ژٹنٕچ کوٗشش کران ۔رساؔ جاودانی اوس تتھ عبوٗری دورس منٛز اکثر نجی محفلن اندر یہ خدشہٕ ظاہر کران زِ یہ ما چھٮ۪ے اسہِ عربی فارسی تہٕ اردو  ہِشو رنگیٖن تہذیبہ واجنٮ۪و زبانو دٔسۍ پھانپھلیمتہِ عالمانہ کٲشرِ نشہِ دوٗر کرنٕچ دٲنستہ کاروایی۔ اکہِ دۅہ لٔگۍ یُتھ ہیوٗ اظہار کران تِم ڈپٹی ڈایریکٹر سکولز مرحوم غلام رسول آزاد نِس جوٚمہِ کِس رہٲیش گاہس پٮ۪ٹھ بعدِ مبارکبادی مٮ۪ے وننہِ (سٲرسیِ عُمرِ  ہایی سکول سطحس پٮ۪ٹھ قٲبل فارسی اردو ٹیچر آسنٕکہِ حیثیتہ
ٕ) زِ فارسی ایم اے ہس منز فرسٹ پوزیشن اننہٕ پتہٕ چھِو توہۍ وۅنۍ کشمیر یونیورسٹی ہٕندۍ گۅڈنٕکۍ فارسی پی ایچ ڈی تہِ بنیمٕتۍ۔ دٔپو توہہ چھے ثقافتی ذمہ دٲری ہُریمژ پٮ۪ٹھ چھِو بانہالہِ پٮ۪ٹھہٕ سرینگری منتقل تہِ گٲمٕتۍ مگر اتھ طوفانِ بدتمیزی یس روٚٹ کرُن چھُنا توہہ خاص فرض باسان مےٚ ووٚنُس تیلہِ ما پزِ ہے توہہِ خوبصورت غزلن ہٕنز کتاب "نیرنگِ غزل" پیش لفظ لیکھنہٕ خٲطرٕ امین کٲملس تہٕ نذرانہٕ پٲٹھۍ بخشی غلام محمدس آیتن تھاوٕنۍ۔ خیرمٮ۪ے ٲس رسا صٲبٕنۍ دگ تہِ حاجنی صٲبنہِ دگہِ سٍتۍ سٍتۍ محسوس کٔرمٕژ ۔بلکہِ ٲسِم میر غلام رسول نازکی صٲبنہِ علم وفضل والہِ سیٖنٕچ سٔنۍ دگ تہٕ عارف صٲبنہِ دگہِ برابر محسوٗس کٔرمٕژ نازکی صٲب چھُ پننس خاص زہر خندس کٲم ہٮ۪تھ بلیٖغ آیہِ پننۍ بِدادٕہ یمن لفظن منز درج تھاوان........(وُچِھو نمروٗد نامہٕ صفحہٕ۶)
عٲلمانہٕ سطحس پٮ۪ٹھ تہٕ عوٲمی سطحس پٮ۪ٹھ بحیثیت ِمجموٗعی ناپسند کرنہٕ آمتہِ غلط صوتی کٲشرِ املاہُک پس منظر تہٕ سیاق و سباق اگر چہِ مزید تفصیلی باوژ ہُند تقاضہٕ کران چھُ مگر أکۍ سٕی مقالس منز ہیکہِ نہٕ تہِ سورُی وٮ۪پتھ۔ یتھ کُن بزرگ عالمن ہندِ حوالہ پٮ۪ٹھہٕ کنہِ اشارٕ کرنہٕ آو۔ خاص کٔرتھ یتھ کُن عارف صٲبن مرغوٗب تھیوری چھپنہ پتہٕ ارداہہِ ؤہرۍ
2000 ٔکس خطس منٛز بڈٕہ خوشامدتہٕ زارہ پارٕہ کران ؤژھِس لاگتھ پژھس یا چیف منسٹرسٕندِس ایڈوایزرمرحوم شفیع شیداصٲبس لٲگِتھ ورگہ پٲٹھۍ سارنیٕ ثقافت شناسَن تہٕ وراثت آشنا شعورٕ والٮ۪ن کٲشرٮ۪ن قلمکارن ٹاکارٕ پٲٹھۍ اردو املاہس نکھٕ روٗزِتھ لفظن ہِنز اٮ۪ٹمالوجی ہُند خیال تھونُک باند باند کوٚرمُت چھُ تِکیازِ کٲشرِس علمی زبان بناونُک اولین فرض چھُ یُہے بنان۔ یہ پس منظر واتناون بہ ییتی نَس اندبرابر کہن ؤرین میٲنس سربراہِ شعبہ کشمیری آسنس دوران مٮ۪ے سٍتۍ اتھ معاملس منز واریہس حدس تام ہمخیال روٗدۍ مٕتس پروفیسر رشید نازکی صٲبنِس أکِس اقتباسس پٮ۪ٹھ۔ یہ اقتباس آو1983 ہس منٛز"کٲشُر املا مسٲیل تہِ حل" عنوانس تحت لٮ۪کھمتہِ تہندِ مضمونہٕ منز کڈنہٕ۔ یِتھہٕ پٲٹھۍ....."کٲشر املا ڈنجہِ تھاونٕچ آیہ نہٕ کانٛہہ کوٗشش کرنہٕ۔ سرکٲرۍ املہن منز اگر چہِ یہ خیال اوس واریہس حدس تام پیشِ پٲٹھۍنظر آمُت تھاونہٕ زِ لفظُک ظٲہری پیکر گژھِ نہٕ بِگرُن مگر یہ روٗد ؤتی تہٕ اکثر دوستو کوٚر اِملہس تحریف کرنُک اکھ باقاعدٕ سلسلہٕ شروٗع تہٕ چونکہِ تِم دوست ٲسۍ تِژھن جاین پٮ۪ٹھ مقرر(براجمان) ییتہِ اشاعتٕکۍ تمام تر موقعہ ٲسۍ۔ یہندِ تحریفک اثر کوٚر تمو تمام ادیبو قبول یِم یِتھٮ۪ن ادارن سٍتۍ کُنہِ نتہٕ کُنہِ رنگہٕ متعلق ٲسۍ۔ یِموتھو اتھ املہس ساینٹفک املا ناو تہٕ رسالس منز چھاپنہٕ خٲطرٕ روٚٹکھٕی نہٕ کٲنسہِ ادیٖبس کانٛہہ تِیٛتھ ادب پارٕ یُس نہٕ أتھۍ(بٮ۪مار ذہنن ہندِس اختراع کٔرۍمٕتس نام نہاد) ساینٹفک املاہس منٛز لیکھِت آسِہے" وۅنۍ أنۍ تون توہۍ پننٮ۪ن ذہنن منز مہاراجہ پرتاپ سنگھ سِندِ وقتہٕ پٮ۪ٹھہٕ از تام ریاست جموں کشمیرٕچ سرکٲرۍ زبان تسلیم کرنہٕ آمٕژ اردو زبان تہٕ پٔر توکھ اتھ منزپیش کرنہٕ آمژن تِژھن سُفارشن ہندۍ کٮ۪نہہ اصول یِم مرغوٗب تھیوری منز پیش کرنہٕ آمژن سُفارشن سٍتۍ واریہس حدس تام رلان چھِ۔ گۅڈٕ یم ٲٹھ اصول تہٕ ژور فکر انگیز جُملہ یِم ترقی اردو بیوروکہِ طرفہٕ پروفیسر گوپی چندنارنگس اتھ ترتیب دیاونہٕ آمتس املانامس منز موجوٗد چھِ۔
۱۔ دنیا کی شایدہی کوئی ترقی یافتہ زبان ہوگی جس کا املا پوری طرح صوتی(Phonatic) ہو۔ حروٗف کی صوتی اقدار سے عدمِ مطابقت کئی زبانوں میں ملتی ہے (ص۔۰۳)
۲۔اردو میں املا کے
مسایل کئی طرح کے ہیں۔ اُن میں سے بعض بنیادی مسایل وہ ہیں جو مستعار(ادھار لئے گئے) الفاظ کی وجہ سے پیدا ہوتے ہیں۔ اردو لفظیات کا امتیازی حصہ عربی فارسی سے ماخوذ ہے۔ ان زبانوں سے آنے والے ہزاروں لفظ اردو میں رچ بس گئے ہیں۔ اور اردو کے اپنے ہو چکے ہیں (ص۔
۱۲)
۳۔اردو صوتیات میں ہکار آوازوں کی خاص اہمیت ہے۔ اردو میں اُن کیلئے الگ سے حروف نہیں۔ لیکن اُن کے اظہار کا اطمینان بخش طریقہ موجود ہے۔ (وہ ہیں بھ، پھ، تھ، ٹھ، جھ، چھ، دھ، ڈھ،ڑھ، کھ، گھ) (ص۔۴۲)
۴۔ املانامہ کی سُفارشات اس احساس کے ساتھ مرتب کی گئی ہیں کہ زبان اور اس کے تمام ظواہر کسی واحد ادارے یا اُنجمن کے حکم کے تابع نہیں۔ زبان ایک وسیع تر عمرانیاتی نظام کا حصہ ہے۔ جو عوامی ضرورتوں اور رواج اور چلن سے وجود میں آتا ہے اور جس کی پُشت پر صدیوں کے تاریخی اور لسانی ارتقا کا ہاتھ ہوتا ہے.... کمیٹیاں اور ادارے صرف اتنا کر سکتے ہیں کہ کسی مسئلے کے بارے میں احساس و شعور کو بیدار کردیں۔ اور آگہی کی فضا پیدا کردیں تاکہ انتشار دور ہو۔ (ص۔۵۴)
یہُے رویہ چھُ اسہِ تہِ پانناوُن تہٕ کٲنسہِ فردس بٮ۪مار ذہنُک وننہٕ بجایہِ چھُ گذشتہ ترٛہن ؤرین دوران عوامی سطحس پٮ۪ٹھ خصوصاً ثقافت شناس زِٹھٮ۪ن عٲلمن ہندِس سطحس پٮ۪ٹھ بٮ۪مار لا گدار تہٕ ناپسند قرار دِنہٕ آمُت غلط صوتی املا اسہِ مشترکہ پٲٹھۍ شیرنُک فرض نکھہٕ والُن اتھ سلسلس منٛز اگر مٮ۪ے ع لذیذ بُود حکایت دراز تر گفتم آیہِ تہنزِ دگہِ ہنٛزِ حکایت وٮ۪ژھنٲوِتھ بیان پییہ کرٕنۍ تتھ معذرت منگِتھ کرٕہ بہ مرغوٗب تھیوری چھپنہ پتہٕ اکتٕرٗہۍ وُہرۍ تِم سفٲرشہِ کینژو ارد سُفارشو سان تہندس خدمتس منز پیش امہِ اعترافہٕ سان زِ عملی طور چھےٚ یمن تر
ٛٮ۪ن دہلٮ۪ن دوران میٛانٮ۪و واریاہو سفارشو مطابق میانہِ تھیوری ہُنٛد ناو ہٮ۪نہٕ ورٲے عملی طور اکھ خۅشگوار تبدیلی آمٕژ۔ نہ صرف چھُ بیشتر عربی فارسی لفظن ہُند مٔنزِم عین (ع Medial)بحال گومُت بلکہِ چھ پوٚتس تہِ ع حرف بحال کرنُک رحجان ہُریومُت تی باقی واریاہن معاملن منٛز تہِ۔ بہر حال بہ کرٕہ وۅنۍ سیٚدِ سیود کٮ۪نہہ سُفارشہِ صرف تہٕ صرف کٲشُر املا صٮ۪حتمند بییہ قبولِ عام پراون وول (Public friendly)بناونہٕ باپتھ اکہِ سادٕہ تہٕ نوِترتیٖبہٕ سان پیش۔ مگر گۅڈٕ تھاووکھ اردو املا نامس منز اولیت دِنہٕ آمتۍ ٲٹھ اصول تہِ زیرِ نظر یمن متعلق لیکھنہٕ چھُ آمُت۔
"سفارشات پیش کرتے ہوۓ ہمیں مندرجہ ذیل رہنما اصول سامنے رہے ہیں۔
۱۔صحتِ املا کے جو اصول اب تک سامنے آچکے ہیں اور محتاط اہلِ قلم کے ہاں جن پر عمل بھی ہورہا ہے۔ اُن کو علمی، صوتی اور لسانیاتی نظر سے پرکھاجائے اور ساینٹفک طور پر منضبط و منظم کرکے پیش کیا جائے۔
۲۔ اردو کے صدیوں کے چلن اور رواج کو پوری اہمیت دی جائے اور استعمال ِعام کی روشنی میں ترجیحی صورتوں کا تعین کیا جائے ۔
۳۔املا میں کوئی تبدیلی ایسی تجویز نہ کی جائے جو اردو کی علمی میراث، اُسکی تاریخ ،مزاج اور سماجی ضرورتوں کے نقطہ نظر سے نا قابلِ عمل ہو۔
۴۔عربی فارسی سے ماخوذاردو کے ہم آوازلفظ ہماری لسانی میراث کا جُز و بن چُکے ہیں ۔انہیں کی بدولت ہزاروں الفاظ کی بیش بہا دولت ہمیں ودیعت ہوئی ہے۔ جو ہماری زبان کا جز ولاینفک ہے۔ اُس سرمائے کا تحفظ ہمارا فرض ہے۔
۵۔ عربی کے جو مرکبات ،عبارتیں یا مکمل اجزاء اردو میں مستعمل ہیں۔ انہیں اصل کی طرح لکھنا چاہئے اُن پر اردو املا کے اصولوں کا اطلاق نہ ہونا چاہئے۔
۶۔ املا کے اصولوں کا تعین کرتے ہوئے وسیع تر عام زبان پر نظرر کھی گئی ہے۔ محض شعری زبان پر نہیں۔
۷۔جہاں مروجہ قاعدوں سے کوئی مدد نہیں ملی یا املائی انتشار حد سے بڑھا ہوا ہے وہاں معیاری تلفظ کی پیروی پر اصرار کیا گیا۔ معیاری تلفظ کو بنیاد بنانے سے ایسے بہت سے مسائل آسانی سے حل ہو سکتے ہیں۔
۸۔سفارشات کو پیش کرنے میں قدیم علم ہجا سے بھی مدد لی گئی اور جدید صوتیات وسماجی لسانیات سے بھی۔
یقینا ہٮ۪کن یِم رہنما اصول اسہِ تہِ کٲشُر اِملا شیرنَس تہٕ صٮ۪حتمند بناونس منز وَتہٕ ہاوٕکۍ بٔنِتھ۔ اگر أسۍ تہِ کاشرِ علاوٕ بییہ اکھ زٕہ مشرقی زبانہ زانن والٮ۪ن لسٲنی مٲہرن تہٕ ثقافت شناسن پٮ۪ٹھ مشتمل اکھ املا کمیٹی قٲیم کرنٲوِتھ ہٮ۪کو تہٕ تتھ کمیٹی منز بحث براۓ بحث کرن والٮ۪و نیٖم حکیمو تہٕ بُزِا خفشو (کانسہِ با اثرممبرس خواہ مخواہ تٲیید کران کلہٕ ألراوان والٮ۪و) ورٲے
Time boundکٲم پشرٲوِتھ ہیکو تیلہِ ہٮ۪کن تِم ممبر یا سۅکمیٹی درجِ ذیل سُفٲرشہِ یکدم قبول یا ترمیم کٔرِتھ۔
وما علینا الیٰ البلاغ المبین
سفُارشہٕ چھےٚ پیشِ خدمت۔
۱۔پرٛتھ لفظس منز عین "ع" حرف بحال تھاوُن خواہ سُہ لفظُک گۅڈنیُک حرف ٲسِن مثلاً عجیب، عظیم، عید تہٕ عٲدی یا سُہ لفظُک مٔنزِم حرف ٲسِن۔ مثلاً معموٗلی، معلوم، تعلیم، یا شعوٗر تہٕ خواہ سُہ "ع"لفظُک ٲخری حرف ٲسِن مثلاً شمع، طمع، شروٗع، تہٕ مصرع۔ عربی تہٕ فارسی آگرو پٮ۪ٹھ پہہ رٔٹۍ مٕتٮ۪و یِتھٮ۪و ساروٕی لفظوچھے سٲنۍ ماجہِ زٮ۪و شوٗبِدار تہٕ مہذب زبانن منز شٲمل کٔرمٕژ یتھ أسۍ انکار ہٮ۪کو نہٕ کٔرِتھ ۔
۲۔ پرٛتھ لفظس پوٚتُس ینہٕ وول ہاے خفی یا ہاے مختفی گژِھ بہرحال لٮ۪کھنہٕ یُن مثلاً۔ بندٕہ سٔجدٕہ، وعدٕہ، تہٕ علاوٕہ یُتھ ہاے خفی مچھِ ترٛاونس تہٕ ترک کرنس چھُنہٕ کانٛہہ علمی جواز ما سواے اکھ ذہنی اِنتشار۔ Mental Conflictیُس پٲنۍ پانے Resolveدوٗر ہٮ۪کہِ سپدِتھ اگر أسۍ پردہ، زیادٕہ تہٕ خواہ مخواہ ہِوٮ۪ن لفظن پوٚتس ٹاکارٕہ باسن وول ہاے خفی تِتھٮ۪و ساسہٕ بدٮ۪و عربی فارسی ،اردو بلکہ خود کٲشرٮ۪و لفظو نشہِ مختلف زانوکھ نہٕ یم یہ حرف ترٛاونُک ہرگز روادار ہٮ۪کن نہٕ بٔنِتھ مثلاً۔ مکہ، مدینہٕ، درجہٕ، جلسہٕ۔ کُشتہ، حصہٕ، کعبہٕ، طریقہٕ، ۂدیہ تہٕ قبیٖلہٕ بیترِ ۔کُس کرِ حماقت یمن لفظن ہاے خفی ورٲے یتھہٕ پٲٹھۍ لیکھنٕچ مکٕ، مدینٕ، درجٕ، کُشتٕ، حصٕ، کعبٕ ،طریقٕ، ۂدیٕ تہٕ قبیٖلٕ بلکہِ پزِیہ کتھ محسوٗس کرٕنۍ زِ امہِ قبیلہٕ کٮ۪ن سارنیٕ لفظن چھٮ۪ے عربی فارسی تہٕ اردو وس منز ٲخری حرف (ہ)ہاے خفی حرفُک ماقبل آسنہٕ کِنۍ زبر پرنہٕ یوان تہٕ سۅے زبر چھٮ۪ے ٹھیٹھ کٲشرِ تلفظ خٲطرٕ (-ٕ)کٲشرِ زیر بنان یۅسہٕ ٹھیٹھ کٲشرٮ۪ن لفظن منز تہِ لاگنۍ پزِ مثلاً۔ زٕہ، ژٕہ، بہٕ، تہٕ، وُلٹہٕ، کھُلہٕ ڈلہٕ، ادٕہ، وُزٕہ، لاوٕہ، یاوٕہ، گرٛاوٕہ، بیترِ۔ البتہ یِمن لفظن ہِندِس ٲخری حرفس (یعنی ہاے خفی کِس ماقبل حرفس) تلہٕ کنہِ کٲشرِ زیرِ بدلہٕ عام زیر پرنٕچ ضرورت باسہِ تمن پتہٕ کنہِ پزنہِ الگ پٲٹھۍ( ہاے خفی (ہ) ٹاکارٕ آیہِ لاگُن۔ مثلاً۔ پرِ، نژِ، ودِ لفظن منز ووں گو رٔلِتھ ہاے خفی کِس ماقبل حرفس تلہٕ کنہِ زیرگژھنہ کانٛہہ حرج کرنۍ مثلاً۔ انہِ، دپہِ، تولہِ، گیلہِ، اسہِ ،پکہِ، دروکہِ، پھٹہِ، ژٹہِ بیترِ۔
۳۔تنوین چھِ عربی ابجدس پٮ۪ٹھ(ڈبل اعراب) دُزبر، دُزیر تہٕ دُپیش لاگنہٕ سٍتۍ نوٗنٕچ آواز بارسس اننس ونان مگر اردووس تہٕ کٲشرس منز چھِ فقط دُزبر وٲلۍ واریاہ لفظ ورتاونہٕ یوان ۔تِم پزن اسہِ تہِ اردو والٮ۪ن ہندۍ پٲٹھۍ اصل شکلہِ منزٕی ورتاوٕنۍ مثلا یُہے لفظ، مثلاً۔ تقریباً، نِسبتاً، حقیقتاً، اِرادتاً،واقعاً، یقینا،عادتاً، فوراً، اِشارتاً، کنایتاً تہٕ وقتاً فوقتاً۔ا تھ سلسلس منز چھٮ۪ے املا نامٕچ یہ عبارت تہِ قابلِ توجہ باسان اردو میں عربی کے ایسے کئی لفظ استعمال ہوتے ہیں جن پر دو زبر آتے ہیں جیسے فوراً عموماً، خصوصاً، وقتاً فوقتاً، اتفاقاً، تنوین اردو املا کا حصہ بن چکی ہے۔ اسلئے اسے بدلنا مناسب نہیں ۔چنانچہ فوراً کو فورن لکھنے کی سفارش نہیں کی جاسکتی۔ (املانامہ ص ۶۵)
۴۔اردو آوازن ہٕنٛدِ حوالہٕ چھٮ۪ے ابجدس باڑو ہُرراونہٕ خٲطرٕ کہن (۱۱) حرفن مصمتن) ہنزہ آوازٕ ہکٲری بناونہٕ رٔنگۍ دُچشمی بناونہٕ آمژٕ مثلاً۔ ب پتہٕ بھ، پ پتہٕ پھ، یتھے پٲٹھۍ تھ ٹھ، جھ، چھ، دھ، ڈھ، ڑھ، کھ، تہٕ گھ۔
کٲشرس اندر ٲسۍ أکِس تجربٲتی دورس منٛز بِلا جواز (
Pick and choose)ژٲر کٔرِتھ بھ، جھ، دھ، ڈھ، ڑھ، تہٕ گھ خٲرج کرنہٕ آمٕتۍ یم گژھن بحال کرنہٕ یِنۍ۔یُتھ زن اردووٕکۍ پٲٹھۍ کٲشرس منز تہِ سنسکرت آگرن کُن اشارہ کرن وٲلۍ یتھۍ درجن وادٕہ لفظ مسخ گژھنہٕ نشہِ بٔچِتھ ہٮ۪کن مثلاً بھگوان، بھارت، بھدرواہ، بھروسہٕ، مہاتما بدُھ، مہاتما گاندھی، دۅدھ، علی گڈھ، گھرٕہ گھٔر، پڑھٲیی ،گھنٹہ ،جھگڑٕہ تہٕ سمجھوتہٕ ۔ کٲشرس منٛز چھٮ۪ے کہو اُردو ہکٲری حرفو علاوٕ مخصوص (محض کٲشرِ) ہکٲرۍ آواز "ژ" ژے حرفس سٍتۍ وابستہٕ"ژھ" آواز۔ یہ رلٲوِتھ بہہ وے ہکٲرۍ آوازٕ حسبِ ضرورت ورتاونہٕ سٍتۍ چھٮ۪ے سانہِ ماجہِ زٮ۪وِ ہنز سۅعِلمی زبان بننٕچ آش ڈنجہِ روزان یۅسہٕ اتھ برصغیرچن اکثر زبانن مقابلہٕ وسیع تر صوتی نظام تہٕ Delicate vowel and semi vowel systemحصہٕ ینہٕ کِنۍ باگنۍ آمژ چھٮ۪ے۔ اکثر لوٗکھ چھِ اتھ بختاوٲری تحت کٲشرِ خٲطرٕ ژٔرۍ آوازٕ نشانہٕ لاگنٕچ ضرورت نظر انداز کران۔
۵۔کٲشرس منز چھُ ت تہٕ ک ہوٮ۪ن حرفن پٮ۪ٹھ اند واتن والٮ۪ن عربی فارسی لفظن مُڈٕہ کٲشُر تلفظ وۅتلاونُک رحجان تہِ چنانچہِ چھُ یتھٮ۪ن ٲخری حرفن ہکٲری آیہِ بولنُک تہٕ دچشمی آیہ لٮ۪کھنُک وٮ۪وہار (محض عبوری ٲسِتھ )مستقل زاننہٕ یوان ۔بٮ۪ہتر گیوو یہ عبوری وٮ۪وہار مُچھِ تراوُن تہٕ مستقل وٮ۪وہارس تحت یِتھۍ ساسہٕ بٔدۍلفظ عربی فارسی تہٕ اردو انہارے عٲلمانہٕ تلفظس تحت ڈنجہِ تھاوٕنۍ مثلاً عزت، عظمت، عداوت، محبت، حکایت، قیامت، خصلت، یا پاک چالاک، پوشاک، خۅراک، تہٕ سلوک بیتر۔ اگریتھٮ۪ن لفظن ہُنٛد مستقل وٮ۪وہار مُڈٕہ سطحس پٮ۪ٹھ تہِ سرٕہ کرُن آسہِ تیلہِ وُچھو یتھٮ۪ن صیغن ہُند انہار مثلاً گۅڈنکہِ ت والہِ لفظٕکہِ تہٕ گۅڈنکہِ ک والہِ لفظٕکہِ حوالہٕ(۱) عزتس، عزتہٕ وٲلس، بے عزتی، ذی عزت، (ب) ذاتِ پاکس ،قرآن پاکُک، پاک و صاف، پاکیزہ، پاکباز، کٔشیرِ ہندۍ ممتاز مٲہرِ لسانیات صدر شعبہ اردو کشمیر یونیورسٹی پروفیسر نذیر احمد ملکن چھُ ۳۹۹۱ٔ دوران چھاپمژ"کشمیری سرمایۂ الفاظ کے سر چشمے" ناوچہِ کتابہِ منز اتھ کٲشرِس رحجانس کُن یتھہٕ پٲٹھۍ اِشار ٕہ کوٚرمُت کشمیری میں لفظ کے آخرمیں مسموع غیر منفوس بندشی مصمتے کو منفوس بنانے کا رحجان ملتاہے۔ اسلیے ایسے تمام عربی فارسی الفاظ جن کے آخر میں غیر مسموع غیر منفوس بندشی کا استعمال ہے۔ کشمیری میں دخیل ہونے کے بعد منفوسیت کے ساتھ استعمال ہوتے ہیں چند مثالیں درج ِذیل ہیں
مثلاً۔
علامت، علامتھ، قیامت، قیامتھ، شک، شکھ، پاک، پاکھ وغیرہ۔
لیکن یہ الفاظ جب مختلف حالتوں اور کیفیتوں(
cases)میں استعمال ہوتے ہیں توا ُن کی منفوسیت غایب ہو جاتی ہے۔ مثلاً قیامتس، شکس، پاکی وغیرہ۔
۶۔عربی فارسی اسمن ہندٮ۪ن بنیمتٮ۪ن اسم فاعلن کاشرس منزورتاون وزِ چھُ یہ رحجان تہِ عام باسان زِ بطورِ دویم حرف تمن منزیِنہٕ وٲلس ألفس چھُ زیوٗٹھ امالہٕ یا کٲشُر مد لاگنہٕ یوان۔ مثلاً۔ عٲلِم، ظٲلِم، شٲعِر، کٲسِب، قٲتِل تہٕ پہہ أنۍ مٕتٮ۪ن عربی فارسی اسمن تہِ چھِ ألفس پٮ۪ٹھ یہ نشانہٕ کٲشرِ تلفظہٕ خٲطرٕ لاگنہٕ یوان ۔مثلاً اسم صفتن، قٲبِل، نٲقِص، زٲیدِ سٲلِم، ثٲبت، حٲضر، بیترِ۔ امہِ آوازِ نشانُک ورتاو چھُ اکھ تدریسی ضرورت زانُن یہ چھٮ۪ے بیٛاکھ کتھ زِ جدید دورٕکۍ اکثر مشہور شٲعر چھِ پنٕنۍ تخلص ہمیشہٕ امہِ علاوٕ ہ ۰۱مالہٕ ورٲے استعمال کران آمٕتۍ مثلاً۔ فٲضل،نٲدِم، کٲمِل، رٲہی، شٲہِد، عٲزِم تہٕ نٲظِر بیترِ حالانکہِ کلاس روٗمس منٛز چھُ امیٛک ورتاو لٲزمی From learnability point of viewیہ ورتاوفکرِ تارنہٕ پتہٕ چھُ طالب علمن یُتی احساس بصری پرسٮ۪پشنس تحت کٲفی زِ تِم چھِ تمہِ وقتہٕ یِتھۍ سٲری لفظ کٲشرۍ پٲٹھۍ پران یا لیکھان فارسی یا اردو پٲٹھۍ نہٕ کینہہ۔ سفارش چھٮ۪ے کرنہٕ یوان زِ درجنہٕ وادٕہ عربی فارسی لفظن ہُند حلیہ مسخ نہ گژھنہ دِنہٕ سببہٕ تہٕ تہند بین اللسانی حُلیہ ڈنجہِ تھونہٕ سببہٕ گژھ امہِ آوازٕنشانُک یا علامٔژ ہُند ورتاو بطورِ دویم حرف یِنہٕ والہِ الفٕکی پٲٹھۍ بطورِ دوٚیم حرف یِنہٕ وٲلس بٔڈِس یٔیس یعنے یاے مجہول (ے) پٮ۪ٹھ تہِ ورتانہٕ یُن تہٕ کرنہِ سٍتۍ پکہِ کٲشرِس علمی زبان بناونُک بیاکھ قدم تہِ برونٹھ کُن تہٕ یمن لفظن ہند مانوس حلیہ تہِ روزِ بحال مثلاً۔ غٲب تہٕ گٲب رد کٔرِتھ غَیب لیکھنہٕ سٍتۍ امہِ اصوٗلہٕ مطٲبق یم سٲری لفظ، عَیب، غیَب، غَیر، خیَر، خیَرات، حیَرت، حیَران، ویَران، پیدٲیش، غیَرت، عیَنک، قَید، فیَصلہٕ، فیَض، پیَغام، پیَغمبر، پیَداوار، لیَل، میَلہٕ، ہیَبت، غیَبت، عیَش، میَدان، بغیَر ،وغیَرہ،
مرغوٗب تھیوری منز پیش کرنہٕ آمژن سارنےٕ سُفٲرشن ہیٚکہِ نہٕ یتھ أکۍ سیٕ مقالس منز احاطہٕ سپدِتھ تِمن کُن اِشارٕہ کرن وٲلۍ تھیوری ہندۍ ٲخری زٕہ صفحہٕ ہاون امین کٲمل صٲبنہِ تہٕ رحمان رٲہی صٲبنہِ املاہُک قابلِ ترمیم انہار ۔تِم صفحہٕ وُچھِتھ تہِ ہیکہِ بنن واجِنۍ املاکمیٹی منٲسب اقدام تُلِتھ۔ وں گو یمن ژورن خاص کٲشرٮ۪ن آوازن عشٲیی کمیٹی ہندِ وقتہٕ پٮ۪ٹھے واو تہٕ ییے حرفن ہنز ذیلی شکل دِنہ چھٮ۪ے آمٕژ تہنزن شکلن تہٕ ورتاون چھٮ۪ے تِژھ ترمیم کرٕنۍ زِ تِم تہِ یِن بنُیادی ترٛن عربی اعرابن فتحہ کسرہ، ضمہ یا فارسی پٲٹھۍ زبر، زیر، تہٕ پیش اعرابن ہندۍ پٲٹھۍ متعلقہٕ حرفس تلہٕ کنہِ تہِ پٮ۪ٹھ کنہِ لاگنہٕ امہِ سٍتۍتہِ بنہِ کٲشرِ زبان علمی زبان بناونس منز مزید آسٲنی۔ مٮ۪ے چھٮ۪ے امہِ حوالہ مزید ژور سفٲرشہٕ اہلِ نظر ہمزبانن یتھہٕ پٲٹھۍ آیتن تھاوِمژٕ ع۔ گرقبول اُفتدزہے عزو شرف۔
۷۔پیش قبیٖلُک اکھ کٲشر آوازٕہ نشانہٕ چھُ گول واو(ۅ) امہِ کی حوالہ اوس مرحوم پروفیسر حاجنی مقامی پراگریسوادیبن تبرا پٔرِتھ ونان یِمو(یِتھٮ۪و تِتھٮ۪و) پوو( نعوذ باللہ) خدایہِ سٕندِس ناوس تہِ واو" خۅدا" لیکھت، بہٕ اوسس بہٕ آں علم و فضل حٲجنی صٲب تمِن ادیبن پوٗشِتھ نہ ہیکنس سنان یمن سٍتۍ سُہ کلچرل اکیڈمی منز اکثر مٹینگن اندر شٲمل روٗزِتھ کاروٲیی ین دستخط تہِ دِوان اوس کٔرِتھ مگر صوتی اِملاہس عملی طور کانہہ ترمیم پیش اوسنہٕ کران۔ پتہٕ ییٚلہِ مٮ۪ے اتھ واو شکلہِ بدلاونُک تصور مرغوٗب تھیوری منٛز پیش کوٚر واریاہن زبٲنۍ ہٕندٮ۪ن ژُکۍ درن تہٕ خیر خواہن سپٕز شادمٲنی مگر میانہِ پیش کرمژِ ترمیمی علامٔژ ہُند (Modified dicrictical mark ) ہُندورتاو روٗد برابر وُنس تام تِتھٮ۪ن جُراتمند مخلص قدردانن ہنزٕ وتہٕ وُچھان یِم صرِف خدا تہٕ قرآن ہِوۍ مقدس لفظ آگر لفظن نکھٕ تھوہن نہٕ بلکہِ ہتہٕ بدٮ۪ن لفظن ہُند ٹھیٹھ کٲشر تلفظ تہِ کُنہِ تردد ورٲے یقینی بناوہن مثلاً متعلقہ حرفس بُتھِ (ۅ) لاگنہٕ ورٲے متعلقہ حرفن پٮ۪ٹھ بلکل پیشٕکۍ پٲٹھۍ امیٛک ژھۅچرٕ نشانہٕ (o) لاگنہٕ سٍتۍ مثلاً۔
خۅدایہِ بدلہٕ خدا قۅران بدلہٕ قرآن گۅلاب بدلہٕ گُلاب لیٖکھِتۍ
قۅربان بدلہٕ قُربان پۅختہ بدلہٕ پختہٕ تہ ٕ مۅختہٕ بدلہ مختہٕ لیٖکھِتۍ
مۅحبتھ بدلہٕ مُحبت سۅرمہٕ بدلہٕ سُرمہٕ تہ ٕ نۅسخہٕ بدلہٕ نُسخہٕ لیٖکھِتۍ
غۅلام بدلہٕ غُلام نۅقصان بدلہٕ نُقصان تہٕ مۅردٕ بدلہٕ مُردٕہ لیٖکھِتۍ
قۅررتھ بدلہٕ قُدرت مۅرتد بدلہٕ مُرتد تہٕ مۅقدم بدلہٕ مُقدم لیٖکھِتۍ
خۅش بدلہٕ خوش قۅوتھ بدلہٕ قوت تہٕ نۅقص بدلہٕ نقص لیٖکھِتۍ
مۅحتاج بدلہٕ محتاج مۅہیا بدلہٕ مُہیا تہٕ مۅحرک بدلہٕ محرک لیٖکھِتۍ
ظۅن بدلہٕ ظُن رۅحجان بدلہٕ رُحجان تہٕ رۅخ بدلہٕ رُخ لیٖکھِتۍ
شۅلہٕ بدلہٕ شُعلہٕ گۅناہ بدلہٕ گُناہ تہٕ وۅبال بدلہٕ وبال لیٖکھِتۍ
خۅراکھ بدلہٕ خوراک نۅسخہٕ بدلہٕ نسخہٕ تہٕ سۅنہٲرۍ بدلہٕ سُنہٲرۍ لیٖکھِتۍ
روایتی پیشس لٔٹ ژٔٹِتھ یہ ژھۅچرُک نشانہٕ ورتاوُن یوٗتاہ سہل چھ تِیوٗتی چھُ مُتعقہ حرفس پٮ۪ٹھ لاگنہٕ کِنۍ سانیٹفُک تہِ زہے نصیب۔ امہِ ہ کہِ ورتاوٕ سٍتۍ بچن سنکر تہٕ آگر وٲلۍ درجن وادٕ لفظ تہِ مثلاً۔
سۅکھ بدلہٕ سُکھ دۅکھ بدلہٕ دُکھ تہٕ دۅد بدلہٕ دودھ لیٖکھِتۍ
گۅڈٕ بدلہٕ گُڈ وۅش بدلہٕ وُش تہٕ مۅٹھ بدلہٕ مُٹھ لیٖکھِتۍ
مۅل بدلہٕ مُل کۅل بدلہٕ کُل تہٕ وۅپدن بدلہٕ وُپدُن لیٖکھِتۍ
۸۔سُفٲرش چھٮ۪ے کرنہٕ یِوان زِ یتھہٕ پٲٹھۍ گول واوُک ژھۅچر ترمیم کٔرِتھ پیشٕکۍ پٲٹھۍ متعلقہ حرفس پٮ۪ٹھ کنہِ لاگُن پزِ تِتھے پٲٹھۍ پززیر قبیٖلٕچ گول یے یا دٮ۪دٕہ ییے تہِ زیرِ ہِندۍ پٲٹھۍ متعلقہ حرفس تلہٕ کنہِ لاگٕنۍ مثلا۔ نٮ۪ماز، وٮ۪قار، تہٕ وٮ۪داکھ لیٖکھِتۍ یا چٮ۪وان ،کھٮ۪وان تہٕ گٮ۪وان یا مٮ۪ے ،ژٮ۪ے، لیکھِتۍ یا صحٮ۪ت ،نعٮ۪مت، حٮ۪کمت، تہٕ مٮ۪ہربان ہِوۍ لفظ لیٖکھِتۍ بلکہِ انگریزۍ لفظ تہِ اٮ۪جنڈا، اِکٹر، بٮ۪لٹ، تہٕ اٮ۪ڈِٹ لیٖکھتۍ ۔
۹۔ییے قبیٖلٕچ بیٛاکھ علامت تہِ پزِ"ے" بدلہٕ تلہٕ کنہِ یژٕی۔ٚ علامت بنٲوِتھ زیرِہٕنٛدۍ پٲٹھۍ متعلقہ حرفس تلہٕ کنہِ ورتاوٕنۍ تہٕ عربی فارسی لفظن ہندۍ ع، ح، تہٕ خ حرٕف وٲلۍ لفظ اصلی صورتس منزٕی ورتاوٕنۍ مثلاً۔
۱۔ ایتقاد بدلہٕ اعتقاد ایتماد بدلہٕ اعتماد تہٕ ایلان بدلہٕ اعلان لیٖکھِتۍ
ایتراض بدلہٕ اعتراض ایتبار بدلہٕ اعتبار تہٕ ایتراف بدلہٕ اعتراف لیٖکھِتۍ
ب۔ ایٚحساس بدلہٕ احساس ایٚحسان بدلہٕ احسان تہٕ ایحتیاط بدلہٕ احتیاط لیٖکھِتۍ
ایٚحترام بدلہٕ احترام ایٚحتمال بدلہٕ احتمال تہٕ ایحتجاج بدلہٕ احتجاج لیٖکھِتۍ
ج۔ ایٚخلاص بدلہٕ اخلاص ایٚخلاق بدلہٕ اخلاق تہٕ ایٚختیار بدلہٕ اختیار لیٖکھِتۍ
ایٚختلاف بدلہٕ اختلاف ایٚختتام بدلہٕ اختتام تہٕ ایٚختصار بدلہٕ اختصار لیٖکھِتۍ
ژھۅٹہِ قبیلچہِ یِم علامژ پٮ۪ن صرِف پرایمری کلاسن منز مُبتدین ہٕندِ خٲطرٕ ورتاونہِ پتہٕ کرِ تہُند پرسٮ۪پشن تہٕ کٲشُر تلفُظُک احساس تمن یمو نِشہِ بے نیاز ۔
۰۱۔ابجد کہِ حسابہٕ لۅکٹہِ ییُک یا یاے معروفُک اوٚڈۍیتھ أسۍ تالٕر تہِ ونان چھِ تمیٛک ورتاو تہِ چھُ محتاط پٲٹھۍ کرُن لٲزمی۔ امیٛک یُس غلط ورتاو تجربٲتی دورٕ پٮ۪ٹھہٕ از تام سپُدسُہ پزِ فوراً ترک کرُن تہِ زن گوۍ گژِھنہٕ کُنہِ لفظس منز باگ لاگنہٕ یِنۍ مثلاً۔ دُنیا پزِ نہٕ دُنۍیا ہ بنیاد۔ پزِنہٕ بُنۍ یاد تکیہ پزِنہٕ تٔکۍ یہ ذریعہ پزِ نہٕ ذرۍ یہ بلکہ پزِنہٕ بٔلۍ کہِ، کلمہٕ پزِ نہٕ کٔلۍ مہٕ،خصوصیت پزِنہٕ خصوصۍ یتھ تہٕ فٔر یاد پزِنہٕ فرۍیاد لیکھُن۔
۱۱۔تالرِہِندۍپٲٹھۍ پزنہِ ژھوٚٹہِ واوچ علامت تہِ کُنہِ لفظس منز باگ لاگٕنۍ۔ اگر بی اے تہ ایم اے بنن وٲلۍ جوان سسٹر لنگویجن ہُند Know howتہِ لٲزمی زانان آسن تیلہِ پزِ نہٕ یمن (علامت صرِف [L: 95]ٚ علامت بنٲوِتھ ورتاونس غفلت کرٕنۍ۔ تہِ زن گو ابتدٲیی کلاسن منٛز کٲشرِ تلفظ تہٕ لہجہ خٲطرٕ ہٮ۪کو أسۍ اوٚصوٗل بدلہٕٚاصول، روٚسول بدلہٕ رٚسول، حوٚضور بدلہٕ حٚضور حوٚکومتھ بدلہٕ حٚکومت ،عوٚبور بد لہٕ عٚبوٗر تہٕ عوٚمومن بدلہٕ عٚموماً لیٖکھِتۍ ۔یِتھۍ آوازٕ نِشانہٕ چھِ صرف مُبتدی ین یا لۅکٹٮ۪ن beginnersطٲلب علمن ہندِ خٲطرٕ ضرورت تِکیازِ یتھٕ پٲٹھۍ عربن قرآنِ شریف پرنس زیر زبر پیش لاگنٕچ ضروت چھنہٕ پٮ۪وان تِم چھِ یم اعراب صرف عجمین ہندِ خٲطرٕ روازانان ۔تِتھے پٲٹھۍ ہیٚکہِ پرسٮ۪پشن درنہٕ پتہٕ یژھ پرٛتھ علامت تہِ مُچھِ ترٛاونہٕ یتھ أتی ہیکون بالغن ہندِ خٲطرٕ پرٛتھ عربی فارسی تہٕ اردو لفظ وۅزُ م دِنہٕ ینچہِ شُخر گُذاری سان تِہندی پٲٹھۍ یا تِہندِس مقرر کٔرمتس ہیجلس نکھٕ ورتٲوِتھ۔
۲۱۔ ژھوٹہِ پیشچہِ ( -ٚ) علامٔژ ہِندۍ پٲٹھۍ چھٮ۪ے یہے علامت اُلٹاوِتھ خاص پٲٹھۍ (رے)(ر) تہٕ ییے(ے) حرف دۅگناونہٕ خٲطرٕ تشدید ہِنزکٲم دِوان یہ پزِ بطورِ علامت امہِ خٲطرٕ مُشخص کرٕنۍ مثلاً برٛور، پرٛار، کرٛال، کرٛول، (ب) بیوٛل، میٚژ ،نیٛاے بیترِ۔
بہر حال یم کٮ۪نہہ گایڈ لاینہٕ ثقافتی شعور تھون والٮ۪ن ہمزبانن آیتن تھٲوِتھ کرٕ بہٕ مرغوٗب تھیوری ہِندۍ ٲخری زٕہ صفحہ تہِ تُہندِس خدمتس منز سنجیدٕہ توجہ خٲطرٕہ پیش۔


APPENDIX II
"A chart on the standardization of kashmiri spellingso Examples are from Kamil's Achhrizan and Rahi's kahvaet.

Magrhoob's phonetic treatment.Restoting the defaced words

Page  No.

Kamil's phonetic experementsresulting irritative defaceemnt of the word

تٔعلیم، تٔعریف، عیب، عبوٗر،قٲعدٕہ
واقعہٕ، جماعت، شفاعت، مٮ۪عمار، تعداد
نعت، شعر، معاملہٕ، معلوٗم، معبوٗد

P.11/12

            تٲلیٖم، تٲریٖف، عٲب، عوٚبوٗر، قٲیدٕہ
واقہٕ، جماتھ، شفاتھ، میمار، تیداد
ناتھ، شار، ماملہٕ، مولوٗم، موبوٗد

دھرم، دھیان، گھرٕہ، گھنٹہٕ،بھگوان
پرٛتھ، بنُیٲدی، بامعنے، مثلاً، یہے

P.14

درم، دیان، گرٕہ، گنٹہٕ، بگوان

پرٮ۪تھ، بُنۍیٲدی، بامانے، مثلن، یہوٚے

عیَش، عیَنک، غیَبت، ہیَبت
پیغام، حیرَان، ویَران، ویرَاگ

P.22/23

عٲش، عٲنکھ، غٲبتھ، ہٲبتھ

پٲغام، حٲران، وٲران، وٲراگ

حٚکوٗمت ، سٚلوٗک،وٚجوٗد، ضٚرورت
شعوٗر، سٚکون، قبوٗل، حضوٗر

P.37

حوٚکوٗمتھ، سوٚلوٗکھ، ووٚجوٗد، ضوٚروٗرتھ
شوعور، سوٚکوٗن، قوٚبوٗل، حوٚضوٗر

خدا، قُدرت، قربان ،غلام
ہُنر، نُکتہٕ، شرمہٕ، ؤزُم، گردٕہ
احساس، احترام، مٮ۪ے، ژٮ۪ے، احسان

P.41

خۅدا، قۅدرتھ، قۅربان، غۅلام

ہۅنر، نۅکتہٕ، سۅرمہٕ، وۅزُم، گۅردٕہ

ایٚحساس، ایحترام، میٚہ، ژیٚہ، ایٚحسان

ہِیوٚت، دیٛت، کوٚت تام کرِاسہِ خوار

P.43

ہیٛوٚت ،دیوٚت کوٚت تام کرِ اسہِ خار

دُنیا، بُنیاد، نٔلچہِ، ذٔریعہٕ
P.45
بٔلکہِ، شٲعِر، کٔتجہِ، سٔنیٲسۍ

P.45

دُنۍیا، بُنۍ یاد، نٔلۍچہِ، ذٔرۍیہ

بٔلۍکہِ، شٲیر، کٔتۍجہِ،سٔنۍیٲسۍ

اعلان، اعتبار، اعتراض، اعتماد

P.47

ایلان، ایتبار، ایتراض، ایتماد

میٛژ، میٛٹ، ویٛز،گھاسہٕ، گیٛڈ

P.48

مٔیژ، مٔیٹ، ؤیز، گاسہٕ گیٔڈ

اُردو، عادت، لٮ۪کھان، باقیٕ ساقیٕ

P.53

اوٚردو، عاذتھ، لٮ۪کھان، باقےٕ، ساقےٕ

شٔدید۔ ضٚروٗرت، کہؤٹ، مٮ۪ے

p.5

شیٚدیٖد، ضوٚروٗرتھ، کہہ ؤٹ، میٚہ

شٲعری، چھٮ۪ے، پزٛزلوُن لال

p.36

شٲیری چھیٚہ، پرٮ۪زلوُن لال

شعوٗری، غیَر شعوٗری، مٔنزلس

P.42

شوٚعوٗری، غٲر شعوٗری، مٔنزۍلس

جمالیات،چھٮ۪ے چیٖزس اٚعتماد کران

p.48

جمالۍ یاتھ چھیٚہ پرٮ۪تھ چیٖزس ایتماد کران

گٔنڈتی اصوٗل، قٲنوٗن، متعلق
حسن تہجس متعلق( منزُک واو ترٛاوُن چھُ غلظ)

P.49

گٔنڈۍ تی اوٚصوٗل، قونون، متعلق
حسن قبجس متعلق( منزُک واو ترٛاوُن چھُ غلظ)

ظن، پیَدٕہ۔وٚجوٗد، محتاج
واقعٲتی،عٚمومیت، معموٗلی، دٮ۪ماغ

P.50

ظۅن، پٲدٕ، ووٚجوٗد، مۅحتاج
واقٲتی، عوٚموٗمۍ یتھ، موموٗلی، دٮ۪ماغ

یوٗت یوٗت، زیادٕہ، بیٲنی، نفسیات،دٔریافت، پیداوار

P.52

یوٗتھ یوٗتھ، جادٕ، بیٲنۍ، نفسۍیاتھ،دٔرۍیاف، پٲداوار

ٲوِلن زٲوٕلٮ۪ن نُکتن دُکھنے، قٲبو، چٲبُک

p.71

ٲوۍلٮ۪ن زٲوۍ لٮ۪ن نۅکتن وۅکھنے ۔قوبو، چوبُک

شُر، سمجھُن، تٔعبیر،خطرٕہ، بجای خود، اشارٕہ
ہم سخن، ،بُنیٲدی،لاتعلقی، بے عقل، دُنیاہس

p.73

شار،سمجھُن، تٲبیر، خطرٕ، بجایہِ خود، اشارٕ
ہم سۅخن، بُنۍیٲدی لاتولقی، بیقل، دُنۍیہس

نٲدمٕنۍ نظم، بٚرباد، صحیح اندازٕہ، بٔلکہِ، اٚحساس
اختیار، جٔدید شعر، فٔرِیاد، چھے

P.188

نٲدۍمٕنۍ نظم، بوٚرباد، صحی اندازٕ، بٔلۍکہِ ، احساس
یختیار، جیٚدیٖد، شار، فٔرۍیاد، چھیٚہ

بیَت نما، یہ زن مٮ۪ے بروٛنٹھیٕ عرض کر
کامیٲبین، وُچھتھی، یِتُی یوت، دنیاہس
بعضے تیٲرِیَن تہٕ ناکٲمین اہمیت
شوقِ فضوٚل، رندانہٕ جُرات، ناکٲمی متعلق
عٲرفٕنۍ، کٲملٕنۍ، تخلیق، مٮ۪ہربان
صوٗفیانہٕ، غزلیٕ پٮ۪ن مٲرِمٔندۍ مانٕنۍ، دعوا

P.202

بٲتھ نما، یزن میٚہ برونٹھےٕ عرض کوٚر
کامیٲبۍین وُچھتھےٕ ،یِتُے یوت، دُنۍیہس
باضے تیٲرۍ ین تہٕ ناکٲمۍین اہمیتھ
شوقِ فوٚضوٗل، رندانہٕ جوٗرتھ، ناکٲمۍیہ متعلق
عٲرۍفٕنۍ، کٲمۍلٕنۍ، نٲدۍمٕنۍ، تخلیٖق میٚہربان
صوٗفۍ یانہٕ ،غزلےٕ پٮ۪ن مٲرۍمٔندۍ مانٕنۍ دادا

***


کٲشرِ زبانۍ ہٕندۍ اچھر
منیب الرحمان

کٲشرِ ڈکشنری منز چھِ کٲشرِ زبانۍ ہٕندۍ اچھر یتھہ پٲٹھۍ دِنہ آمتۍ۔
 أرۍ اچھر
۔َ   ؟   ۔ِ   ۔ٔ ؟
۔ِ   یٖہ/ی   ـ ٍ اوٗ    اوٚ      او اۅ
مےٚ     ے     ۍ   اع

زَرۍاچھر
ا ب پ پھ ت تھ ٹ ٹھ ث ج چ چھ ح خ د ڈ ذ ر ڑ ز ژ ژھ س ش ص ض ط ظ ع غ ف ق ک کھ گ ل م ن و ہ ے
"
اچھر امہ طریقہ نام نہاد ارٮ۪ن تہ زرٮ۪ن اچھرن منز باگراوٕنۍچھیہ ڈکشنری بناون والٮ۪ن ہنز اکھ بارہ غلطی۔اتھ تقسیمہ خلاف چھیہ یتۍ نس تریہ دلیلہ پیش کرنہ یوان۔
نام نہاد  ارۍ  اچھر  تہ زرۍ  اچھر
رسم الخطس منز چھیہ نہ اچھردۅن درٮ۪ن منزباگراونچ روایت۔اچھر دون درٮ۪ن منز باگراونچ چھیہ نہ اسہِ باقی رسم الخطن منز تہِ میلان۔کٲشرِ ڈکشنری منز چھ اچھر دۅن درٮ۪ن منز بٲگراونہ آمتۍ۔ظاہری طور چھیہ دۅیو محرکو کٲم کٔرمژ۔اکھ محرک گوٚو سنسکرت تہ دۅیمٮ۪ن ہندوستانۍ زبانن ہندۍہیجلۍ۔محرک چھ صوتیات۔صوتیاتن پھیُر زبانۍ ہندس سلسلس منزسون ظۅن اچھرو پٮ۪ٹھٕ آوازن کُن ،آوازن ہُند زبانۍ ہُند بنیادی وسیلہ آسنُک پزر کوڈن نون۔صوتیاتن کرِ آوازہ ،تہنز بناوٹ تہ عمل نظرِ تل تھٲوتھ ،بنیادی طور دۅن درٮ۪ن منز تقسیم ۔۔کان سۅنٹ تہ واول۔یوت تام آوازن ہند تعلق چھُ یہ تقسیم چھیہ مناسب ۔مگراچھرن ہندس سلسلس منٛز چھیہ نہ یہ تقسیم تیتھ کینہہ ہاوان زِ تم دون درٮ۪ن منز تقسیم کرنہ ورٲے لگہِ نہ چارے۔تکیازِ اچھر چھ نہ آوازہ۔اچھر چھِ اچھر نہ واول نہ کان سونٹ۔
ارۍ اچھر تہ زرۍ زہ اصطلاح چھِ دراصل صوتیات کس پیٹھس پٮ۪ٹھ بناونہ آمتۍ۔یمن اصطلاحن منز چھُ دون تضاد۔آوازہ ہٮ۪کن ارِ تہ زرِ ٲستھ مگر اچھرن ہند اوٚر آسن چھنہ کانہہ معنی تھاوان۔فارسی والیو تہِ چھیہ امہ قسمہ چہ کوششہ کرِ مژہ مثلاًحرف صدایی یا حرف مصوت تہ حرف گنگ یا حرف مصمت۔یم اصطلاح بناون والۍ چھِ دراصل دۅن تصورن (اچھرک تصور تہ آوازِ ہند تصور)اکھ اکس سٍتۍ رل کران۔اچھر چھِ دراصل زبانۍ ہنزن آوازن ہنز فقط نمانیدگی کران۔تم چھنہ پانہ آواز۔اچھر تہ آواز چھِ زبانۍ ہندۍ زہ بیوٚن ظاہری وسیلہ۔یودوے یہ پزر چھ زِ دۅیمہ وسیلچ بنیاد چھیہ گۅڈنکس وسیلس پٮ۪ٹھ دٔرتھ۔تاہم گۅڈنیُک وسیلہ ییتہ کنن سٍتۍ تعلق تھاوان چھ دۅیم چھ اچھن سٍتۍ۔لہذا اچھو سٍتۍ یم اچھر پرنہ ین تم اگرچہ آوازن ہنز نمایندگی کران چھِ،تم چھِنہ پانہ آواز۔بہر حال آوازن تہ اچھرن ہنز مطابقت ہاونہ باپتھ،تہ اکہ وسیلک دۅیمس وسیلس سٍتۍ رشتہ ہاونہ باپتھ ہٮ۪کن ارۍ اچھر تہ زرۍ اچھر اصطلاح ضرور کارآمد ٲستھ۔مگر یمن نام نہاد اصطلاحن ہنزِ بنیٲذپٮ۪ٹھ اچھر دۅن درٮ۪ن منز تقسیم کرنۍ چھیہ اکھ ناموزون تہ نامناسب کوشش۔دلچسپ کتھ چھیہ اکھ یہ زِ یودوے مثلاً فارسی والیو حرف صدایی تہ حرف گنگ ہیی اصطلاح اسہِ برونہہ بناوۍ مگر تمو کرۍ نہ اچھر یمو مطابق دۅن درٮ۪ن منز تقسیم۔
عربو بناوۍ زہ اصطلاح حروف علّت تہ حروف صحیح ۔یم اصطلاح چھِنہ صوتیاتی بنیٲذن پٮ۪ٹھ بناونہٕ آمتۍ۔تکیازِ عربی رسم الخط چھُ بنیادی طور ازۍ کہ تصوّر مطابق کان سوننٹل اوسمت۔واول ٲسۍ نہ ا تھ رسم الخطس منز ظاہر کرنہ یوان۔مگر کینہہ اچھر (
۱)(و)تہ(ی)ٲسۍکینہہ واول تہِ ظاہر کران حالانکہ بنیادی طور ٲسۍ یم تہِ کان سوننٹن ہنزے نمایندگی کران۔
اچھر تہٕ اعراب
ڈکشنری منز دنہ آمتٮ۪ن نام نہاد ارٮ۪ن اچھرن پٮ۪ٹھ ییلہ اسۍ نظر تراوان چھِ،اتہِ چھِ زہ چیز نظرِ گژھان۔کینہہ اعراب تہِ کینہہ اچھر۔ییتہ نس چھ بیاکھ مسلہ پیدہ گژھان زِ اعراب کتھہ پاٹھۍین اچھرن منز شامل کرنہ۔املاہس منز چھیہ نہ اعراب اچھرن منز شامل کرنچ کانہہ روایت۔تکیازِ اعراب چھ اتھ املاہس منز سٮ۪ٹھاہ اختیاری۔یم چھِنہ لفظن ہندۍ حصہ یتھہ پاٹھۍ زَن اچھر چھِ۔یہ کتھ چھیہ سٮ۪ٹھاہ اہم زِ اعراب آے سٮ۪ٹھاہ ژیرۍ ایجاد کرنہ تہ تمن ہند ورتاو رود سٮ۪ٹھاہ محدود۔اعراب پییۍ قرآن شریف کس صحیح پھورکس مسلس سٍتۍ تھنہ۔چونکہ اتھ رسم الخطس منز ٲسۍ نہ واول ظاہر کرنہ یوان (خاص کر ژھوٹۍ واول)لہذا اوس مذہبی متن صحیح پاٹھۍ پرُن اکھ مسلہ بنیومت،خاص کر ییلہ قرآن شریف عربی نہ زانن والٮ۪ن ہندٮ۪ن اتھن منز ووت۔دۅیم کتھہ ٲس یہ زِ عربی زبان تہِ ٲس جایہِ پتہ جایہ تہِ وقتہ پتہٕ وقتہ بدلان۔لہذا آے واول ظاہرکرنہ کہ مقصدہ باپتھ اعراب تجویز کرنہٕ یم سٮ۪ٹھاہ مقبول سپدۍ۔اعراب وٲتۍ رسم الخطس سٍتۍ فارسی،اردو تہ باقی زبانن تام۔مگر یم آے نہ کنہ تہِ جایہ اچھرن منز شامل کرنہ۔بلکہ رودۍ یم ژھۅٹٮ۪ن واولن ہندۍ فقط پھۅرہ نشانہ یم مذہبی کتابن خاص کر قرآن شریف،شرٮ۪ن تہ مبتدی ین ہندٮ۪ن قاعدن منز لفظن ہند صحیح پھور ہاونہ کہ غرضہ ورتاو نہٕ آے تہ از تہِ چھِ امی مقصدہ خاطرہ یمن زبانن منز رایج۔اعرابن ہنز اختیاری حیثیت زاننہ خاطرہ پھِریون (حروف تہجی وچھنہ علاہ)یمن زبانن ہنز کانہہ تہِ کتاب،اعراب چھِ مشکلنے کُنہِ کُنہِ نظرِ گژھان۔
مگر کاشرِ املاہچ صورت حال چھیہ اتھ برعکس ،کنہ تہِ کتابہ ہندس کنہ تہِ صفحس پٮ۪ٹھ ترٲوو نظر،اچھن زن چھِ کنڈۍ سنان تہ چھیہ آسان لفظن تلۍ تہ پیٹھۍ اعرابن ہنزہ رزہ گنڈۍ گنڈۍ۔دۅن سطرن درمیان یۅسہٕ خالی جاے سطر پرنہ چہ آسانی مۅکھہ تراونہ یوان چھیہ۔سۅ چھیہ آسان پیٹھۍ مہِ لٲنہِ ہندٮ۪و بنۍ مٮ۪و اعرابو تہ بنۍ مہِ لٲنہِ ہندٮ۪و پٮ۪ٹھۍ مٮ۪و اعرابو سٍتۍ برنہ آمژ۔نتیجہ چھ نیران دۅن سطرن درمیان چہِ جایہِ ہند آسن چھ نہ آسنس برابر گژھان تہ پرنس منز چھیہ سٮ۪ٹھاہ دقت یوان۔
کاشر املا تجویز کرن والٮ۪ن برونہہ کنہ اوس مسلہ یہ زِ عربی فارسی اردو کۍ( َ، ِ ، ُ)ترے اعراب ٲسۍ نہ کاشرِ کہ خاطرہ کافی،تکیازِ اتھ زبانۍ منز اوس ژھۅٹٮ۪ن واولن ہند تعداد زیادہ۔حقیقتاً اوس نہ عربی رسم الخط کاشرس براہ۔مگر پرٮ۪تھ زبانۍ ہندِ خاطرہ چھ نہ الگ رسمِ خط۔ لہذا کاشرِ کہ خاظرہ اکھ بیاکھ رسم الخط ورتاون ٲس ہشی کتھا۔دۅیم کتھ یہِ رسم الخط اوس کاشرِ کہ خاطرہ تاریخی ،مذہبی تہٕ تمدنی لہذا ساورے رسم الخطو کھۅتہ زیادہ مناسب تہ موزون۔کاشر املا تجویز کرن والۍ ہیکۍنہ سُہ کُھر کاسنچ کانہہ وتھ کڈتھ،یُس اعراب لازمی طور املاہس منز ورتاونہ کنۍ یوان اوس۔نہ صرف کرۍ یموسانٮ۪و بزرگو ژھۅٹٮ۪ن واولن ہندِ خاظرہ زیر،زبر تہٕ پیش علاوہ بییہ کینہہ اعراب(مثلاً(  َ
ٍ)تہ (  ٛ )
تجویز بلکہ کٔرِکھ کینژن زیٹھٮ۪ن واولن ہندِ خاطرہ تہِ اعرابے تحویز(مثلاً(  َ )تہ(   ٍ )بیترِ)،حالانکہ اتھ رسم الخطس منز ٲسۍ زیٹھٮ۪ن واولن ہنز نمایندگی اعرابو بجایہِ اچھرے کران۔جان روزہے یودوے زیٹھٮ۪ن واولن ہندِ خاطرہ کینہہ نوۍ اچھر تجویز کرنہ یہن۔اکھ روزہے امہ سٍتۍ رسم الخطچ سالمیت برقرار تہِ بییہ گژھِ ہے نہ املا اعرابن ہندِ سیلابک شکار۔
بہر حال اسۍ اگر وُنہ تہِ وارہ پاٹھۍ پننس املاہس ووٚن دمو ٹاکارہ چھ زِ اسۍ چھِ واریاہ اعراب غیر ضروری طور ورتاوان۔یودوے اسۍ یم اعراب لکھایہِ منزہ یکسر نٮ۪بر کڈوکھ۔کانہہ فرق پییہ نہ۔اسۍ چھِ دراصل وہمکۍ شکار۔اسہ چھِ باسان یودوے اسۍ اعراب ورتاوو نہ اسہ تگن نہ لفظ پرنی۔یہ چھ غلط خیال۔وجہ چھس زہ۔اکھ یہ زِ اسہِ چھیہ غلط فہمی ز اسۍ کیا چھِ کانہہ تہ عبارت ہیجہ کڈتھ پران۔پرنک تعلق چھ ہیجہ کڈنہٕ بجایہ لفظن ہنز شکل صورت پرزناونس سٍتۍ۔یعنی پرنک تعلق چھ بصری یاداشتس سٍتۍ تہ پرنہ چہ کارکردگی ہندس تسلسلس سٍتۍ۔اسہ چھ اعراب لگٲوتھ لفظ پرنک یوت عادت کورمُت ز باسان چُھ زِ یمو ورٲے ہٮ۪کوکھ نہ اسۍ لفظ پہچانۍ تھے۔دۅیم وجہ چھ یہ زِ اسۍ چھ ییمہ غلط فہمی ہندۍ شکار زِ املاہس منز گژھِ لفظہ چٮ۪ن سارنے آوازن ہنز یکسان تہ برابر نمایندگی سپدنۍ۔یۅہے نظریہ برونہہ کنہ تھٲوتھ چھ سانٮ۪و بزرگو کاشرِ زبانۍ ہندِ خٲطرہ املا بجایہِ اکھ صوتی تحریر تیار کورمُت۔کُنہ تہِ زبانۍ ہند املا ہیکہ نہ یکساں طور تہ برابر پاٹھۍ
ز بانۍ ہنزن آوازن ہنز نمانیدگی کٔرتھ۔پرٮ۪تھ املاہس منز چھ لفظ اکہِ انمانہٕ لیکھنہٕ یوان تہ بییہ انمانہ پرنہٕ یوان۔بہر حال یہ بحث زیٹھراونہ وراے،کاشرس املاہس چھِ غلطی کنۍ کینہہ اعراب اگادِگامتۍ تہ کینہہ اعراب چھس بہ مقصد وٲٹِتھ تھاونہ یوان۔تہِ کٔرتھ چھِ اعراب اعراب تہ اچھر اچھر۔اعراب ہٮ۪کن نہ اچھرن ہنز جاے رٹتھ تکیازہ بنیاد چھ اچھرے یمن اعراب تلہٕ تہ پٮ۪ٹھ پھور ہاونہ باپتھ تراونہ یوان چھ۔لہذا چھِنہ زبانۍ ہندٮ۪ن اچھرن منز اعراب شامل کرنہ یوان۔بلکہ چھِ قاعدن بیترِ منز اچھر الگ دنہ یوان۔ڈکشنری منز دنہ آمتٮ۪ن نام نہاد ارٮ۪ن اچھرن منزچھنہ اعراب تھاونک کانہہ جواز۔یم گژھن الگ پاٹھۍ دنہ ینۍ۔مثلاً کاشرہ زبانۍہندۍ اعراب ہٮ۪کوکھ اسۍ یتھہ پاٹھۍ دِتھ۔

َ  آ   ٔ ٲ   ۔ِ ۔ٖ  ۔ٕ  ۔ٍ  ۔ُ  ۔ٚ  ۔ٛ   ؠ  کل 12  اعراب

نقلی اچھر
اعرابن علاہ چھِ ڈکشنری منز نام نہاد ارٮ۪ن اچھرن منز کینہہ اچھر تہِ دنہ آمتۍ،یم پتہ دوبارہ نام نہاد زرٮ۪ن اچھرن منز دنہ آمتۍ چھ۔اکُے اچُھر دۅن جاین دنک چھنہ کہنے جواز۔مثلاً(او
ٗ) چھِنہ کنہ تہ صورژ منز اکھ اچُھر ۔یم چھِ زہ اچھر (ا)تہ (و)۔یم دۅشوے اچھر چھ نام نہاد زرٮ۪ن اچھرن منز دوبارہ دنہ آمتۍ۔یتھہ پاٹھۍ باقی (اوٚ)،(او)،(اۅ) تہِ چھِ زہ بیون اچھر۔۔(ا)تہ (و)۔صرف چھ (و)عربی فارسی اردو واوہ نِش کاشرِ کہ خاطرہ اکھ الگ اچُھر۔یتھہ پاٹھۍ (ےٚ)،(ے)،(ٮ۪ے)تہِ (ےٛ)ژور الگ اچھر بناونۍ یا ژورِ لٹہ دنۍ چھنہ کاکۍ گی علاوہ کینہہ باوان۔یم ژوٚشوے اچھر چھ ژکہِ اکُے اچھر (ے)،یُس نام نہاد زرٮ۪ن اچھرن منز دوبارہ دنہ آمت چُھ۔(اع)تہِ چھنہ اکھ اچُھر بلکہ زہ بیون اچھر (ا)تہ (ع)۔پتھ چھِ روزان(ۍ)،یہ تہِ چھ عربی فارسی اردو (ی)تہ(ے)نِش کاشرِ کہ خاطرہ اکھ الگ اچُھر۔وۅنۍ چھ سوال یمن اچھرن پٮ۪ٹھ تہ تلہ دِنہ آمتۍ نشانہ (اعراب)مثلاً اوٚہُک/ٗ/ ٚ / ،ےٚ ہُک / ٚ /تہٕ ےٛ ہُک / ٛ /،بیترہ کوت گژھن؟سانہ یمہ بحثہ تلہ یُس نقطہ نظر برونہہ کُن یوان چھ تمہ مطابق روزن یمن اچھرن تلہ تہ پٮ۪ٹھٕ دنہ آمتۍ نشانہ اعرابن سٍتۍ،یم اسہ پتۍ مہ دلیلہ ہندس ٲخرس پٮ۪ٹھ دِتۍ۔
کاشرہ زبانۍ ہندۍ اچھر
اچھر دۅن درٮ۪ن منز باگراونہ چہ دُپن دلازی ہنز گۅڈنچ بنیاد گرٲو اسہِ پتۍ مہ دلیلہ منز یہ ؤنتھ زِ اعراب چھنہ اچھرن منز شامل کرنہ یوان تہ دۅیم بنیاد سپزس ییمہ دلیلہ سٍتۍ مسمار ز نام نہاد ارٮ۪ن اچھرن منزدنہ آمتۍ اچھر چھِ تمے یم دوبارہ نام نہاد زرٮ۪ن اچھرن منز دنہ آمتۍ چھِ۔ییلہ نام نہاد ارٮ۪و اچھرو منزہ اعراب تہ تم اچھر نٮ۪بر کڈوکھ،یم نام نہاد زرٮ۪ن اچھرن منز دوبارہ دنہ آمتۍ چھِ،کاشرِ زبانۍ ہندۍ اچھر چھِ نام نہاد ارٮ۪ن تہٕ زرٮ۪ن اچھرن منز باگراونہ وراے یم بنان۔
ا
ب پ ت ٹ ث
ج چ ح خ
د ڈ ذ ر ڑ ز ژ
س ش ص ض ط ظ ع غ
ف ق ک گ ل م ن
و ۅ ہ ھ ۍ ی ے
کل 39 ( کنہ تاجی) اچھر۔
(اچھرن منز(پھ)(تھ)(ٹھ)(چھ)(ژھ)تہ (کھ)نو الگ اچھر دنہ بجایہ ہٮ۪کون اسۍ صرف اچُھر (ھ)دتھ تاکہ اچھرن ہندس تعدادس منز گژھِ نہ غیر ضروری ہرٮ۪ر)۔
***

کٲشر اِملا
نذیر آزاد
کٲشر رسمِ خط چھ پریون بحث۔اَتھ سلسلس منز چھس بہٕ پروفیسر مرغوب بانہالیؔ صابس تہٕ برادرم منیب الرحمانس ستھ واریاہس حدس تام اتفاق کران۔اَز کل یُس رسم خط رسالہٕ
"نیبس"منز استعمال سپدان چھ سہ چھ نہ صرف قابلِ قبول قابلِ عمل۔یُس رسم خط سانۍ اکثر لٮ۪کھن والۍ استعمال کران چھِ تہ امہ کہ سائنسی (نام نہاد)مزاجچ وکالت کران تھکان چھنہٕ سہ چھ واریاہس حدس تام ناقص تہٕ ناقابل عمل۔چنانچہ یہ چھنہ ساینسی مزاجہِ وول بلکہ چھ یہ صوتیاتی بنیادن پٮ۪ٹھ ترتیٖب دِنہٕ آمُت۔اَتھ سلسلس منٛز کرٕ بہٕ پنُن اکھ ذاتی واقعہ پیش۔
میون اکھ دوست اوس تازہ تازے ایم۔اے ۔(کشمیری) کرِتھ فارغ سپُدمُت تہٕ اوس کاشرِ رسم خط کس سائنسی مزاجس پٮ۪ٹھ بحث کران زِ کَتھ کٔنۍ یہ بولنہ تہ چھُ لٮ۪کھنہٕ یوان تہِ اَتھ ضمنس منٛز اوس انگریزی
Put تہٕ  Butہشہِ مثالہٕ دِتھ یہِ ثٲبت کرُن یژھان زِ انگریزی زبان چھے کٲشرس مقابلہ ناقص تہٕ أسۍ چھ واریاہ عالم۔مےٚ کوٚرعرض زِ "عبدالغنی قاضی"لیکھۍ تو۔تِمو یہ تحریر کوٚر سہ اوس۔
"اوٚبدُل گٔنی کازی"
مےٚ کوٚر عرض زِ حضرت اتہِ چھُ
"عبد"پننہِ بندگی پٮ۪ٹھ شرمندٕ۔"غنی"چھُ پنہٕ نس "غنیٰ"ہس پٮ۪ٹھ واویلا کران تہٕ"قاضی"چھُ قضاد قدر ترٲوِتھ ڈٮ۪کس ژنجہِ دوان تہٕ بحیثیت ِ مجموعی عبدالغنی قاضی تہِ چھُ پانس پرزٕناونہٕ نشہِ انکار کران۔تِمو فرمووزِ کیاہ تہِ ٲسۍ تَن ناو آو صحیح تلفظٕ سان لٮ۪کھنہٕ تکیازِ ساینسی مزاج چھُ یی۔
پتہٕ ییٚلہِ مےٚ وُچھ زِ سانیو اُستادو چھےٚ
"تعلیم""تٲلیٖم"بنٲومٕژ مےٚ باسے یہِ اسکولس تہٕ قالین وانس روزِنہ ونۍ کانٛہہ فرق۔یتھے کٕنۍ ییٚلہِ "وقت"گۅڈٕ"وکھ"تہٕ پتہ "وَق"بنیاو مے باسیوزہ بہٕ چُھس سٔتۍمہِ صدی عیسوی منٛز۔
چنانچہ اکہِ وقتہ چلے یہِ اُردو زبٲنۍ منٛز تہِ یہِ مہم زِ ش،ف،ع،غ،ہوۍعربی تہٕ فارسی الاصل حرف گژھن اُردو رسم خطہ منٛز نٮ۪بر کڈنہٕ یِنۍ۔مسعود حسین خان صٲبن فرموو زِ یِم چھےٚ مُردہ لاشہِ تہٕ سون(اُردو)رسم خط چھُ یمن شانن پٮ۪ٹھ اوٕ مۅکھٕ تُلتھ یُتھ زَن اسہِ تہِ عربی تہٕ فارسی یَس درمیان رشتہٕ روزِ ثابت۔پتہٕ ییٚلہِ غُل(بمعنی شور)تہٕ گُل(بمعنی پوش)،عہد تہٕ احد،قبر تہِ کبر،فوراہ تہٕ پھوار ہوٮ۪ن لفظن ہٕندس معنیس منٛز انتشار پیدہ سپُدردِعملچ مُہم ژھۅکے یہ پانے تہٕ کارو رٔٹۍ بیٚیہِ یِم حرف نالہ متہِ ۔کٲشرس منٛز
"تعلیم""تٲلیٖم"تہٕ"تعجب""تٲجب"بناونس پتہٕ کنہِ تہِ چھُ أکس حدس تام یِتُھےٕ سوچ کٲم کران۔
بنیادی طور چھِ رسم خط تہٕ تلفظ الگ چیز۔جدید لسانیاتس منٛز چھ یمن
Graphemeتہٕ  Phonemeونان۔گرافیم گو تحریر لفظ تہٕ فونیم گو ملفوظی لفظ۔یہِ چُھنہ ضروری زِ یُس لفظ ییٚمہِ آیہِ بولنہ ییہِ سُہ کیا گژھِ تٔمی آیہِ لٮ۪کھنہ یُن ۔ لفظ چھِ اکہِ زبانۍ پٮ۪ٹھ دوٚیمہِ زبانۍ منٛز داخل سپدان۔مٔنٛزۍ چھِ لسانی تصرفات گژھان (شکلہ ہٕندۍ یا معنیکۍ)۔مثلاً لفظ چقماق آو کاشرِ زبٲنۍ منٛز شکل بدلٲوتھ تہٕ بنییو "زکھمکھ"تہٕ"رود"آو فارسی پٮ۪ٹھٕ معنی بدلاوان تہٕ بنیاو بارش۔مثلاً انگریزی یَس منٛز آے واریاہ لفظ یونٲنی تہٕ لاطینی پٮ۪ٹھ مگر انگریزۍ سماجن کٔرۍیِم پرٲنی شکلہِ یا معنیس منٛز تسلیم۔وۅنۍ اگر کانٛہہ افلاطونِ دہر Knifeبدلہٕ، nife یا  Knowledgeبدلہٕ  nawlegeیا Psycology بدلہٕ Sykology لٮ۪کھنس پٮ۪ٹھ اصرار کرِ تس کیاہ وَنو؟تُہۍ کٔرو تہِ پانہٕ فیصلہ۔یتھے کٔنۍ اگر فیصلہ بدلہٕ فٲصلہٕ لیکھو تیٚلہِ کتھ نیرِ معنی Judegementتہٕ کَتھ وَنو Distance۔یتھے کٔنۍ چھُ برطانوی colourتہٕ امریکی colorاکی آیہِ پرنہ یوان۔فارسی"چوں"چھُ "چُن"پرنہٕ یوان تہٕ اُردو والیو بنوو نہٕ اولوالعزم اولُل عزم یا اَزم۔
دراصل چھُ تحریری لفظ
Graphemeأچھن ہٕندس پہچانس سٍتۍ تعلق تھاوان ہیٚجہ کڈنس سٍتۍ نہ کینٛہہ تہٕ صوتی لفظ چھُ آوازِ سٍتۍ تعلق تھاوان زِ اَتھ منٛز کۅسہٕ آواز چھےٚ کٲم کران۔یتھٕ کٕنۍ نہٕ اَسہِ Knife پرنس منٛز وقت چھےٚ یوان تِتھے کٔنۍ چھُ نہٕ اسہِ تعجب (صوتی لحاظہٕ تٲجب) پرنس منٛز کانٛہہ مُشکل بُتھہِ یوان ۔وۅنۍ اگر اسہِ nife لیوکھ سورے علمی معاشرہ گژھِ انتشارُک شکار یتھٕ کٔنۍ سانیو عٲلمو Graphicsتہٕ Phonoticsخلط ملط کرِتھ انتشارپیدہ کوٚر۔تہٕٲخرس پٮ۪ٹھ وٲتۍ یتھ نتیجس پٮ۪ٹھ زِ خۅداتہٕ قۅران بدلہٕ گژھِ خدا تہٕ قرآن لٮ۪کھنہٕ یُن۔سوال چھُ زِ ییٚلہِ نہٕ یمن ہٕنز اصلی شکلہِ سٍتۍ کانٛہہ انقلاب آ و تیٚلہِ کُس آسمان وسہِ زمینس پٮ۪ٹھ اگر أسۍ تعلیم،تعجب،تناظر،پیغام تہٕ خواہش یا خواب لیکھو۔
مرحوم اُستاد محمد عبداللہ تبت بقال(گلوکار تہٕ موسیقار ،اللہ تعالیٰ کٔرۍنَکھ غریق رحمت)ٲسۍ زاننہٕ پٲٹھۍ فارسی زانان۔تہند گیوومُت خسرو سُند نعتیہ کلام چھُ سٮ۪ٹھاہ مشہور۔
خطِ سبزو لبِ لعل و رُخ زیباداری
حُسنِ یوسُف،دَم عیسیٰؑ ،یدِ بیضاداری
مگر مرحومن چھُ یہِ صوتیاتہ حسابہ ییٚمہِ آیہِ گیومُت۔
کھتِ/سبزو/لب/لالو/رۅکہِ /زیبا /دٲری/
ہۅسنِ/یوسُپھ/دَمِ/ییسا/یدِ/بٲزا/دٲری
گویا کہِ سٲنۍ بٔڈۍ اُستاد چھِ فارسی تہٕ کٲشرس تلفظس منٛز پران۔سانٮ۪ن پالیسی سازن کیازِ چھُ اندیشہِ زِ اگر نہ أسۍ
"رۅخ"لیکھو طٲلب علم ما پرِ غلطی کِنۍ(یا کُنہِ سٲزشہِ تحت)یہ اصل فارسی تلفظس منٛز۔سٲنۍ پالیسی ساز گژھنا تیٚلہِ خوش ییٚلہِ مرازٕکۍ ادیب"ڈوٚنۍ"لیکھن تہٕ سرینگرٕکۍ لیکھن "ڈون"تہٕٕ دۅنوے طبقہٕ آسن پننہِ پننہِ جایہِ جایہِ صحیح۔نی تویۅہے لفظ"صحیح"اگر یہِ نوِفیشنہ مطابق"سہی"لیکھنہٕ ییہِ(یتھٕ کٔنۍ امہ رسم خطہٕ کٮ۪ن ابتدٲیی دۅہن منٛز شفیع بدلہٕ"شفی"آو لیکھنہٕ )تیٚلہِ کیاروزِ "صحیح"بمعنی درست تہٕ"سہی "بمعنی سرو لفظن منٛز کانٛہہ یِم نہ صرف معنی بلکہِ مصدر لحاظہٕ تہِ الگ چھِ۔پتھ روٗد سوال تِمن لفظن ہُند یِم کٲشرۍ چھِ(چاہے تِم سنسکرتہٕ پٮ۪ٹھٕ سفر کٔرتھ کٲشراونہٕ آمٕتۍ چھِ یا عربی فارسی پٮ۪ٹھ)تہٕ یمن ہُند املاوُنہِ مشخص سپُد مُت چُھنہٕ تمہِ خاطرٕ ہٮ۪کو یہِ رسم خط استعمال کٔرتھ۔تازٕ وار عربی فارسی لفظن پٮ۪ٹھ اعرابن ہند بار کھالنہ سٍتۍ تہٕ یہٕنزشکل بگاڑنہٕ سٍتۍ سپدنہِ وقتہٕ کہِ نقصانہٕ علاوٕ کینٛہہ تہِ حاصل ۔یہِ صوتیات ہیٚکہِ ڈکشنرین منٛز تہِ بطور keyبکار یِتھ یُتھ زَن پرٛتھ کُنہِ مکتوبی (لیکھنہٕ آمتس)اندراجس پتہٕٕ امیُک تلفظ امہِ صوتیاتہٕ سٍتۍ ظٲہر کرنہٕ ییہِ۔وۅنۍ اگر اسہِ تہِ ش،ق،ع،غ،تہٕ ف حرف پننہِ حروف تہجی منٛزنٮ۪بر کٔڈۍ سانٮ۪ن لغت نگارن ین لفظن ہٕندۍ ماخذEtymologyژھانڈنس منٛز مشکلات درپیش۔
*****
یتھ مضمونس منز تہِ چھ لفظن پٮ۪ٹھ اعراب نظرہ گژھان یُس صرف کمپوزنگ کرن والٮ۪ن ہند عادت چُھ بنیومت۔آئندٕ ییہ اتھ کن زیادے دھیان دِنہ۔(ادارہ)

غزل
رفیق راز

درۍیاو کلس پٮ۪ٹھ تہ پدٮ۪ن تل چھُ بیابان
منز باگ کتٮ۪تھ تام کنُے زوٚن بہ اویزان

أخر چھِ یمے قطرٕاشکۍ کار کراں کیٚنہہ
أخر چھِ امی رودٕ کنوۍ بال تہ وٮ۪سران

فلحال دزِن تاپہ یہ نمناک سیہ خاک
کیٚنہہ کألی ہوا گۯاے کرٮ۪س زیرِ پریشان

حد سلطنتکۍ  کم چھہ کراں ظلِ الآہی
خأراتھ کرِتھ آو بخارا تہ خراسان

وچھوے تہ مدح چأنۍ کراں آرٕ تہ درۍیاو
چأنی چھٚے گۅپھن ہنٛز یہ خموشی تہِ ثنا خوان

تبدیل کراں سلطنتُک نقشہِ صفن پٮ۪ٹھ
نادیدٕ علاقن چھُ کراں زیر قلم دان

دودُے چھُ دوا تس زِ یمِس دود رچھُن توٚگ
روشن چھُ کراں چون فراقٕے یہ شبستان
*

فضاچھ سازگار
رفیق راز

چوکہ پٮ۪ٹھٕ آو
اکھ لارِ ہوٚت سوٚکوت
تہ ژاو دواں تہ دوران
کوچن منز
شانسہِ ہوتے ژاو گھرن منز
تہ وچھاں وچھاں پھلیوو
بستی ہنزن رگن منز
زہرکۍ پأٹھۍ
مےٚ سونچ
مےٚ پزِ وۅنۍ صدا لاین
فضا تہ اوس ساز گار۔

*
زر ذراتس زر

تھرٮ۪ن پٮ۪ٹھ أسۍ تیونگل وہان
تتھے کنۍ یتھٕ کنۍ
شبہ کس جنگلس منز
سہہ سنزٕٲچھ
وتھرن پٮ۪ٹھ اوس تاپھ
تھنہِ ہندۍ پأٹھۍ متھنہ آمت
وٹھن پٮ۪ٹھ أس تریش
جویو جویو پکان
کنن اوس تھوٚپ
ذر ذراتس اوس زر
بہ اوسس تیز رفتار
زمین دوز آرک شور ہیو
گرٮ۪زان
*
شہہ سوار
رفیق راز
دٮ۪وارن گے
سوار
تہ قرنہ وادن ہند سفر
کوٚر ژہٮ۪ن منز طے
روٹہ گأمتٮ۪ن مسأفرن
ہند شمار تہِ سپدِ
قرنہ واد گژھتھ
عجیب شہہ سوارن منز
*
حریروۍ آسمان
تس أسۍ نہ اچھرن ہندۍ خزانہ
وراثتس منز تَرۍ متۍ
تس أسۍ حریرکۍ کینہہ ورق
کتہ تام دسۍ یاب گَمتۍ
سہ اوس یمن حریری ورقن
آسمان بناوان
ستارو کنہِ اوس
یمن آسمانن
زمین چہِ تٮ۪مبرِ چونٮ۪ن ہندۍ پأٹھۍ جران
یس کر تام اوس کھۅرو تلہ نیرتھ ژوٚلمت
***

دۅن اتھن ہنز داستان
ہردے کول بھارتی
یوان یوان وٲژ سۅ برٕ داسس تام تہٕ امہ پتہٕ کوٚڑُن برنزس کھنڈس تھکھ ہیو۔سۅٲس دروازٕ کہ ہیٚرمہ داسہٕ پیٹٚھۍ تہ شاید لِون پھش دِیُن یژھان ،پوٚز دروازٕ پٮ۪ٹھٕ کنٕچ لب ٲس تسندِ قد کھۅتہ واریاہ تٔھز ،تیٖژ تٔھز زِ تسُند اوٚت تام نٔر پلوِتھ لِون پھش دِین اوس ناممکن،تٔمہِ دِژ خٲلی کمرس اکہ لبہِ پٮ۪ٹھٕ دۅیمہِ لبہ تام نظرو سٍتی دوٗنۍ۔سۅٲس لِون ہُر ہٮ۪تھ برٕ پیٚٹھۍ لبہِ تام واتنٕچ سبیل ژھانڈان۔تَس رُکے یہ مےٚ پٮ۪ٹھ نظر تہ کینژس کالس گوس لِوُن مشِتھ۔بہ اوسُس وانسہ ہندس تتھ پڑاوس پٮ۪ٹھ ییٚلہِ انسان کھۅکھُجہ ہُند دور مکمل کرتھ صرف دۅن پدٮ۪ن کھڑا سپدنُک ہل بل چھُ کران ۔میانہ امہ کوششہِ سٍتۍ ٲسۍ تازٕ لوِنس کینٛژن جاین ژکھر ؤتھۍمتۍ۔
۔۔۔۔۔
"بلایہ لگے ژکھر ما تُل"۔تٔمہ ووٚن بٔلۍ مےٚ کُن ،تس ٲسنہٕ کانہہ شکایت ،بلکہ ٲس خۅش زِ بہ چُھس کھۅکھجہ ہُند اہم منزلہٕ طے کرتھ وۅنۍ صرف دۅن پدٮ۪ن پٮ۪ٹھ کھڑا سپدنُک سنز کران۔تسند سریٚہیُل وُٹھٕ گمنیار وُچھتھ آس بہٕ وۅلسنس ہیو تہ ٕ تَس وُچھون کٔرم بیٚیہ کھڑا سپدنٕچ کوشش۔مےٚ دِتۍگۅۅڈٕ نٔمتھ دۅشوے اَتھہٕ پتھرس،پتھریُک اَڈٕ ہۅکھ لِون لاریو مےٚ دۅشوٕنۍ ماوَن،میٲنۍ یہ جستہٕ خٲذ وُچھتھ آو تسنزن أچھن منز ٲہی ہُند شہجار وۅتلِتھ تہٕ سورے تھکُن گوس زَن مومٕکۍ پٲٹھۍ وٮ۪گلِتھ۔مےٚ تُل وارٕ وارٕ زمینہِ پٮ۪ٹھٕ اکھ اتھہٕ تھوٚدتہٕ زنگہ سٍتۍ ماوِ ہُند لِون متھان متھان تھووُم کوٹھس پٮ۪ٹھ اتھٕ ،ہٮ۪لہٕ کورُم تھوٚد وۅتھنُک پوٚز اڈے باسیوم زٕ بہ یمہٕ اوٚک طرف لاینہٕ ۔۔۔۔۔"ہٮ۪متھ کرو سوٗرہ گوسانیا۔ "تٔمہِ ووٚن تہ کمرس پھہلے یہ دۅدٕ ہرٕچ ہِش مشکھ۔مےٚ کھور وارٕ وارٕ بیاکھ اتھہٕ تہٕ تھووُم دۅیمس کوٚٹھس پٮ۪ٹھ،پتہ کٔرم کوٹھٮ۪ن پٮ۪ٹھ استادٕ سپدنٕچ کوشش۔گیٖران گیٖران گوس بہ گۅڈٕ کوٚب کٔڈِتھ تہ پتہ پورٕ پٲٹھۍ استادٕ۔یہ وُچِھتھ پھۅجہِ تَس زَن بۅکہٕ،ٹارٮ۪ن پٮ۪ٹھ آس شبنم ہیو ٲدریار تہٕ سورے گو سونتھے سونتھ۔پوٚز صرف دۅن پدٮ۪ن پٮ۪ٹھ کھڑا سپدنہٕ خاطرٕ چُھ ڈٔنڈ اکی ترایہِ تھاونُک ہۅنر زانُن ضروری تہٕ بہٕ اوسُس اِتھہ ہۅنرٕ منز وُنہِ آچھرےٕ،اوٕ مۅکھہٕ اوس مےٚ پانس تہ باسان زِ وۅنۍ پٮ۪مہٕ وۅنۍ پٮ۪مہٕ۔مےٚ کٔر ہنجٲرۍ پٲٹھۍ ہوہَس منز پۅلرہ پشجہِ نرِ ژھڑٹہٕ وِتھ ڈنجہ کھڑا روزنبٕچ کوشش تہٕ ژہس أکس روٗدس کامیاب تہِ۔تٔمہِ کوٚر خۅش گژھِتھ لِون اتھے تِیتھ زورٕ ژرِ پوٚپ زِ لِون چھۅکو سٍتۍ دراو کرہنس تمٕنۍ تالوس تارکھ نَب۔مےٚ وچہ لون چھکہِ ہندِ بیٖمہٕ ہٕکہٕ أچھ سٍتی ڈوٚل توازُن تہ بہٕ گوس دۅپھ کٔرتھ پتھر بہتھ۔
۔۔۔۔
"سوٗرہ گوسانیاہ أچھ ٹٹہٕ واریہ سٍتی گوکھابہتھ؟"۔۔۔۔۔تٔمہِ ووٚن اسان اسان تہٕ پھی پوٚت دروازکہٕ ہیرمہِ دَمہٕ پیٚٹھۍ لبہِ ہندس تَتھ حصس لِون پھش دٕنچ سبیل ژھانڈنہِ یوٚت تام تَس نٔر پلان ٲس نہٕ۔تہٕ بہٕ بیوٹھس بیٚیہِ دۅن پدٮ۪ن پٮ۪ٹھ کھڑا سپدنہٕ بساپتھ جستہٕ خٲزش نہ۔
بہٕ اوسس اتھ کوششہ منز ژھنتھ پیومُت گرا دۅپھ کرتھ بہتھ گژھان تہٕ گرا ڈلہٕ گژھتھ چھاونہٕ یوان،پوٚز ژہس أکس وۅدٕنۍ روزنہٕ سٍتۍ یُس نَشہِ تہٕ یۅسہٕ مستی ہش مے باسان ٲس،سۅٲس تھکنہٕ کہ احساسہٕ کھۅتہٕ سٮ۪ٹھاہ طاقتور ،تلہٕ پدٮ۪ن ٲس عجیب سٕسر ہِش باسان۔یۅسہٕ کنی ژھالہٕ رگن رگن آس پھیلان دلس اندۍ اندۍاوس باسان خوش یِوُن ترنیار ہیو تہٕ وَچھ اوس زِن بونہِ ہند باڈو لبان۔یتھہٕ پٲٹھۍ صرف دۅن پدٮ۪ن پٮ۪ٹھ کھڑا سپدنہٕ وِزِ ییٚلہِ تہِ بۅن کُن وُچھان اوسُس باسان اوسم کھورہ تلچ زمین چھ سٮ۪ٹھا سٮ۪ٹھا بۅن تہٕ کلہٕ پٮ۪ٹُھک اسمان سٮ۪ٹھا سٮ۪ٹھا نزدیک،نرِ ہرگاہ پِلوس کۅمب کرتھ رٹن سورےٕ تاپھ ہٮ۪تھ نالہٕ متہِ،امی کھراوکہِ امارٕ اوسُس دَب لگِتھ ،ڈُلہٕ گژہِتھ تہِ دۅن پدٮ۪ن پٮ۪ٹھ کھڑا سپدنٕچ کوشش کران
تَس ییٚلہِ نہ برٕ پیٚٹھۍ لبہ تام پلنٕچ کانہہ سبیل اتھہِ آیہِ،تٔمہِ تھٲوۍ برٕ چہِ تھزِ دمدرِ پٮ۪ٹھ کھۅر زٕ ،کھوہورِاَتھہٕ کٔرن پیٚٹھۍ مِس دَمس تھپھ تہ دچھنہ اتھہٕ ہُر پلوتھ سیتن اکھ پھش،دویم پھش، تریم اوسن ونہِ اوٚڈے دِیتمت زٕکیاہ تام گو شاید گیہ تس کھۅہورِ اتھچ تھپُ ڈیٚج ،تس آیہِ ہٕکہٕ گراے،ہُر پیو پتھر تہٕ بۅنہٕ گو دمددرِ لارتھ،سۅآے یہ وُکراونہٕ ،پوٚز بامبرِ منز دیت تٔمہ تمٕنۍ لد کرہنس نٔرۍ کوٗٹس اتھہٕ تہٕ لِون میٚژِ بٔرتھ اتھک مکمل آکار گو نٔرۍکوٗٹس پٮ۪ٹھ وٹٕسۍ۔۔۔۔۔۔کرہنس تمٕنۍ لد کوٗٹس پٮ۪ٹھ اوس تسند، اتھُک یہ آکارٕ زیادے پروٚن تہٕ چمکدار باسان۔سۅ وژھ وارٕ وارٕ دمدرِ پٮ۪ٹھ بۅن تہٕ بیٖٹھ پتھر۔تس ٲس سارسےٕ پانس نٹھ نٹھ تہ بتھس ٲسٕس لیٚدرِ ژھٹھ پھیٖرمٕژ۔سۅ ژھٹہِ ہے وُدن باکھ پوٚز کیاہ تام گو زِ پھوٗرُس نہٕ۔سۅ روٗز ہے بنگہٕ ھِش ژھیوے مژو أچھو واریاہس کالس تمٕنۍ تالوس پٮ۪ٹھ وٹٕسۍ گٲمتس آکارس تِتھٕ پٲٹھۍ وچھان زِ مےٚ باسیو وۅنۍ ڈالہِ نہ یہ زہنۍ امہ پٮ۪ٹھٕ نظر،مےٚ کوٚر فیصلہ زِ یتھٕ تِتھہٕ سپدِ دۅن پدٮ۪ن پٮ۪ٹھ کھڑا تہٕ نرِ پلوِتھ کرن یہ آکار آزاد،پوٚز ڈلان گیٖران ییٚلہِ تھوٚد ؤتھتھ نرِ زٕ پلہٕ وٮ۪م،اسمان کُجا یمہٕ واژٕ نہٕ تالوس تام تہِ تہٕ گۅڈنکہِ پھرِ گوم احساس زِ اسمان چُھ سٮ۪ٹھاہ تھوٚد تہٕ نرِ سٮ۪ٹھاہ ژھۅچہِ۔تٔمہِ دۅہ گو اتُھک سُہ چھاپ خبر کیازِ موٗرِ ژنجہِ ہندۍ پٲٹھۍ أندری کتہ تام لاہ کھٲرِتھ،مگر پننہِ امہ گدرنُک دیت نہٕ مےٚ تَس زانٛہہ باس۔تکیازِ تس اوس نہ تیٚلہِ پژھ کرنس لایق کہنۍ بچان۔
نیٚبرٕ اوسس آنگنُک بوٚڈ ککر کُل تتھے پٲٹھۍ کھڑا تہٕ تاپھ تہِ اوس تٔمی اندازٕ کُلہِ منزۍ وُرے بہٕ پٮ۪تھ زمینہِ چھٹھ کڈان۔ککر گۅڈَس نکھہٕ ییٚتہِ نَس شہجار گوٚن اوس،اوس از تہِ سُہ کاژُر ہوٗن کھونکھن کارِ منز ژھنتھ زپہٕ کران۔اَز تہِ آسہٕ دۅہ دِشہِ ہندۍ پٲٹھۍ آنگنہٕ اپارِ کٔتجہ ویتھہِ سٍتۍ سٍتۍ وُڈو کرتھ آنپہٕ سوٚمبران ۔کُنہِ ٲس نہٕ کانٛہہ فرق آمٕژ۔کمرٕ أندرۍ یہِ کینژھا سپُد تمیُک اوسنہٕ کمرٕ نیٚبرمس عالمس کانہہ اثر وپیومُت ،شاید ٲسنہٕ نیٚبرمس عالمس امہ وٲرۍداتٕچ خبرے۔
امہِ دۅہ شامن شوٚنگۍ أسۍ فاقہٕ پھری۔شوٚنگۍنہ شۅنگنٕچ کٔر کوشش،أچھ ؤٹِتھ روٗدۍ دۅشوے رٲتۍ راتس پنٕنۍ پنٕنۍ زال وونان۔ییٚلہِ مےٚ تٔھکِتھ أچھ مُژراوِ گاش اوس واریاہ پھوٚلمُت،سۅ تہِ زَن ٲس میٲنۍ سے أچھ مُژراونس پراران۔تٔمہِ تُلس بہٕ کھۅنہِ تہٕ درایہِ برٕ نٮ۪بر۔تہٕ کمرٕ گوو ۅجارٕ،زَن پڑاو ترٲوِتھ یاتٕرۍ ٲسۍ گٲمٕتۍ ۔صرف اوس اَتھُک سُہ وٹٕسۍ گومُت آکار وُنہِ تہِ برابر زوتان۔خبر کمو تٕرٛیو منزٕ آیہِ بے شمار زلٕرۍ نیٖرِتھ تہٕ بیٖٹھۍ کمرس ارٕ ورٕ زال ووننہ۔
برٕ نیٖرتھ ؤژھ سۅ ہیرِ تہ درایہِ آنگنس منز،آنگن ڈیڈِ ،نیٖرِتھ وٲژ سۅ کوچس منز تہٕ کوچس تٔرتھ ییٚلہِ سۅ سڑکہِ پٮ۪ٹھ وٲژ،سۅ رُکے یہ برنزس کھنڈس۔اکھ نظر دِژٕن سڑکہِ تہٕ اکھ مےٚ کُن،پتہٕ روٚٹنس بہٕ کھوہورِ طرفہٕ وارہ پاٹھۍ کھۅنہِ تہٕ کلہٕ تھوونَم پننس پھیٚکس سٍتۍ۔ دوتہِ لوٗنٹھ ترٲونم کلہٕ پیٚٹھۍ تہٕ تٔر سڑکہِ اپور۔۔۔۔۔۔!
امہ پتہٕ رٲوۍأسۍ واریاہس کالس کوچن ہندس جنگلس منز۔أتھۍ جنگلس منز پھیران پھیران ہیوٚچھ مےٚ پُکن،صرف دۅن پدٮ۪ن پٮ۪ٹھ کھڑا روزُن۔وۅنۍ ٲس سۅ مےٚ صرف اتھس تھپھ کران تہٕ پکان اوسُس بہٕ پانے۔حالانکہ پانس اوس مےٚ بہتھ زِ بہٕ ہیٚکہِ تھپہٕ بغیر تہِ پٔکِتھ۔مگر تس ٲس نہ زن وُنہِ میانٮ۪ن قدمن پٮ۪ٹھ پژھ۔اتھ جنگلس منز آسہٕ بدلے بدلے زُو زٲژ۔
اکہِ دۅہ ییٚلہِ مےٚ أکۍ جنگلۍ بِچ ٹۅپھ دِژ،مےٚ کوٚر چھۅرٕ چھۅرٕ ،سورے پاس گوم نیٖلہٕ سٔرۍ یہِ ٲس میانس بدنس پٮ۪ٹھ کانسہِ بِچ سنزگۅڈنِچ ٹۅپھ۔ٹۅپھ وُچِھتھ آو تس وُٹھن پٮ۪ٹھ عجیب اسُن تہٕ مےٚ ووٚنُس دَگ للہٕ وان:
۔۔۔۔
"بہ چُھس دگہِ سٍتۍ مران تہٕ ژٕ چَھہم اسان۔"
"اسان ناچھَس نہ لٔج سیا بلایہ"
"اسان اے چھکھ تہٕ"
ُُ
"نا پژھ چھم نہٕ یوان ژٕ چَھہم پٔزۍ پٲٹھۍ بڈیامُت"!
"یہِ گویہِ ژےٚ وۅنۍ احساس"
"اٍں بِچ سنزِ ٹۅپہِ سٍتۍ۔۔۔۔۔بِچ سنزن نظرن منز یُنے ہبا گو بَڈُن۔۔"تٔمہِ ووٚن زہر ژہان ژہان۔
دۅیمہ دۅہ پٮ۪ٹھٕ کرنہٕ تمہ پکنہٕ وِزِ مےٚ اتھس تھپھ تہٕ وۅنۍ اوسس بہ تسنزِ تھپہِ بغیر نیران تہٕ سۅٲس تیٖژ پَتھ روزان زِ مےٚ اوس پرارُن پٮ۪وان،یتھٕ پٲٹھۍ پرارُن اوس مے سیٹھاہ کھران،اکہِ دۅہ ییٚلہِ مےٚ یہے کَتھ تَس ؤنۍسۅ بیٖٹھ پتھر تہٕ ژَِہس کھنڈس تھکھ کڈنہٕ پتہٕ ووٚنُن بڈِ موصم اندازٕ۔۔۔۔
۔۔۔۔
"مےٚ ہا وۅنۍ پکنہٕ سٍتۍ شانش ہِش زَن کھسان"
تسنز کَتھ بوٗزِتھ باسیو مےٚ زَن ،واریاہ کالہٕ پٮ۪ٹھٕ مےٚ سۅ وُچھمژے چھےٚ نہٕ ،شاید تنہٕ پٮ۪ٹھٕ ینہٕ مےٚ پانے پکُن ہیوٚت۔صرف دۅن پدٮ۪ن پٮ۪ٹھ!۔سۅٲس پٔزۍ پٲٹھۍ واریاہ کرٹے مٕژ ،تَس آسہٕ ڈٮ۪کس ژمٹھتھ واریاہ گیٚنہِ پیمژٕ۔أچھن أندۍ أندۍ ٲسٕس کرہنۍ حلقہٕ پیمٕتۍ تہٕ مُگنڈن آسَس مچھہِ ٹیچہِ ہشہِ نمودار گٲمژٕ ،ماز بیرہ آسس واریاہ گجمژٕ تہٕ وُٹھن ٲسٕس پٔتٕر لٔجمٕژ۔
دۅہ اکہِ لگۍ أسۍ تژھِ بستی کُن ییٚتہِ بدلے لوٗکھ ٲسۍسٲری شکلہِ ہوی ،چارو این ہندِ کھۅتہٕ زیادٕ سوۍ ۔پکان تہِ تہندی پاٹھۍ ،کھیٚلٮ۪ن منز ،پوٚز تہندۍ پٲٹھۍ نہ اکھ أکس نشہِ لاپرواہ تہٕ بے خوف۔بلکہ تنہِ ترہنۍ سازنے بے زِ وَق گوژھ نہٕ ضایہِ گژھُن۔یہ نہٕ کانسہِ ظن زِ وَق ما چُھم ضایہِ کران۔اوٚت وٲتِتھ ہیٚچھنوونس بہ تٔمہ واریاہ کتھہٕ،مثالے یہ زِ شیشہٕ چُھ زیری پُھٹان ۔یہِ پُھٹنہٕ چھُ نہٕ تیوت دۅکھ گژھان یوٗت امیُک چورٕ سننہٕ گژھان چُھ۔موم چُھ تژرٕ سٍتۍ وٮ۪گلان ،یتھ جایہِ نہٕ گاش واتہِ تتہِ چھےٚ زٲج لگان تہٕ زلر زال ووننان تہٕ بیٚیہِ تہِ واراہ کتھہٕ۔
۔۔۔۔تہٕ ییٚلہِ نہٕ تس مےٚ ہیٚچھاوُن لایق کہنۍ باقےٕ روٗد،سۅ ہیٚژٕن واروارٕ سورٕنۍ ہِش۔مےٚ باسیو زَن تمہِ أندرم کیاہ تام مۅلل مےٚ دِتھ،پنُن پان کھۅکھُر کوٚرمُت اوس،تس اوس تام خٲلی گٲمٕژ،تَوے ٲس تَس وۅنۍ سخ تٍر لگان تہٕ بہ دراس تسندِ خٲطرٕ تاپھ ژھانڈنہِ۔
مےٚ اوس وۅنۍ پوٗرٕ پٲٹھۍ یہِ کھرووژوٚلمُت زِ پدٮ۪ن دۅن پٮ۪ٹھ کھڑا سپدِتھ ہرگاہ نرِ زٕ پلوٕ سورےٕ تاپھ ہٮ۪تھ کیاہ رٹن اسمان کۅمبہِ۔
اکہ دۅہ أنۍمےٚ یِتھہٕ تِتھہٕ اکھ دۅژھ تاپھ تہٕ اکھ کٔھنڈ اسمان۔امہ دوہ ٲسۍ أسۍ سیٹھاہ خوش۔سۅ بیٹھ ڈۅکھ دِتھ تہٕ بہٕ بیوٗٹُھس تَس نکھے تسندٮ۪ن ژمٹے متٮ۪ن اتھن پَھش پَھش دِنہ۔مےٚٲسۍ تسندۍ اتھہٕ واریاہہ لٹہِ وُچھمٕتۍ،تسندٮ۪ن کھوورس اَتُھس پٮ۪ٹھ کٔھنِتھ،اومکار،ترشول،پھیرۍ،تارکھ ،زٔندر شٹھ کون تہٕ خبر کیاہ کیاہ ،واریاہہِ لٹہِ وُچھمٕتۍ۔مگر ازتام اوسمس نہ یمن متعلق زانہہ پرژھمُت ۔ازخبر کیازِ پرژھمس۔
"ژےٚ کیاہ چھَے کھوہورس اتھس کٔھنۍ کٔھنۍ یہ چھِٹھ کٔڈمٕژ؟ "
"کیازِ ،چھ نا جان؟"تمہِ ووٚن یمن کھنہِ متٮ۪ن نقشن پَھش پھش دوان۔
"ناے جان چھ۔مگر یہ چھےٚ نا عجیب کتھاہ زِ دٔچھُن اتھہٕ چھُ خٲلی تہٕ کھوہورہس اَتھس چھےٚ چِھٹھ کڈنہٕ آمٕژ۔"
"تیٚلہِ ٲسٕس بہٕ کنۍ ،سُہ اوس کامہ کارس بانگہ نیران تہٕ ژانگہِ اژان،کُنرس چھےٚ لٔرجاے تہِ کھینہ یوان۔بہٕٲسٕس گۅڈٕ تیٖلس پٮ۪ٹھ ژنۍ ٲڈرٲوِتھ تھوان تہٕ پتہٕ سژنہِ سٍتۍ تُرسی دِتھ یِم نقشہِ کڈان۔ییٚلہِ یمن خون پھٹہِ ہے پتہٕٲسٕس ارژٕ نہ ہن پٮ۪ٹھ متھان۔اَتھ اوس کینٛژن دۅہن ہنٮ۪رکھسان تہٕ ییٚلہِ سُہ وسہے ،تلہٕ اوس اتھس پٮ۪ٹھ نقشہِ نوٚن نیران۔بہٕ تہِ ٲسٕس گانگلہِ گژھان تہٕ کُنٮ۪ر تہٕ اوسُم نہٕ باسان،واروارٕ درایہِ سارسےٕ اتھس چھٕٹ۔"
۔۔۔
"تہٕ دٔچھنس اتھس؟"۔مےٚ پرژھمس
۔۔
"پتہٕ زاکھ نا ژٕ،لٔج سیہ بلایہ،پتہٕ کتہِ روٗد کُنٮ۪ر" تمہِ ووٚن مےٚ بُتھس پھش دِتھ۔۔۔۔۔۔۔۔۔!!
امہِ پتہٕ وچہِ تمہِ وارٕ وارٕ  أچھ تہٕ پتہٕ تہِ مُژرٮ۪ن نہٕ۔وۅنۍ چُھس بہٕ کُن۔بالکل کُن،کُنرُک چُھم احساس تہِ،اتھہٕ زٕ چھم خٲلی تہٕ سٕژن تہِ چھم تہٕ ژنۍ تہِ۔پوٚز کیاہ تام چُھ توتہِ کم زِ اتھس تُرسۍ دِتھ،خون پھاٹوِتھ تہٕ نقشہِ کٔھنِتھ کُنرٕچ داستان چُھس نہٕ لیٖکِتھ ہٮ۪کان!
***

امین کامل ـ منفردسخن ور
بشرؔ بشیر
"امین کٲملن بخش کاشرِ شٲعری اکھ نوو تہ ہاوُن باوُن لایق آہنگ"
یہ چھے صرف اکھ سپوزیشن برابر توتانۍ یوتانۍ یہ کھرٕ سپد ِ زِ کٲملس برونٛہہ کُس آہنگ اوس کٲشرِ شٲعریہ؟امۍ کتھ حدس تام کوٚر ر یوایژن ہندۍ  حد پھٹرتھ کٲشرس شعرٕ ادبس برژرکنہ ریوایژن ہندٮ۪ن حدن منز روٗزتھے چھ تسندۍ تجربہ باقین ہندہ نشہِ بیون۔یا یہِ تہِ ہیکہ سپدتھ زِ یہ بیان چھ صرف بیان، یتھ نہ تسٕنزِ شٲعریہ ستۍ کہٕنۍ واٹھ چھ۔
یوتانۍ کٲشرِ شٲعریہ ہند تعلق چھ امیک ساروےٕ کھۅتہ بوڈ حصہ چھ لولہٕ شٲعری ہند یتھ منز پرٛتھ جایہِ محبوبہٕ سند تصور،راونُک تہٕ لبنُک خیال یا زندٕ روزنک تہ مرنک سوال چھ۔للہِ ؔ نِش تہ لبو اسۍ یہے بنیادی کتھ۔شیخہٕ شرکٮ۪ن منز تہ چھ تمیک بے یہ شٲعرس نا پسند چھ، تمیُک احساس یہ انسان چھ تہ تمیک طمع،طمہے یوت نہ بلکہ ازلی تہ ابدی مقصد زٲنتھ تتھ پتھ کینہہ تہ قربان کرنٕچ یژھ یہ تسنزن نظرن منز پوشہِ وُن تہ سکون دِیٛن چھ۔
حبہٕ خوتونؔ تہ أرنہٕ مالہؔ ہندٮ۪ن غزلن ہنز بنیاد چھ لولے تہٕ محمود گٲمیؔ،رسول میرؔتہ مہجورؔ تہ چھ یتھۍ نے تھورن متۍ کران باسان۔ترقی پسند دورس منز یودوے یہ نظریہ بدلان چھ مگر بہ ونہٕ تتھ صرف ہیٚژ ہنز تبدیلی۔بنیٲدی تجربہ چھ اتہ تہ سے۔گویا امین کٲملسؔ تانۍ واتان واتان پرٲوۍ کٲشرِشٲعری صرف ہیٚتی مزازکۍ منزل۔کٲملسؔ یاکانسہ تہ کٲشرس شٲعرس متعلق یہ ونُن زِتٔمۍ کیاہ پُھٹرٲوۍ یم روایتی حد، چھ سراسر  اپُز۔ بہ چھس نہ ہرگز تہ یہ ونان زِ یہندۍ موضوع کیاہ گژھۍ بدلٕنۍ بلکہ کتھ چھے اپروچچ تہ ِییٚتہ کُنہ کٲنسہ کٲشرۍ شٲعرن پنُن اپروچ بدلاونچ کوشش چھے کرمژ،سۅ چھے بذات خود لاگتھ تھاونہ آمٕژ کتھ باسان۔یہ چھ کٲملؔصٲبس متعلق تہ پزر۔اما پوز بہ ونہ تس صرف اکھ رومٲنی شٲعر۔۔۔۔اکھ کامیاب رومٲنی شٲعر۔مگر صرف یتے وننہ ستۍ چھنہ سون حق نکھہٕ وسان۔کٲملنہؔ انفرادی شاعرانہ شخصیژ نشہ أچھ وٹتھ تس صرف ررومٲنی شٲعر ونُن گیہ تس ستۍ ناانصافی۔سہ ییٚلہِ
۵۶۹۱عیسوی ہس منز پنٕنۍ "لوٕ تہٕ پروٕ"ہٮ۪تھ برونہہ کُن آو تٔمۍ کر ادبی حلقن منز زبردست وۅسہٕ درۅسہٕ پیدہ۔ظاہر چھ ز تتھ منز آسہ تمہ خصوصیژ یمو کنۍ کٲملؔ ادبی حلقن منز مقبول سپُد تہ واریاہو شاعرو کوٚر امی آیہ لٮ۪کھن شروع۔
کٲملؔ صابن ہووزیادٕ پہن نوٮ۪ر غزلن منز۔سہ گوو
 اکھ ورتٲو تٔمۍ غزلہ خٲطرٕ تمہ نشہ الگ زبان یۅسہ اوتانۍ امہ خاطرٕ مخصوص ٲس زاننہ یوان۔ دویم گوو تسند لہجہ تہ ترییم یہ زتمۍ ورتاوِ کٲشرِ غزلہ خاطرٕ نوِ بحرٕ۔شعرٕ زبانۍ متعلق اوس اوتانۍ یی خیال کرنہ یوان زِ یہ چھے عام زبانۍ نشہ بالکل الگ ورتاوچ زبان۔کاشرس منز پُھٹروو کٲملنؔ یہ بزم۔تمۍ یوٚدوے عامیانہ زبان استعمال کٔر نہ مگر شعرٕ زبان أنن عام کٲشرِ زبانۍ نکھٕ۔تسندٮ۪ن شعرن ہند تواتر چھ پرن وٲلس زنتہ جود کران۔یہ چھ پزر زِلفظن ہُند تووتُر تہ آہنگ ہیکہ تہ تمہ نے نشہ الگ ٲستھ تہ یتھ تہ ہیکہ نہ کانہہ انکار کٔرتھ زِ لفظن ہنز پرٛتھ کانہہ ترتیب تہ ترکیب چھے پنُن انفرادی معنے تھاوان۔
زبانۍ متعلق چھے کاملؔ صابٕنۍ یہ خصوصیت زِ شعر وننہٕ وقتہ چھنہ سُہ زبانۍ تہ لفظو موجوب ژھۅکان باسان۔تس چھے لفظن پٮ۪ٹھ حکمرانی ۔مگر یہ کران کران چھے کٲملؔ صابن لفظ ورتاونس منز فیاضی ہاومٕژ۔ییمہ ستۍ تسٕنزِ شاعریہ واریاہ ددارٕ چھ ووتمت۔سہ زن گوو شاعریہ ہُند حسن چھ اختصارییمہ خٲطر شاعر علامژن تہ استعارن کام چھ ہٮ۪وان۔تتھ برعکس چھ کٲملؔ صابٕنۍ یم صنایع تہنزِ شاعریہ منز زیچھرُک وجہ بنان۔نی تون تمۍ سٕنز کانہہ تہ نمایندٕ نظم۔مثالے
"؛پریٚنۍ شاہراہ"
دُور اکھ زیٖٹھ ،سرد،پریٚنۍ شاہراہ
بے صدا،پُر سکون،پُر اسرار
زاگہٕ سۅندر،حسین،ماگٕچ راتھ
زیٖٹھ زن شرٛاونس اندردِگرس
آسمان قد سفیدپھرٛستٕچ ژھاے
سرد زن شامہٕ پٔتۍ بِہتھ تنہا
یاونس پیرِ مرد کانٛہہ دِیہ نا
پرٛتھ کانہہ مصرعہ اصل علامژ
" پریٚنۍ شاہراہ" ہندۍتعریف۔گویا پریٚنۍ شاہراہ موضوع بناوتھ چھ شٲعر زیٹھۍ  بیان گران۔ یتھے کنۍ  چھے جنگُل،زیٖرو برج،نیلہٕ ناگ وغیرہ نظمہ تہ۔باسان چھ زِ کٲمل ؔ صاب چھ اکس نقطس پٮ۪ٹھ روزتھ مختلف خواب گران۔تسند تجربہ چھنہ آفاقیژ پٮ۪ٹھ فردس تانۍ بلکہ تمۍ سند سفر چھ فردٕ سندِ پٮ۪ٹھے شروع گژھان ۔حالانکہ"ژوٗنٹھۍپوش"تہ شہٕج بوٗنۍ" نظمن منز یودوے سہ تجربن ہنز اکھ اژھٮ۪ن ہانکل پیش چھ کران مگر یہ چھ عیاں ز یمن نظمن ہند پرٛتھ بند چھ صرف یہندس موضوعس Qualify کران۔امہ خصوصیژ کنۍ چھ وقتس کٲمل ؔ صابٕنۍ شعر سطحی باسان۔تتھی سطحی یمن موقعہ محل شعر ونتھ ہٮ۪کو۔
یہ کینژھا پٮ۪ٹھ کنہدرج چُھ تمیک اعتراف کر شاید پرٛتھ کانہہ۔یہ چھنہ ضروری زِ یمن کتھن کیاہ مانہ پرٛتھ کانہہ قبوح مگر یہ ونن والٮ۪ن پزن نہ واپسی،بے وق،مرثی ،زخمی بتاو وغیرہ ہشہِ نظمہ تہ مشراونہ یمن ہند پرتھ کانہہ مصرعہ بجایہ خود تجربچ مکمل تہ ژینہ ناوۍ شکل آسنہٕ علاوٕ تجربُک (یُس پورٕ نظمہ ہند چھ)
اہم حصہ چھ۔گویا یہنز حیثیت چھے بجایہ خود مکل تہ اکہ مکمل جسمک الگ انٛگ۔
کٲملؔ صابُن زبان فیاضی سان ورتاونُک بیاکھ وجہ چھ تہند رومانی اپروچ۔ییمہِ کنۍ پرٛتھ کانہہ شعر زبردست طاقتور جذبن ہُند نتیجہ چھ تہ جذبن ہندس اتھ طوفانس منز چھ شاعرس لفظ تمہ نشہِ کم پایہ باسان یہ تس ونُن چھ۔تمہ کنۍ چھ سہ پتہٕ اورٕیور تھپہ دِتھ پرٛتھ کانہہ سہ ژھل ورتاوُن ییمہ کنۍ سہ پنننٮ۪ن جذبن باوَتھ ہیکہ کٔرتھ مگر تسند اند روٗن چھ پرٛتھ وِزِ تس یہ ژینہ وَن دوان زِ یہ کینٛژھا سہ ونُن چھ یژھان تہِ ہیوک نہ تمۍ ونتھ تہ توے چھ نوِ نوۍ بیان تہٕ صنایع تھُران۔اتہ چھ سہ واریاہس حدس تانۍ شبیہہ(
image) ورتاونس منز کامیاب روزان۔امہ کنۍ وُچھو أسۍ یہ تہ زِ کٲملؔ صابنٮ۪ن اکثر شعرن منز چھ اسہ نٔنۍ پیکر گرایہ ماران باسان۔گویا یِم شعر پرنہٕ وقتہ چھے زنتہ سانٮ۪ن أچھن برونہہ کنہ یہنز عمل آسان۔
کاشرِ شاعری خاصکر غزلس منز یۅسہ بیاکھ اہم تبدیلی کٲملؔ صٲبن أنۍ سہ گوو یہ زِ محبوب سُند صیغہٕ ورتووتمۍ مونث۔تسند ونُن چھ:
"میانٮ۪ن غزلن ہند محبوب چھ عام غزلن برعکس زنان۔مےٚ چھنہٕ پنُن محبوب مرد بناونس زنہے بروبری یوان۔اوٕکنۍ ہرگاہ یہ ریوایژ سٍتۍ بغاوت باسہ بہٕ چُھس أکس فطری جذبس برونٹھ کنہِ مجبور"
کٲمل صابُن یہ نظریہ یودوے تسٕندِ خاطرٕ موافق آسہ تہِ تہٕ امہ لحاظہ چھنہٕ سہ تخلیق کار آسنہ کنۍ ریوایژن ہند غلام۔مگر سہ ییٚلہِ ذاتہٕ خاطرٕ محبوب سُند صیغہٕ مونث ورتاونس فطری چھ زانان خبر تسند خیال کیاہ چھ کلہم شاعری متعلق؟دویم یتہِ زِ یتھٕ کنۍ چھ شعرکۍ معنہِ ہُرنٕکۍ امکانات  چھۅنان تہٕ شعرس چھ کم جہت باگہ یوان۔یہ چھ اکھ زیوٹھ بحث زِ محبوب گژھیا شاعری منز مذکر آسُن کنہٕ مونث۔ریوایژ کنۍ  چھ مذکر تہٕ کٲملؔ صابُن اکثر جاین مونث ورتاوُن چھ تسند الگ انداز۔
کاشرِ غزلہٕ خاطرٕ ورتاوِ تمۍ تِمہ بحرٕ یم نہ اوتانۍ استعمال آسہٕ سپدان۔کاشُر غزل یُس سراسر ایرٲنی اثرٕ ستۍ بارسس آو تمہ خاطرٕ ورتاوِ کٲملؔ صابَن تِم بحرٕ یِم تمہ شعرٕ مزازچہِ آسہٕ یُس کشیرِ منزے محمود گامیؔ نہِ غزلہِ برونہہ رایج اوس سہ گوو حبہٕ خوتونہؔ ہندس غزلن تہ لُکہ بٲتن ہٕنز لے۔امہ علاوٕ ورتاوِ تمۍ تِم بحرٕ یِم نہ کاشرس منز ورتاونہ آسہٕ یوان،البتہ اردو تہٕ فارسی شاعری منز چھےٚ موجود ۔کٲملُن زیاد توجہ روٗد ژھۅچن بحرن کُن۔یمن عروضی تبدیلین پتہٕ کنہ چھ تمۍ سُند بوٚڈ بارٕ مقصد سہ سازُت پیدہ کرُن یُس تس برونہہ مشُن اوسُن ہیوتمُت۔یہِ چھ پزر زِ کاشرس منزچھ واریاہ تتھۍ شاعر وتھۍ متۍ یمن ساز نواز ونو مگر کٲملؔ چھ یمن سارنے برونہہ۔امہ سازیتُک یتیجہ چھ یہِ درامُت زِ پرن وول چھ معنے أکتھ کُن ترٲوتھ صرف شعرٕ کِس آہنگس حظ تُلتھ ہٮ۪کان۔اتہ چھ یہ ونُن ضروری زِ یہ آہنگ وۅتلاونہٕ خاطرٕ چھنہٕ کٲملنؔ صرف عروضی تبدیلیہ کرِ مژٕ بلکہ تمۍ چھ پرٛتھ کانہہ امکان ورتوومُت:
نظر چھےٚ نظرِ ژٹان پن،خبر چھےٚ خبرِ بُچھان
دِلن چھُ باندِ گوٚمُت رَتھ،أچھن چھےٚ لٔجمژ زوٗن
۔۔۔
ژِہس ژِہس چھےٚ بِہان تٮ۪مبٕر کٲژٕہن دی تن
چُھ ساتھ ساتھ تٮ۪نگل وُدۍ پہر پہر چھُ دَزان
۔۔۔
مہ زان کھوٚت یُسے سَمدس تہٕ سُے چھُ چوبُک زن
قدم قدم چھُ مےٚ وٲراگہٕ منزلس کُن گژھان
نٲدمؔ،راہیؔتہٕ کٲملؔ یودوے اکے وقتچہ ترےٚ آوازٕ چھے اما پوٚز کٲمل چھ یمن دۅن نشہِ الگ وَتھ لبان۔یَتھ منز بقول حامدیؔ کاشمیرتخلیقی سرمستی چھے
"سہ چھُ جذبس تہٕ فکرِ أندری خونہٕ کِس نارس منز وٮ۪گلٲوتھ نوِ صورٔژ گران تہ تمۍ سٕنز آواز چھے مارۍ منزرٕ،یاوٕگی تہٕ نورٕ موجوب اکہ نوِ لہجچ نشاندہی کران"
(انہار،جلد۔ا۔شمارٕ۔
۲صفہٕ۰۰۱)
تاپہٕ ٹیوٚک پیوٚو یام شہلس ریہٚہ ہیٚژٕن
ونتہٕ کُس پھۅلراوِ یَتھ سیٚکۍلس گولاب
۔۔۔
أکۍ جلن نصف رٲژ کوٚڈ پکھہِ واش
چٹکہٕ مُژرنہٕ یوان برن پانے
۔۔۔
سۅ آرٕ وَل چھےٚ ریہے ریہٚہ وَدان
"ہیو عشقو"
وفا بچٲر چھُ ہاوان مژر،مژر چھُ دزان
یہِ لَر تہٕ کانہِ لگاں کیُل،ہۅلَر تہٕ اڈۍ جہ فنا
تہٕ پوشہِ پان پنُن بسترس سناں آسی
کٲملؔ صابُن لہجہ چھ رنگدار تہٕ پاسل۔گۅڈنچی کَتھ چھے یہ زِ تس چھ باضابطہ پننہ وقتُک شعور۔تسند بیان چھ پننہِ شاعری متعلق
" یہِ شعرٕ مزازہ نوٚو تہٕ جداگانہٕ۔یہ چھے اکہ خوددار زخمی مزازٕچ آواز تہٕ میانہ شاعری اندر اَکھ تازٕ وٲرِد مہمان"
(لوہ تہٕ پروٕ ـ سرنامہ
ٕ)
یہ مزارٕ چھ تمے شعورُک نتیجہ یُس وُہمہ صدر ہندس أکس شاعرس آسُن گژھِ مگر کٲملؔ صابُن یہ بیان چھ تتھےٕ اکھ بیان یُتھ تسند کانہہ بدل نقاد تہِ دِتھ ہیکہ۔تٔمۍ سندس بیانس تمۍ سٕنزِ شٲعری منز وُچھنہ کرنہ روستےٕ پژھ کرٕنۍ چھنہٕ شوبان۔یہ زَن ونیُک تانۍ کینژو نقادو کوٚرتہِ۔سہ یِتھہ کنۍ زِ زمٲنی شعورس خاص کٔرتھ أزۍکِس دِتۍ تِمو کینہہ ناو۔مثلن قدرٕ روانہِ،تنہایی ،وٲراگ،دم پُھٹۍ ماحول وغیرہ۔مگر یُتے چھنہٕ زمانُک شعور۔سۅ شٲعری یَتھ منز امہ قسمُک اہتمام آسہِ چھے نہ ہرگز تہ خوشونۍ باسان۔اَتھ برعکس چھ کٲملٕنۍ ؔ تِم شعر سٮ۪ٹھےٕ خوبصورت یمن منز غیرشعوری پٲٹھۍ أزۍچہ حسیژ (
Sensibility) ہُند بیان چھ:
کٔمۍ دوٚپ ییٚتہِ چُھنہ
ٕٕ آدٕمۍ بۅے
یِم کیاہ ،ادٕ چھا سارے ژھایہ
ٹِکٹہٕ لٲگِتھ تہ بند لفافن منٛز
بے پتاہ خط چھِ ڈاکخانٕکۍ أسۍ
خوددٲری ہُند احساس یوٚدوے کاشرِ رومٲنی شاعری منز کُنہِ کُنہِ نظرِ تہِ چھ گژھان مگر کاملؔ صٲبَن کھول اَتھ رنگ تہ یہِ بنییہ تہندِ کلامٕچ اکھ بٮ۪ن تہ خاص خصوصیت۔أتھۍ خوددٲری ہندس عالمس منز یِم شعر کٲملؔ صٲبَن ونۍمتۍ چھ تم چھ تمہ جد ید حسیژ ہندۍ پٔزۍ ٲیینہٕ دار یِم یَتھ سٲنس ماحولس وَیہ وٕنۍ چھ ییٚلہِ زن اَتھ متعلق باقےٕ کتھٕ یا شعر صرف لٲگتھ چھ باسان تھاونہٕ آمُت۔امہ خوددارانہ مزازٕ کۍ یِم کینہہ شعر وُچھو یمن منز محبوبس ستۍ کتھ باتھِ ہُند رویہِ تہٕ تس متعلق سونچن نہج برابر پننہِ زمانٕچ عکاسی چھ کران:
را وِ ہی شَہہ تہٕ سورِ ہی دُبراے
میانہِ شہرُک ہوا ژٕ چیٚیہِ ہَکھ گاش
۔۔۔
ہے لٔتی! یُتھنہٕ دِلس لولہٕ مٔژھیُل شوق گنی
یِم وُشِنۍ کاڈ تہٕ پٲراو نہٕ یَتھ شہرس منٛز
۔۔۔
پکھ از سڑکن مینَو راد
وۅلہٕ دۅنوَے رۅخصت تھاوَو
محبوبس خطاب کرنُک طریقہ یُس کٲملنؔ گۅڈنچہِ پھرِ ورتووسہ چھُ بے تکلف۔تَتھ منز چھ عاشق تہ محبوب سٕندٮ۪ن مقامن تہٕ رُتبن ہُند تعلق ونہِ یوان،تَتھ منز چھ پانہٕ نیار،پرٛتھ کانہہ رازٕچ تہٕ نیازٕچ کتھ چھے موقعہ محلس منٲسب تہ عشقس منز دۅن درٮ۪ن موٲفق:
امہِ کتھِ کٔرۍنِم وٲنجہِ گٔدۍ
کیٛا سٲ نظرےٕ دِزِ ہے تور
۔۔۔
ہاوس کانچھان چٲنی شوٗب
پانس تامَتھ چُھے اتہِ اور
۔۔۔
بہٕ آسہٕ پانہٕ ژےٚ روٚس کانٛہہ تہِ معاملے مۅکلیو
ژٕ  آسٕہَکھ مےٚ ورٲے یوٚد، مگر یہِ ما ؟ ون سٲ
طنز یہٕ مزحُک رنگ چھ کٲملؔ نٮ۪ن واریہن شعرن منز نظرِ گژھان۔زندگی ہنزن خٲرجی حقیقژن تہٕ دٲخلی احساسن ہُند نا ہشر یتھ تضاد س زنم چھ دِوان تَتھ چھ کٲملسؔنِش طنزک تر درامُت۔تمس نِش چھِ خٲرجی حالات تٔمۍ سٕنزِ ذٲتی زندگی خاطرٕ کریٖٹھۍ ۔سہ چھ یمن سارنےٕ حالاتن پٮ۪ٹھ مجبور آسنہٕ کنۍ ٹسنہ کران۔انسانہ سٕنز حیثیت دُنیاہس منز یَتھ حدس تام بے معنہ(
Absurd) چھے تمچ ممکن باوتھ چھے کٲملؔ سٕندٮ۪ن شعرن منز نظرِ گژھان۔موجودٕ حقیقیژ ستۍ تسُند رویہِ چھ منفی،سہ چھنہٕ عقیدن تہٕ نظرین ہُند غلام۔یہِ کینٛژھا سہ حقیقژ متعلق ونان چھ تہ چھ بے لاگ باسان۔لہذا چھ طنز تسٕندس کلامس منز حقیقت زاننُک اکھ کامیاب ذریعہ۔تمۍ سٕنزِ امہ ترایہ ہٕنز شاعری چھے کاشرس مزاحیہ ادبس منز امے کنۍ تٔھز مثال:
اتھٕ سوُرِم ژوٚٹا نہٕ کانٛہہ درِدس
اوٕ بہٕ اوسُس ہوا تُھران خٲلی
۔۔۔
گُلنار،طرح دار،مۅلٕلۍ شعر ہیٚیو ما
کانژھا تہِ چھنی ہار، خریدار، ہیٚیو ما
لیٖلام چھ لولس تہٕ دِیو بوٗلۍ  دِیو  بوٗلۍ
ٹاکارٕ چھ سودا سرِ بازار  ہیٚیو ما
۔۔۔
وُنہِ کٍتۍ ارماں،ژھاراں چھ درماں
وُنہِ کٍتھ طوفاں،اسہِ نم چھ چاراں
یِم سٲنۍ رہبر،وندٕ وۅگنٮ۪ن چھِ کھالان
۔۔۔
فرہاد حض چھُ اوسمتےٕ نا فلک جوان
عشقس بلاے اور مَہ حض سن،نِباو حض
ادٕ حض مُبارکےٕ چُھ،زمانس تہِ لوٚگ حمل
وۅتھ حض مزٲرۍ برمجہِ شَہُل شام چھاو حض
Humanisation of Artیعنے ادب عام زندگی ہندٮ۪ن بنیٲدی ضرورتن ستۍ ہشراونٕچ یۅسہٕ کوشش کٲملؔ صٲبَن پننہِ شاعری منز کٔرمٕژ چھے تَتھ یودوے کامیاب تریٖن ونو نہ مگر یہ ہَن چھ مانُن پٮ۪وان زِ محض ذٲتی شاعرانہٕ تجربن اکھ کلہم انسٲنی رنگ دِنس ستۍ چھ تسٕنزِ شاعری منز اکھ میچھر پیدہ کوٚرمُت:
رزِ پٮ۪ٹھ پیوٚو قدم تہٕ بُچھ سرپھن
کٍژ ٲوِج پنٕنۍ حیات بنے۔
***


کٲشرِ شاعری ہُند پگاہ
شادرمضان
کس حساس انسانس آسہ نہ پگاہ وُچھنک تہ زاننُک شوق دل تمبلاوان یُس بہ عمل یُن سہل کتھاہ چھنہ۔اما پوز تہ کٔرتھ تہ چھُ انسانس پننہ ازلہٕ کالہ پٮ۪ٹھے پنُن یہ شوق روچھمُت تہ پھانپھلومُت ییمیُک نتیجہ پیشن گویی ہُند سہ عمل چھُ ،ییمہِ دسۍ اَتھ تصورس یا رٮ۪واجس چھےٚ ترے صورژ۔اکھ گے نجومی سٕنٛز پیشن گویی یعنے علم نجوم،دۅیم گے اسرارۍ قلندر سٕنٛز کانٛہہ پیشن گویی یعنے روحانی بصیرت ،یمن دۅن متعلق بہ بے خبر تہ انزان چُھس۔ترییم گے ساینسی تحقیقی تہ تنقیدی مزازتھاون وٲلس کانسہِ انسان سُنٛد پننہ از کالک حال اوحال ژینتھ ژرژتھ ہٮ۪نہ ینہٕ والہ کالک اندازٕکرُن یَتھ پوت منظرس منٛز محض تمۍ سُنٛد شعور ،شۅد بۅد،سونچ تہٕ منطق کار فرما آسہ ۔تکیاز پرتھ حساس انسانس چھُ پنن اکھ حال تیُتھ ٲنہ آسان ییمہِ مٔنٛزۍسہ پنن پگاہ ژرژان ژینان چھُ ۔اما پوز تہندس حالس گژھِ تسُنٛد پتھ کال لازمن دید مان آسن۔اتھ پوت منظرس منز گو دہمہ صدی ہندۍ انسانس پننس ذہنس منز اکوہمہ صدی ہند شبیہ تہٕ یہ شبیہ بنیو اکوہمہ صدی ہند اکھ تیُتھ خاکہ یس انسانی سوچس کنہِ نتہ کنہِ اعتبارہ گواہی دوان رود زِ چون اندازہ چھُ میانہ وجودک تکمیل۔
کٲشرِ شاعری ہندس حساس قاری سند صورت حال تہ چھےٚ شاید یتھے ہیو یَس پننہ بختاوار شعرٕ ریوایژ ہند پتھ کال ژٮ۪تس چھُ تہ پننہ شاندار شعرٕ ریوایژ ہند از کال تہِ دید مان چھُ۔یَس پننہ کلہم شعرٕ ریوایژ ستۍ پٔتۍ مٮ۪ن پنژاہن ؤریَن دوران لیکھنہ آمت سُہ تنقیدی بحث تہ نظرن تل آسہ یُس کاشرِ شاعری ہند فکری ،بدلونٮ۪ن لسانی انہارن آکارن ہند حال اوحال تہ تخلیقی مۅل مرتبہ زاننہ پرکھاونہ باپتھ لیکھنہ آو۔تکیاز امۍ تنقیدی مطالعن سمکھاوۍ اسۍ تمن قداور شاعرن یہنُد کلام اسۍ اوترٕ ا وترٕ تام محض عقیدت پُژۍ گٮ۪وان گٍنگراوان یا بوزان پران اسۍ یا ریوایتی صوفیانہ تصوراتن ہندس پوت منظرس تحت اتھ حسب ضرورت معنہ مفہوم کڈان پشران اسۍ۔یہ چھُ موجود تنقید کے کارنامہ زِ قدیم کاشرِشاعری آیہ جدید تنقیدی معیارو پرزٕناونہ تہ جدید کاشرِ شاعری آیہ قدیم کیو جدید یا ونو مشرقی کیو مغربی تنقیدی کہوچن کھالِتھ مۅلناونہ،ییمہِ ستۍ سانہِ کلہم کاشرہ ہند مۅل مرتبہ تہ حال اوحال آشکارسپد۔ونۍ یَس احساس قار یس تہ سنجیدہ نقادس پننہ شعرٕ ریوایژ ہند پتھ کال تہ ازکال تہ پننہ تنقیدی سرمایہ دسۍ پننہ کلہم کاشرِشاعری ہند فکری لسانی تہ تخلیقی صورت حال دید مان تہ آشکار آسہ تس آسہ میانی پاٹھۍ شاید کاشرِشاعری ہند پگاہ بامبراوان تہ تابناک بدلہ باسٮ۪س کاشرِ شاعری ہند پگاہ ہنا تشویشناک ۔ونو مخدوش تہ مایوس۔
للہٕ واکھ تہ شیخہ شرکۍ چھ پننہ لسانی تہ تخلیقی معیار کنۍ دۅن پزرن ہندۍ گواہ۔ اکھ یہ زِ لل دیدِتہ شیخ العالمن برونٹھ چھے کشیر منز اکھ مستند تہ شاندار شعرٕریوایت ٲسمژ ییمیک برجستہ یاوُن للہٕ واکھ تہ شیخہ شرکۍ پراوان تہ چھاوان چھ،دۅیم یہ زِ کٲشرِشاعری ہند یۅہے ابتدا چھُ کاشرِ شاعری ہند تخلیقی عروج تہِ۔واکھن تہ شروکٮ۪ن ہند یہ تخلیقی عروج چھُ یتھ پزرس تہ گواہ زِ لل دیدِ تہ شیخ العام سند تخلیقی وجود چھےٚ سنسکرت تہ فارسی شعر یاتک رَس مہتھ تہ پننہ شعرٕ ریوایژ ہند استفادٕ کٔرتھ بالید ہ سپدمُت تہ ستی چھکھ لفظن استعاراتی تہ علامتی اظہار دتھ زبانۍ ہند ادراک تہ پننس تخیلی پروازس تخلیقی جوہر عطاکٔرتھ شعرٕ تجربہ نباونُک شاعرانہ وَل تہ ہۅنر بدس ٲسمژ۔
دما دم کوٚرمس دمن ہالے
پرزلیوم دیپ تہ ننییم ذات
ـ لل دٮ۪د
ہَہ اکہ سنگرِ تار زن وزن
گمبد گرزن دنۍ دنۍ کتھ
ـ  شیخ العالمؒ
محمود گامی یس ،رسول میرس تہ تمن پتہ صمد میرس تہ احد زرگرس تام کنوہمہ تہ وہمہ صدی ہندٮ۪ن درجن واد صوفی شاعرن آسہٕ تِم صوفیانہ محفلہ تہ مجلسہ آیتن یمن ہند کشیرِ منز منعقد سپدنک رواج عام اوس یِمن محفلن تہ مجلسن منز اوس شاعری ہندٮ۪ن مختلف پاسن تہ گوشن پٮ۪ٹھ بحث سپدان تہ شعرن منز ورتاونہ آمتٮ۪ن لفظن ہندس معنہ مفہومس تہ ورتاوس پٮ۪ٹھ اوس سرنہ سوچنہ یوان سانٮ۪ن صوفی شاعرن ہندِ باپتھ آسہ یِم محفلہ تہ پننٮ۪ن مُرشدن ہندۍ د ربار شاعری ہندۍ درس گاہ۔یتے یوت نہ حضرت حبیب اللہ نوشہری بیوٹھ علم عروض ہیچھنہ باپتھ حضرت شیخ یعقوب صرفی سندس دربارس منز وری وادن ژاٹہ کوٹھ کٔرتھ۔گویا اکھ بوڈ یا اعلیٰ درجک شاعر بننہ باپت پننہ تہ پانس اندۍ پکۍ شعرٕریوایژن ہند مطالعہ تہ استفادچھُ ضروری تہ ستی چھِ شاعرانہ لوازمات زاننۍ ہیچھنۍ لازمی ۔سانٮ۪ن نوِ پیہ ہندٮ۪ن شاعرن چھا اتھ پزرس کن ظُن تہ تِم چھا یمہٕ بنیادی تہ اہم کتھہٕ زاننہ یا ہیچھنہ باپت سنجیدہ یا طشنہ طلب۔سانٮ۪ن نوِ پیہ ہندٮ۪ن شاعرن نِش چھےٚ شاعری محض ردیفن تہ قافین منز گنڈنہ آمُت کانہہ منظوم لسانی اظہار۔ہرگہ شاعری محض اکھ الہام آسہے رحمان ڈارن کتہ آسہے پننہ
"شش رنگ"ناوۍ نظمہ منز پنن تخلیقی کمال عروجس واتناونہ پژۍ پنُن شہری لہجہ اسلام آبادۍ لہجس چھیٚپہِ دیتمت۔یُتے یوت نہٕ پرٛتھ بندس چھِ ٲٹھ مصرعہ تہٕٲٹھن مصرعن ہٕندٮ۪ن ٲٹھن قافین چھےٚ اَکھ مخصوص صوتی آواز۔یَتھ بندس منز دَن (آدن)چھُ ورتاونہٕ آمُت تمہ بندٕ کٮ۪ن ٲٹھن مصرعن منز چھنہٕ کُنہِ جاے"کن" ورتاونہٕ آمُت تہٕ یَتھ بندس منز "تن"ورتاونہٕ آمُت تمہِ بندہ کٮ۪ن ٲٹھن مصرعن منٛز چھنہ کنہ جایہ "پن"ورتاونہ آمت حالانکہ نظمہِ ہندٮ۪ن شٮ۪ن بندن ہٕندٮ۪ن ارتاجی(۸۴) بیرونی اکوہن اندرونی قٲفین ہند عروض تہٕ آہنگ چھُ کنےٕ مگر فنکٲری ہٕنٛز عظمت گٔے یہے زِ امہِ باوجود چھُنہٕ کانٛہہ قٲفیہ غیر منٲسب ،ہریمانہٕ یا بے محل یعنے مذکورٕ نظمہِ ہٕنٛزِتخلیقی باوژ منٛز چھےٚ رحمان ڈارسُنٛد شعوری عمل شٲمل۔کیا سۅچھ کرال سٕنٛز "دوٚپمس تہٕ دوٚپنم "۔۔۔شمس فقیر نہِ"شنۍ یا گٔژھ تھےٕ"ہوٮ۪ن اعلیٰ تخلیقی فن پارن منز چھنا شٲعرن ہُند شعوری عمل دخل۔وہاب کھار کتھہٕ ونہے مٔتۍورس منٛز یِتھ عظیم مصرعہ
عالم چھُ ووٚلمُت زلف خم نےٕ
آدم چھُ بے اختیار
تہٕ احمدۍ بٹوٲرۍ کتھہٕ کرِ ہے غیر شعوری طور اسلٲمی تصوفس تہٕ ہندو اسطورس میٛل
یندرازنہِ دربار نغمہٕ کران چھی پرستانو
سوزِمنصور گرٛزان کن دژوم بہٕ گوس دیوانو
اَز چھِ کشیرِ منز ہتہٕ واد منظوم باوَتھ کار یِم پانے پانس صوفی شٲعر ونان گنزران چھِ۔تہٕنزٕ ہتہٕ واد شعرٕ سۅمبرنہِ چھےٚ بازر آمژٕ تہٕ یوان تہِ چھےٚ۔ اما پوٚز یِمن ہتہٕ واد شعرٕ سۅمبرنن منز چھنہٕ اَکھ کیاہ اوٚڈ مصر عہ تہِ تِیتھ یَتھ شٲعری ہُند چُھہہ لوٚگمُت آسہِ۔یِمن سۅمبرنن ہٕندۍ باوتھ کار نَہ چھِ صوفی تہٕ نَہ چھِ شٲعر بلکہ سیٚدٮ۪ن سادن لوٗکن پیٖرتہٕ گۅنماتھ ؤنِتھ برٛم دوان تہٕ یتھےٕ ہیو پاٹھ پٔرِتھ چھِ یِم ریڈیو کشمیر پٮ۪ٹھٕ تہِ پنٕنۍ بٲتھ گٮ۪وناوان۔ کاش پٔتۍمٮ۪ن ترہن(
30) ؤرۍیَن دوران آسہ ہے امہِ قبیلہٕ چہِ شٲعری منز ہیو اَکھ شعر تہٕ تخلیق سپدیومُت ۔تیٚلہِ تہِ تھاوِ ہے ازیُک حساس قٲری آش زِ کٲشرِ شٲعری ہُند پگاہ ہیٚکہِ تابناک ٲسِتھ۔
بہٕ ژایوس سٔنۍ ژوٗرے شمع زٲلِتھ زوٗرے
وُچھُم تتہِ شور ووٚتھمُت زور عشقہٕ نارسَے
ـ  نعمہٕ صٲب


تیوٚنگل ہیو عشقہٕ آتش مےٚ ننٮ۪گل جل
جنگل مےٚ زول کراے دِل تُلِتھ آس
ـ  وازٕ محمود
یہِ ٹیوٚٹھ پزر مدنظر تھٲوِتھ کِتھہٕ چھُ ٚ ممکن زِ ینہٕ وٲلس زمانس منز سپدِ کانٛہہ کرامات زِ کنوہمہِ یا وُہمہِ صدی ہُند کانٛہہ قداور صوفی شٲعر پراوہ نووزنم تہٕ کٲشرِ شٲعری ہُند پگاہ پھۅلہِ نبس پٮ۪ٹھ آفتاب ۔
وۅنۍ تُلہِ کانٛہہ سوال لل دیٚدِ شیخ العالمسؒ پتہٕ روٗد لگ بھگ دۅن صدۍیَن کٲشرِ شٲعری ہٕنز وٮ۪تھ شۅنگِتھ تہِ کَس ٲس خبر تمہ پتہٕ وۅتھن حبہٕ خوتون ،محمود گٲمی تہٕ رسول میر س ہوۍ قداور شٲعرتَتھ مایوس کُن دورس منز تہِ ہرگہ کٲشرِ شٲعری ہٕندس ینہٕ وٲلس کالس متعلق کانٛہہ یتھےٕ ہیو تشویش میٲنی پٲٹھۍ باوِہے ۔سُہ آسہے لٲزمن اَپز ثٲبت سپدمُت۔جوابن چُھم عرض زِسُہ اوس شٲعری ہُند زمانہٕ۔زندگی ہُند اہم ترین تہٕ مشغول شعبہٕ اوس شٲعری۔لوٗکھ ٲسۍ ییٚژھِ پژھِ شٲعرن خدا دوست گۅنماتھ زانان مانان۔مشرقی عقیدس منز اوس شٲعر تلمیذ رحمان یعنے خداے سُند ژاٹھ۔شٲعری ہٕندۍ بنیٲدی اصول ٲسۍ ہیٚھچنہٕ تہٕ ہیچھناونہٕ یوان۔رُت شٲعر بننہٕ باپَت اوس پننہِ تہِ باقےٕ اہم زبانن ہٕنز شٲعری ہُند معالعہٕ کرُن لٲزمی۔اَتھ کلہم پوٚت منظرس اوس اَکھ حساس تہٕ سنجیدٕ شٲعر پننہِ شٲعری ہُند دامانہٕ کشادٕ بناونہٕ باپَتھ مطالعہ تہِ کران تہٕ شٲعری ہٕندۍ بنیٲدی اصول تہِ ہیٚچھناوان تہٕ پانناوان۔یتھےٕ ونہِ ہے ہا وازٕمحمود ؂
صرف تے نحو موٚٹھ مےٚ عشقہٕ سے منز
محو دربحر وحدت زٮ۪وکلتھ آس
أتھۍ پزرس چھُ محمود گٲمی تہٕ رسول میر مۅل وچھان تہٕ پننہِ زمانُک مروجہ علم درسن پران۔فارسی شٲعری ہُند شیر چٮ۪تھ چھُ تُہند شٲعرانہٕ وجود بالغ سپدِتھ تکمیل پراوان۔نتہٕ کتھہٕ ہیٚکہِ ہے محمود گٲمی شاہکار فارسی مثنوی یَن تِیُتھ کٲشر لباس لٲگِتھ یِمن محمود گٲمی سندۍ تخلیقی کارنامہٕ ۔پزر چھُ یی زِ محمود چھُ گۅڈنچہِ لٹہِ یِمنے مثنوی یَن ہٕندِوساطتہٕ کٲشرِزبٲنۍ یہِ دٔپۍ زِ تہِ دریافت کران ۔یہے حسن چھُ تہندٮ۪ن وژنن تہٕ باقی نغمٲتۍ بٲتن منز کاڈ کٔڈِتھ۔رسول میر نہِ شٲعری منز ورتاو نہٕ آمٕتۍ اصطلا ح،ترکیبہٕ،تشبیہ تہٕ استعارٕ چھِ گواہ زِ رسول میرس اوس نہٕ فقط فارسی شٲعری ہُند سوٚن معالعہ بلکہ اوسس فارسی زبٲنۍ ہٕنندس لفظہٕ راشش پٮ۪ٹھ دسترس تہٕ سٍتی تِمن کٲشُر مزاز عطا کرنُک وَل تہٕ ورتاو بَدس۔دپانس رسول میر گوپنژٕ شتوُہ ؤرۍشہِ وانسہِ منز جواں مرگ تہٕ أزۍ کِس نوِ پیہِ ہٕنٛدس کَس ژتجی وُہرس شٲعرس تگہِ یا کر توٚگ یژھہ اعلیٰ لسٲنی باوژ منز یُتھ ہیو اعلیٰ تخلیقی تجربہٕ کرُن۔
کھٹِتھ سینس اندر بو نالہٕ رٹِتھ شامہٕ سۅندر
جامہٕ زَن سروِقدس پان ولایو مدند
رسول میر
یا
زُلف کوکل کنہٕ چَھے ٲنس آہ
نتہٕ قرآنس پٮ۪ٹھ کَنہِ بسم اللہ
ہرگہ سانیو نوِ پُیہِ ہٕندیو شٲعروشٲعری پنُن شوق بلکہ محمود گٲمی یا رسول میرٕنۍ پٲٹھۍ پنُن معشوق بناوتھ پنُن شٲعرانہٕ وجود تعمیر کوٚرمُت آسہے تیٚلہِ آسہے أزۍکِس بانبرِ لد زمانس منز تہِ سانہِ نوِپُیہِ ہٕندۍ کٲنٛسہِ تہِ نوجوان شٲعرن عام لوٗکن ہُنٛد نے تہٕ پننہِ أزۍکہِ دورکٮ۪ن قداوار بزرگ شٲعرن تہٕ نقادن ہُند ظُن پانس کُن ضرور مرکوز کوٚرمُت۔تیٚلہِ وَنہو کٲشرِ شٲعری ہُند پگہ چُھ تابناک۔اماپوٚز نَہ چُھ سانٮ۪ن برۅنٛہہ کنہِ تِیتھ کانٛہہ نوِ پُیہِ ہُند شٲعر تہٕ نَہ چھُ أزۍکِس مشینی دورس منز شٲعرن یا شٲعری ہٕندِ باپت تِیتھ موٲفق ماحول ممکن یُتھ زِشٲعری بنہِ پرٲنۍ پٲٹھۍ زندگی ہُند مشغول شعبہٕ،مقدس پیشہٕ یا اَکھ میوٗٹھ شُغل تہٕ امہِ سلسلہٕ پھۅلہِ کٲشرِشٲعری ہُند اَکھ تِیتھ پگہہ یُس کاجُک رَو بٔنِتھ سٲنِس أزۍکِس انہِ گٔٹۍتصورس گاشراوِ۔أزۍکِس کمپیوٹر زمانس منٛز چھُنہٕ شاید یہِ ممکن۔أزیُک نوجوان چھُ پننس کمپیوٹر دُنیاہس سٍتۍ تیوٗت آوُر زِ تَس چھنہٕ امہِ نٮ۪بر زنتہِ کہنۍ لگہار باسان۔تسُند مشغلہٕ چھُ انٹرنیٹ،فیس بُک تہٕ کینٛہہ وقت ہے بچوس تہٕ سُہ گو موبائیل بُزۍ۔تَس نَہ چھےٚ شٲعری بوزنس تہ پرنس سوٚمب فرصت تہ نہ چھس پنُن أندرم شٲعر بیدار کرنس یا تَس معقول غذا دنس کیُت تہٕ نہٕ کانٛہہ غرض۔وۅنۍ یُس شٲعری نسبت ہنا حساس آسہِ یا شعر لیکھنہٕ باپت سپدِ بے قرار تہِ،تَس تہِ چھُ سٍتی أزۍکِس ساینسی مزازکس انسان سُند سُہتصور مایوس کران یَتھ تصورس تحت وننہٕ چھےٚ یوان زِ أزۍکِس تازٕساینسی زمانس منز چھا تہِ شٲعری کانٛہہ لگہٲری ۔لگہٲری تہٕ نا لگہٲری ہٕندس اَتھ تصورس منز ہٮ۪نہٕ یِتھ چھُ سُہ تہِ محض پننس تخلیقی دنیا ہَس تسلی دِنہٕ پژۍ سرسری پٲٹھۍ کینٛہہ شعر لیٖکھِتھ پنُن تخلیقی وۅندٕ لۅژراوان۔پٮ۪ٹھہٕ أزۍکِس یَتھ بانبرِلَد زمانس منز چھُ سانہِ نوِ پُیہِ روزگارُک چھۅرٕچھۅرٕ کرٕ وُن اِنتشار۔زنتہِ سیٚکہِ صحراوس منز گاڈٕ وۅنی یَس أکس یِتھہٕ تِتھہٕ روزگار آسہِ تہِ ،تَس چھےٚ دفتری بانبر تیٖژ زِ سو نچس ژٮ۪تھ دِتھ تہپنہٕ نس تخلیقی شعورس ووٚن دِتھ مۅل رَچھنُک چُھنہٕ تَس ساعتےٕ نصیب سپدان۔بقول راہی
وۅتھ راہی دفتر گۅو ژیر
وتہِ شیرو وۅنۍ کِتھ خط و خال
امہِ ٲنہٕ منٛزۍ ییٚلہِ کٲشرِ شٲعری ہُنٛد پگہہ جلوٕ گر سپدان چھُ،سُہ چھُ۔ بہر حال گوٚٹ تہٕ مایوس کُن تیٚلہِ کِس شٲعرس اوس نہ روزگارُک کانٛہہ غم تہٕ اوسس مریدن تہٕ عقیدت مندن ہُنٛد کاروان آیِتن تہٕ تہٕ زندگی ہٕنٛدۍ معاملات تہِ ٲسۍ نہٕ أزکۍ ہوۍ کھرۍ لَد،پیچیدٕتہٕ ورل۔تَس نِش ٲس شٲعری نٲزل سپدن وول الہام ییٚمہِ کِنۍ سُہ شٲعری سٍتۍ جنون کِس حدس تام عشق کران اوس یمہِ کنۍزندگی ہٕنٛدۍ باقی سٲری سامانہٕ بے معنہ باسان۔پٮ۪ٹھٕ ییٚلہِ معشوق سِرسٲوۍ ،پردس ژھایہِ برقعہ پوش آسہِ،تیٚلہِ چھُ وصل پراونہٕ کِس اشتیاقس منٛز انتظارُک کرب میوٗٹھ تہٕ خوبصورت آسان۔اما پوٚز اَز روو عشقس معنہِ تہٕ معشوق بنیو سروگہِ کھۅتہٕ سرۅگ گندن تماشہِ۔سِر پیوٚ بازرتہ گۅو چَھلہِ چھانگر۔انٹرنیٹس تروو بٹُن تہٕ ییٚمہِ اندازٕ عاشقس خۅش کرِ تٔمہِ انمانہٕ گندِمعشوقس۔گۅڈٕ کَس چھےٚ أزۍکِس لارِلد زمانس منٛز عشق کرنس تہِ فرصت ۔بقول فیضؔ ؂
اور بھی دُکھ ہیں زمانے میں محبت کے سوا
راحتیں اور بھی ہیں وصل کی راحت کے سوا
اَتھ صورت حالس منٛز چھُ سون أزیُک نو نہال شٲعر ہٮ۪نہٕ آمُت تہٕ تَس نِش کتھہٕ ہٮ۪کو اعلیٰ تہٕ شٲعری ہُنٛد توقع کٔرِتھ۔اَتھ پوٚت منظرس منٛز چھُ کٲشرِ شٲعری ہُنٛد پگہہ اکہِ اَنہِ گٹۍ سفرُک اَکھ بےٚ توقع تہٕ انزا ن مسٲفر باسان یُس بظٲہر نہٕ کانٛہہ میٖلہٕ پٔٹ چھےٚ تہٕ نَہ کانٛہہ منزل چھُ۔
وونۍ تُلہِ کانٛہہ شخص یہِ سوال زِ موجود زمانہٕ کہِ امہِ تشویشناک صورتحالہٕباوجود تہچھُ کٲشرِ شٲعری ہُنٛد اَز کال باگہِ بوٚرُت،شاندار تہٕ معنہِ سوو۔سانہِ نوِ تہٕ جدید کٲشرِ شٲعری چھوو مہجورس پٮ۪ٹھٕ اَزتام تِیُتھ تخلیقی جہار تہٕ بہار یُس پزنہٕ پٲٹھۍ کٲشرِ شٲعری ہُنٛد بیاکھ تخلیقی عروج چھُ۔یُس باقےٕ اہم مشرقی زبانن ہٕنٛدس شعرٕ سرمایس مقابلہ نَہ تنگ دامن چھُ تہٕ نَہ کم پایہِ۔پرانہِ شٲعری مقابلہٕ نوِ کٲشرِشٲعری ہُنٛد موضوعی کیو لسٲنی نوٮ۪رتہٕ نوِشٲعری مقابلہٕ جدید کٲشرِشٲعری ہٕنٛدۍ بدلوٕنۍ تہٕ سرتازٕ موضوعی تہٕ ہیٚتی انہار تہٕ آکار چھِ کلہم کٲشرِ شٲعری ہٕنٛدس تواریخس منٛز تِم زٕ ویٚدۍ پڑاو یہٕندۍ سرحد مقرر تہٕ پابند آسنہٕ بجایہِ باڈو دار تہٕ آزاد چھِ۔یہِ چھےٚ موضوعی کیو ہیٚتی مزارہ کیواسلوبہ حسابہٕ کٲشرِ غزلُک اَکھ نویٖنہٕ تہٕ معتبر پڑاو تہٕ یۅہے پڑاو چھُ سانہٕ مختصر جدید کٲشرِنظمہِ وقار تہٕ اعتباردوان۔امہِ مختصر آزاد،نیم آزاد تہٕ نثری کٲشرِ نظمہِ ہُنٛد ابتدا تہٕ ارتقٲیی سفرے چھُ امیُک تخلیقی عروج۔سوال پرژھن وٲلۍ سُنٛد سوال واتہِ یَتھ جملس پٮ۪ٹھ اند زِ کٲشرِ شٲعری ہُنٛد یُتھ ہیو معنی سوو طرحدارو تہٕ باوقار اَز کال کیازِ پھۅلراوِ نہٕ کٲشرِ شٲعری ہُنٛد تابناک پگہہ۔جوابن چُھ عرض زِ موجود دورٕ کٮ۪ن اکثر نَے تہٕ بیشتر شٲعرن اوس تہٕ چھُ پننہِ باگہِ بٔرژ شعرٕ ریوایژ ہُنٛد سرۅن مطالعہ تہِ تہٕ تمہِ نشہِ چھکھ فیض تہِ پروومُت۔مشرقی کیو مغربی ادبُک رَس چٮ۪تھ چھکھ نوِ زمانہٕ کٮ۪ن نوٮ۪ن تقاضن ہٕنٛدس پوٚت منظرس منٛز پننہِ شٲعرانہٕ ووٚجودُک تکمیل پروومُت ۔تِم چھِ تِمن تنقیدی لہجن تہٕ سوچن تراین وٲقف یِم وُہمہِ تہٕ اکوہمہِ صدی منٛز شٲعری نسبت برۅنٛہہ کُن آیہِ۔تِمن چھُ یقین زِ زندگی ہٕنٛدٮ۪ن مختلف شعبن ہُنٛد علم تہٕ عملی مطالعہٕ بغیر ہیٚکہ نہٕ اعلیٰ شٲعری تخلیق سپدِتھ۔ امی سنجیدہ تہٕ سنہِ سٔنۍ مطالعن تہٕ مطالعہ پتہٕ پنٕنۍ اعلیٰ تخلیقی معیارن تہٕ لسٲنی ورتاون بنٲوۍ اردو زبٲنۍ ہٕنٛدۍ غالب،میر ،اقبال تہٕ فیض احمد فیض ہوۍ اعلیٰ شٲعر عالمی ادبٕکۍ گاشرۍ منارتہٕ امی وسا طتہٕ سپُد کٲشرِزبٲنۍ تہٕ کٲشرِ شٲعری گیان پیٹھ ہیو عظیم اٮ۪وارڈ نصیب۔اَتھ برعکس چھِ سانہِ نوِ پُیہِ ہٕندۍ نو نہال شٲعر ہٹہِ کہِ رتہٕ شمع زالنے ٲنی مٲنی ظلماتس منٛز لعل ژھانڈنہِ اژان۔یہِ پزر زاننہٕ بغیرے زِ ظلماتس منٛز چُھنہٕ توٚتام لعل پرزلان یوٚتام نہٕ تتہِ ژونگ زالو۔مطالعہ بغیرے کتھہٕ ونہے احمد بٹوٲرۍ
گاشہِ سٍتۍ گاش پرزلان
تہٕ وہب کھار ماونہے أچھ ٹُوِتھ
شمع زولم ہٹہِ کہِ رَتے
سُہ گہہ ظلماتہٕ پیوٛم
اَتھ ظلماتس لعل کیا چھِ تے
سُہ کُس پتے گوم
سانٮ۪ن یِمن نوِپُیہِ ہٕنٛدٮ۪ن نو نہال شٲعرن نَہ چھُ مطالعہ کرنُک ظُن تہٕ نَہ شعرٕ ہنرمندی ہیٚچھنُک شوق ییٚمہِ کِنۍ تہٕنٛزِشٲعری منٛز انسٲنی صورتحالس سٍتۍ نَہ کانٛہہ موضوع پوٹھان چھُ تہٕ نَہ کانٛہہ تجربہٕ پھبان ۔رسمی موضوعن رسمی زبان تہٕ اوٚگر تھوگُر منظوم اظہار۔دَپان چھنا زبان چھےٚ شٲعری ہُنٛد بنیٲدی وسیلہٕ تہٕ لفظن چھُ ڈمعنہِ علاوٕ خبر کٍتۍ معنہِ آسان۔شٲعرس گژھِ یِمن معنہِ مفہومن تہٕ لسٲنی زٲوۍ جارن ہُنٛد واتنیار آسُن۔تَس گژھِ عام لفظن استعاراتی تہٕ علامتی اظہار دِنُک وَل بَدس آسُن تہٕ ترکیبہٕ،تشبیہہ تہٕ استعارٕ گرنُک تہٕ منٲسب تہٕ موزون لفطہٕ ژٲر ہُنٛد حٮ۪س بٮ۪دار آسُن۔لسٲنی ورتاوےٕ چھُ شعرس عرشس کھالان تہٕ فرشس والان۔میٲنۍ کِنۍ چھنہٕ نوِپُیہِ ہٕنٛدٮ۪ن شٲعرن یا تہٕ اور کُن ظۅنے تہٕ نتہٕ چھُ غیر سنجیدہ پننس شعرٕ تجربس نسبت اَتھ پوٚت منظرس منٛز کتہِ چھُ ممکن زِ کٲشرِ شٲعری ہُنٛد ینہٕ وول پگہہ آسہِ تابناک۔
بیاکھ اہم تہٕ توجہہ طلب پزر یہِ زِ پرٛتھ دورس منٛز چھِ کانٛہہ شعرٕ صنف گال کھاتس گژھان تہٕ کانٛہہ نٔو صنف پننہِ لگہٲری ہُنٛد نیب دوان۔واکھ،شُرک،تہٕ وژن ہشہِ اہم کٲشرِصنفہٕ گٔے وار وارٕ پرانان تہٕ غزل بنیوو شٲعری ہُنٛد ترجمان۔اماپوٚز نوِزمانہٕ کٮ۪ن نوٮ۪ن تقاضن مطابق آیہِ مخصر نظم ووٚجودس ،یۅسہٕ شعرٕ اظہارُک اَکھ موزون وسیلہٕ ثٲبت سپٕز تہٕ کٲشرس منٛز ووت غزلس سٍتۍسٍتۍ نظمہِ ہُنٛد تخلیقی مرتبہٕ عظمتس۔سانہِ نوِ پُیہِ ہٕنٛدۍ شٲعر چِھنہٕ یاتہٕ نظمہٕ مازانے یا چھکھ نہٕ نظم ووننُک فن بدست یوان۔تِموتھو وسہل انگٲری منٛز پنُن قلم غزلس آیتن۔یہِ زاننہٕ کرنہٕ ورٲیی زِ حیات تہٕ کاینات کِس سِرساورس متعلق یہِ کینژھا تہِ مشرقی ز بانن منٛزسرنہٕ سوچنہٕ آو تٔمیُک ترجمان چھُ غزل تہٕ بقول شمس الرحمان فاروقی زِ
"غزل چھُ بنیٲدی طور بالواسطہٕ اظہارُک تہٕ غیر روایتی موضوعن ہٕنٛز شٲعری ،ییٚتہِ دۅہ دٮ۪ن چہ عملی زندگی ہُنٛد تجربہٕ تمی وِزِ قبول سپدِتھ ہیٚکہِ ییٚلہِ سُہ استعیارس منٛز پیش سپُد"امہِ نوِ پُیٖہ ہنٛزہ شٲعری متعلق چھُ رحمن راہیؔ سُنٛد یہِ تشویس تہِ بوزُن لایق۔
"سٲنۍ نوجوان شٲعر چھِ شاید اوٕکِنۍ صرف غزل صنفہِ الاندۍ گٲمٕتۍ زِ اَتھ منٛز چُھکھ طبع آزمٲیی سہل باسان۔قافیہ تنزاہ کھٲر،ردیفہ لٹا گنڈ،اَکھ یا بیاکھ زمیٖنہِ ہنا پٔدرٲو، یژھ تژھ خیالہٕ بندۍ یا کر تہٕ غزلہٕ ککواہ ہٮ۪تھ درایہِ بازر (شیرازہ)۔ تہِ کٔرِتھ تہِ ہرگہہ کاش سانہِ نوِ پُیہِ ہٕنٛدٮ۪ن نونہال شٲعرن ہٕنٛدس کلہم غزل سرمایس زول دِتھ سانہِ رٮ۪وٲیتی یا جدید غزلٕکۍ یتھۍ ہوۍ زٕ ژور شعر نیرہن،سانہِ شٲعری ہُنٛد پگہہ اوس تابناک۔
لوٕ ہژ تہٕ چِھندریمٕژ مسول ونان چھےٚ واوس
دامانہٕ میوٛن ییٚمۍ چھوٚل تَس زانٛہہ قرار آسہا
ـ  مہجورؔ
وُچھان وُچھان گیہ کرامتھاہ اَکھ دارِپٮ۪ٹھےٕ
پُھلے مےٚ پانس لٔجم تہٕ چھاون واجِنۍ بےٕ
ـ رخسانہٕ جبینؔ
تِم لُکھ چھِ پٔزی آفتابٕکۍ اَڈ تہٕ سٮ۪ٹھاہ میٖٹھۍ
تِم لُکھ چھِ مگر سیٚدۍ تہٕ شرمدار لگن کَتھ
ـ عزیزحاجنیؔ
ہردُک ہوا تہٕ زردٕ پنٕکۍ ڈیر اوٚبرٕ نَب
تَس آسہِ لٲزمن سۅ جوٲنی أچھن تلے
ـ  شہنازؔرشید
کاش نوِ پُیہِ ہٕنٛدس اَتھ شعرٕسرمایس منٛز آسہے یِژثھ ہِش نظم تخلیق سپدان یا سپٕز مٕژ ،سانہِ شٲعری ہُنٛد پگہہ آسہے شاید پرزلہٕ وُن ؂
خدایہِ ہاوُم مےٚ دور روزُن
تہٕ پننہِ پانُک یہِ بار وٮ۪ترُن
مےٚ گوٚژھ نہٕ وۅنۍ کانٛہہ تہِ سٍتۍ آسُن
پنُن وۅندے گوٚژھ سہار باسُن
بہٕ نٮ۪برٕ اَژ ہا تہٕ اندر نژہا
گرنزے مےٚ گوٚژھ وۅنۍ شمار راوُن
مےٚ گوژھ نہٕ راتُک خیال روزُن
ـ اقبال نازکیؔ
اما پوٚز کرامات چھےٚ کُنہِ وِزِ تہِ سپدان ۔خداے بوٗزِن تِژھ کرامات سپدِن زِسانہِ شٲعری ہُنٛد پگہہ پھۅلن گٹس منٛز نَبس زنتہٕ کاجُک رَو۔
***

راہی سنزٕ نظمہ:کینٛہہ ویٚچھہِ پوچھہِ کتھہٕ
مجروحؔ رشید
غزل ٲسۍ تَن یا نظم راہی سٕنٛز با وَتھ چھےٚ دۅنوٕنۍ صنفن تہٕ ہیژن منٛز منظم تہٕ مربوط اوٕکِنۍ چَھنہٕ اَتہِ تفصیلاتن ہٕنٛدٕ خٲطرٕ کانٛہہ گنجایش۔مےٚ چھُ امہِ کتھہِ ہُنٛد احساس تِمن دۅہن تہِ شدتہٕ سان سپُد مُت ییٚلہِ بہٕ یاوَن گریٚکہِ منٛز رٲہی سٕنٛدِ کلامہٕ کِس شِہلس تَل زندگی ہٕنٛز کتاب پران اوسُس۔شاید چھُ راہٖی سُنٛد منفرد تہٕ بٔڈ شعری آواز آسنُک اَکھ ثبوت یتہِ زِ راہی یَن کٔر کٲشرِ شعرٕ باوَتھ روایتی لُکہٕ لَیہِ نِش نَہ صرف آزاد بلکہ کوٚرُن اَتھ اَکھ فنی تہٕ فکری اۅبٮ۪ر گۅبٮ۪رعطا تہٕ کٲشرِشٲعری ہٕنٛز زبان بنٲون مجٲزۍ تعلقہ انسٲنی ذہنہٕ کٮ۪ن سنجیدٕ جذبن ہٕنٛز زبان۔تہٕنٛزِ شٲعری ہُنٛد یہِ تخلیقی عمل تہٕ بیوٚن تہٕ بدوٗن تخلیقی آکار چھُ کینٛژن پرن والٮ۪ن کلہٕ پیٚٹھۍ گژھان تکیازِ تہٕنٛدۍ کِنۍ گٔے شٲعری تہِ یہِ سٲری سمجِتھ ہٮ۪کن تہٕ یَتھ سٲری ہٮ۪کن للہٕ کھوٚل کٔرِتھ۔مگر یہِ چھُ ناممکن تہِ یُتھ ادبی فضا ،ہیٚکہِ نہٕ زانٛہہ تہِ عوام الناسٕچ کٲم ٲسمٕژ تہِ نَہ آسہِ زانٛہہ۔یژھٕ کامہِ چھےٚ ہمیشہِ کینژو مخصوص فردو کرِ مژٕ تہٕ تِموےٕ چھُ بڈٮ۪ن ادیبن تہِ بڈٕ ادبُک معیارقٲیم کوٚرمُت۔ادبہٕ نِش لطف اندوزپرن والٮ۪ن لوٗکن تہِ چھِ یِمے لوٗکھ رہبری کران آمٕتۍ۔ارسطووَن ہوو زٕٹریجڈی،کومیڈی تہٕ ایپک کیاگوو؟تہٕ امی ہوو زِ سفوکلیش،یوریپیڈیز تہٕ ایکایلس کمہِ درجِکۍ شٲعر تہٕ گۅنماتھ چھِ۔بریڈلے تہٕ ولسن نایٹن ووٚن زِشیکسپیر سٕنٛز معنویت کیا چھےٚ تہٕ تٔمۍ سٕنٛدٮ۪ن مختلف ادبی تہٕ فنی پاسن پٮ۪ٹھ تروو یموےٕ گاش۔سنسکرت شٲعری تہٕ ڈرامہُک تجزیہ کوٚر آنند وردھن ،ممٹ تہٕ ابھنو گپتن تہٕ یموےٕ کٔرۍ سنسکرت ادبٕکۍ رنگارنگ تخلیقی گوشہِ روشن۔یہِ سورےٕ تمہیدی بحث پیوو اوٕ مۅکھہٕ کرُن تکیازِ اَکھ بوٚڈ شٲعر پرزٕناونہٕ تہٕ پرکھاونہٕ خٲطر چھےٚ بہر حال أکس تجربہٕ کار تہٕ ہنر مند نقادنے تہٕ أکس معتبر مبصر سٕنٛز ضرورت۔تٔمس مبصر سٕنٛز یُس شعری منظر نامس منٛز وقوع پذیر تبدیلین نَہ صرف أنزۍ مٔنزۍ آسہِ بلکہ آسٮ۪س تِمن ہُنٛد معروضی ادارک تہِ۔مےٚ چھُ اَز راہی صٲبنہِ نظمہِ ہندِ حوالہٕ کَتھ کرنُک حکم سپُدمُت تہٕ بہٕ کرٕ پنُن پان راہی صٲبنہِ نظمہِ ہٕندس تخلیقی دنیاہس تامے محدود۔یہ زن تمہیدس منٛز وننہٕ آو زِ راہی سٕنز باوَتھ چھےٚ منظم تہٕ مربوط تہ اتہ چھےٚ نہ تفصیلاتن ہٕندٕخٲطر کانٛہہ گنجٲیش تکیازِ تفصیلات چھِ ایجازو اختصارس مخٲلف تہٕ اختصار تہٕ ا یجازے چھُ حسن و جمالس پھانپھلان۔
نو روزِصبا پٮ۪ٹھ از تام یہ کینژھا تہٕ راہی صٲبن لیوٗکھ تہِ سورُے چھُ پِھرۍ پھِرۍ ییٚمہِ کتھہِ ہُند باس دوان یا دٔپۍ زِ أچھو کھوریوہاوان زِ راہی چھُ پننہِ شٲرانہ سفرکہِ روزِ اولہٕ پٮ۪ٹھےٕ تجربہٕ پسند شٲعرروٗدمُت تکیازِ تمس چھُ باؤژ تہٕ ہیٔژ ہنزٕ نیہِ وتہٕ تلاش کرنُک معنہ کونچھ ہاوس رہبری کران روٗدمُت۔ترقی پسند دورچہِ نظمہِ منز تہِ روٗز راہی سٕنٛز نظم وارِیہس حدس تام شٲعری اوٕکنۍ قریب تکیازِ راہی اوس زانان زِشعر گژھِ پرن وٲلس موٗلہٕ کنۍ أکس جمالیٲتی لمحس منز محصور ہٮ۪کن کرِتھ۔یُتھ سُہ کنہِ انسٲنی یا ونو ڈرامہُک لمحُک نقشہِ وۅتلٲوِتھ انسٲنی زندگی ہٕنٛدِ کنہِ پاسَس گاشرٲوِتھ ہیٚکہِ۔اگر نہ شٲعر یہ ہیٚکہِ کٔرِتھ تیٚلہِ ہیٚکہِ تٔمۍ سٕنٛز سٲرےٕ تخلیقی عمل اَکھ فضول سرگرمی ٲسِتھ یۅسہٕ سیٚکہِ لَوَر وُٹھنس برابر آسہِ۔امہ حسابہٕ ییٚلہِ نو روزصبا چٮ۪ن نظمن سام ہٮ۪مو باسان چھُ زِ آییڈِیازن (
Poetry of Ideas)ہنز شٲعری آسنہٕ باوجود چھےٚ یمہٕ نظمہ شٲعر سٕنز شٲعرانہٕ ہنر مندی تہٕ خیالاتن نسبت تٔمۍ سٕندِ ذٲتی کشفٕچ تہٕ واتناوچ رٕژٕ مثالہٕ۔تٔمۍ چھُ "سۅنہٕ لانکہ پٮ۪ٹھ"فن براے فن تہٕ"جیلہ بٲجِس کُن"ہشن نظمن منز پلاٹانک آسنہ باوجود ییٚمہِ کتھہِ ہند خیال تھوومُت زِ محض خیال ہیٚکہِ نہٕ نظم بنتھ بلکہ چھُ نظمہ ہندِ ووتھہٕ واشرہ خاطرہ زبان ورتاونک ول بدست آسُن لابدی۔نو روزِ صبا چٮ۪ن نظمن منٛز چھِ أکس حدس تام تفصیلات موجود یم نظمن ہندس مجموعی حُسن تہٕ تاثرس سٍتۍ متصٲدم چھِ تاہم چھُ راہی یَن امی تصادمہٕ سٍتۍ پننہِ شٲعری ہندس تَتھ دورس خیر آباد کوٚرمُت یتھ أسۍ تہنزِ شٲعری ہند انتدٲیی پلاٹانک دور ؤنتھ ہٮ۪کو۔
راہی سٕندس قٲری یَس گژھِ ییٚمہِ کتھہِ ہُند خیال زیر نظر روزُن زِتٔمۍ سٕنٛزِ نظمہِ پتہٕ کنہِ چھےٚ انگریزۍ روٖمٲنی کیوجدید تہٕ فارسی جدید شٲعرن ہنزن نظمن شعری روایت تہِ کارفرما تہٕ سُہ ہٮ۪کون نہٕ أسۍ محض مشرقی جمالیات کِس سوٚتھرس پٮ۪ٹھےٕ یوت مۅلہٕ نٲوِتھ ۔یتھ پٲٹُھۍ نہٕ اَکھ انگریز ییٚمس نہ غزلہٕ چہِ
sensibiltyہند احساس ہیٚکہِ ٲسِتھ ہیٚکہِ نہ غالبس ؔیا حافظسؔ ہوٮ۪ن شٲعرن پزنہٕ پٲٹھۍ پرکھٲوِتھ۔مغربن تہِ چھِ ضرور تِتھۍ نقاد پٲدٕ کٔرۍمٕتۍ یِموغٲلبسؔ تہِ چھےٚ سام ہیٚژ مٕژ تاہم چھنہٕ تِم تہٕ تِمن سٍتۍ انصاف کٔرِتھ ہیٚکۍمٕتۍ۔بہر حال میون بنیٲدی نۅکتہٕ چھُ یہِ زِ راہی سٕنزِ نظمہِ ہُند طرح چھُ یٔژ پٲٹھۍفکری تہٕ فنی اعتبارٕ اَکھ عالمی تناظروۅتلاوان اوٕمۅکھہٕ چھُ یورپی نَے تہٕ انگریزۍ نظمن ہند طرح زیر نظر تھاوُن ضروری۔یہِ کَتھ چھےٚ یِتھہ پٲٹھۍ تہ درٮ۪ر لبان زِتٔمۍ چھُ واریہن یورپی زبانن ہنزن نظمن ہند ترجمہٕ کٔرتھ پنہٕ نٮ۪ن تخلیقی دلچسپین ہند مظٲہرٕ وِزِ وِزِ کوٚرمُت۔دۅیم یہ زِ تٔمۍ چھےٚ نظمہِ ہنز تِمہٕ بسیار ہیٔژ کٲشرس منز متعارف کرِمژٕیِمو نہ صرف نظم کٲشرِ شعرٕ باؤژ ہند اَکھ اہم وسیلہٕ بنٲو بلکہ بناوٕن یہ کٲشرِ شٲعری ہنز اَکھ مستند تہٕ مستحکم ہیت ۔ڈراماٹُک مونولاگ،Soliloguy،اوڈ ہشہِ ہیٔژ بنے یہِ تٔمۍ سٕنزِ تخلیقی شخصیژ ہندۍ ٲنہٕ یِمو منزۍ ٲسۍ مختلف النوع زندگی ہندۍ رنگارنگ نقش وُچِھتھ چھِ ہٮ۪کان ۔راہی سٕنزن نظمن منز چھِ زندگی ہٕندۍ ترےٚ رنگ خاص پٲٹھۍ وۅتلان ۔أکس رنگس چھُ سُہ "صحرا"ناو دوان ییٚتہِ ہمیشہ مجبوری ہند وجہِ واو وولان چھُ۔بیٚیس چھُ سُہ گلزار"ونان ییٚتہِ پرٛتھ وِزِ وۅلسیمتہِ سونتُک جشنہ چھُ لگان تہٕ تریٚمس چھُ سہُ "سمسار"ونان ییٚتہِ انسانس پننےٕ پان پھران چھُ۔وچھوے تہٕ"جلوٕتہٕ زبوٗر"نظم چھےٚ تٔمۍ سٕنٛزِ کلہم شٲعری تہٕ خصوصاً تٔمۍ سٕنزن نظمن ہند اَکھ Synopsisبنان ییٚتہِ زندگی ہندۍ یم متضاد پاس اَکھ أکس سٍتۍ جیٚپھۍمِلوِتھ نظرِیوان چھِ۔یہ تخلیقی طریقہ کارچھُ راہی سٕنٛزن نظمن منٛز اَکھ ڈرامایی صورت اختیار کران یۅسہٕ شٲعر سٕندس تخلیقی وٮ۪وہارس ٲنہٕ ہاوان چھےٚ۔اوے تہِ چھِ راہی سٕنزن بیشتر مختصرنظمن منز بیوٚن بیوٚن تہٕ جدا جدا Personaدرینٹھۍ گژھان یِم اکہِ طرفہٕ زندگی ہٕنزِ رنگارنگی محیط چھِ تہٕ بیٚیہِ طرفہٕ چھِ نٮ۪رل کیفیژن تہٕ شعری کردارن ہٕندۍ ٲنہٕ دار۔
راہی سٕنٛزِ نظمہِ ہند اَکھ ساروےٕ کھۅتہٕ ٹاکارٕ طرح چھُ تمن نظمن ہند یِمن منز
Rebirth آرکی ٹایپ درشاونہٕ چھُ آمُت۔یژھن نظمن ہند مطالعہ کرنہٕ وِزِ چھ ٹی ایس ایلٹ خصوصاً یاد پٮ۪وان ۔"پے چھُ ظلماتہٕ وُزان"،"قعر دریا سلسبیل"تہٕ"اَکھ خواب"ہشن نظمن منٛز چھےٚ مایوسی ٲخر کار اند واتان تہٕ وۅمید چھےٚ انسٲنی روٗحس باگہِ یوان۔یِتھہٕ پٲٹھۍ شیکسپیر سُند ہیملٹ المناک قربٲنی دِتھ ہۅریشو ہِش تہٕ بامے اسہِ سارنےٕ زندگی ہٕنز نٔو نوید چھُ دوان۔

O good Horatio"what a wounded nam
(Things standing thus Unknown) Shall live behind me If thou didst ever hold me in thy heart,
Absent thee From Felicity awhile
And in this harsh world draw thy breach in pain to tell my story

کولرجؔ سند دم پُھٹۍ ہٲنز تریشہِ کامن سرنہ پتہٕ جہازٕچ اچانک حرکت وُچِھتھ نٔوۍ خواب وونان چھُ،ایلیٹ سند شعری کردار ویسٹ لینڈکس بنجرس منز زرخیزی ہند تمنا کرِتھ ہٮ۪کان چھُ۔ضیا جالندھری زمستان نظمہ ہندس زمستانس منٛز روٲنی وُچِھتھ ہٮ۪کان چھُ تہٕ رحمان ڈار شش رنگ نظمہ ہندس شعری کردارس ستن زرمن ہند وَرتن آیُت تھاوان چھُ بالکل تتھےٕ پٲٹھۍ چھُ راہی سند شعری کردار زندگی ہندس ویکھژارس مسخّر کران۔"قعر دریا سلسَبیل" نظمہِ ہند شعری کردار چھُ نٮ۪راش وجارک ہندریارسَرۍ تھےٕ تَتھ جنتس واتان یُس وژھِ وٲنجہِ ہندس تازٕ ہوسس منز شولان چھُ۔"اَکھ خواب" نظمہِ ہند مرکزی کردار چھُ شینچہ تہٕ ماگچہِ خدٲیی نِش آزٲدی لٔبِتھ رنگن ہنٛز وُنل مشکہٕ سر لہر ماران تجربہٕ منزۍ گزران تہٕ’‘پے چھُ ظلماتہٕ وُزان"نظمہِ منز چھُ ٲخر کار ہٲنگنہ مٔرۍمٔری صحیح مگر مۅختہٕ ضرور زٮ۪وان۔
راہی سنزِ نظمہِ ہند بیاکھ طرح چھُ سُہ یَتھ منٛز فنی مٲرۍ منزرس سٍتۍ سٍتۍ راہی سٕنز نظر کشادٕ چھےٚ سپدان تہ سُہ چھُ بدست زندگی ہنزِ گاشہ روٚس مس کٲسۍ بُجہ ہندٮ۪ن سوالن برونٛہہ کنہِ لاجواب گژھان تہ تٔمۍ سٕندس شعری
Personaہَس چھےٚ یہ دٔپۍ زِ تہِ زٮ۪و نینگلِتھ گژھان تہ تس چُھ دہَن سۅرمۍ تہ أچھ جوابن مقابلہٕ ژھرے باسان۔"صدا"تہٕ"مظلوم مسخر"ہشہ نظمہ چھےٚ امہِ قبیلچہ ساروےٕ کھۅتہٕ اہم تہ نمایندٕ نظمہٕ یِمہٕ بدست زندگی ہندِ صورت حالہٕ سٍتۍزایُن لٔبِتھ کلہم تہ مجموعی ہیومن پریڈکیمنٹک اَکھ منظرنامہٕ بنان چھےٚ۔یمن نظمن منز چھُ شعری کردار نہ صرف ٹریجک ہیرو بلکہ أکس مظلوم مسخّرسٕنز صورت تہٕ پراوان وُچھ۔
کنہ پٮ۪ٹھ چھُس یتھ ژلہ وٕنہِ سیٚکہِ پٮ۪ٹھ
کُن زوٚن پۅتجن ٹیٖنکہ تُلان
'

*
صدا
یَتھ زگتس منٛز
ییٚتہِ پرٮ۪تھ انسان
لل،حبہ خوتن
یزید،یہواد
پرٮ۪تھ کانٛہہ ژلہ وٕنہِ سیٚکہِ پٮ۪ٹھ
نژاں،
تہ نژاں نژاں
مظلوم ٲسِتھ مسخر باساں
مظلوم مسخر
یمہٕ دۅنوے نظمہ چھےٚ اکہِ طرفہٕ نوِآگہی تہ شعری طریقہ کارٕچ تہٕ دۅیمہِ پاسہٕ شٲعرسٕنز بے پناہ نظرِ ہنز گواہ یۅسہٕ عالمی ادبس تہٕ عالمی توٲریخس محیط چھےٚ۔اَتھ سٍتۍ سٍتۍ تہٕ لرِ لوٚر چھُ راہی سٕنزن نظمن ہند منظر نامہٕ پیکر ترٲشی تہٕ علامژو رٔنگۍ اَکھ تِیُتھ تخلیقی صورت خانہٕ بنان یتھ أمۍ رینسمؔ نہِ زبٲنۍ منز
Physical Poetryؤنِتھ ہٮ۪کو۔یہ شٲعری چھےٚ رنگین خیالاتو بجاے پیکرن تہٕ شبیہن تہٕ چیزن تہ تہندس چیز تس سٍتۍ کلہم پٲٹُھۍ سروکار تھون۔مطلب یہ زِ پیکرن تہ علامژن ہند اَکھ تِیتھ انضمام چُھ بارسس یوان ییٚتہِ Ideas بجاے پیکرٔژ ہنز اہمیت زیادٕ ٹاکارٕ چھےٚ۔"روٗد"،"ہندِ فانوس"تہٕ"سونتھ"ہشہِ نظمہٕ چھےٚ امہِ تخلیقی طریقہ کارچہِ نمایندٕ مثالہٕ یِمن منز شٲعر پنٕنۍ جذبٲتیت کاپہِ رٔٹِتھ محض منظرک مٲرۍ مندیُت ہاوان چھُ تہ سُہ چُھنہٕ منظرس یا پیکرس منز پننہِ جذبُک کانٛہہ مبدل ژھانڈان بلکہ محض منظرک آسُن تہ باسُن۔اَتھ طریقہ کارس لرِ لوٚر تہٕ اَتھ سٍتۍ رلہٕ وُن بیاکھ منظر نامہٕ چھُ تِمن نظمن منز عیاں یمہٕ شٲعرس بدست زندگی ہندس غیر شٲعرانہٕ مزازس سٍتۍ ہم آہنگ سپدنس پٮ۪ٹھ آمادٕ چھِ کران یتھ منز شٲعر مجبوری ،محکومی تہٕ بے بسی منز گرفتار شعری کردارن زایُن چھُ کانچھان تہٕ سُہ چھُ زندگی ہندس اَتھ یچھ پاسس پرن وٲلس برونٛہہ کُن معروضی اندازس منز پیش کران۔"باس"،"درامن"تہٕ"لیلا"چھےٚ امہِ قبلیچہِ نمایندٕ نظمہٕ یمن منزروٗمان کم تہٕ زندگی ہنزن ٹھوس تہٕ سنگلاخ حقیقژن سٍتۍ شٲعر سٕنز بُتھۍ لاگے دید مان چھےٚ۔
راہیؔ سند ونیکھ تام ٲخری تجربہٕ یُس ہیٔژ رٔنگۍ تِمو نظمہِ منز کوٚر چھُ
"زنتہِ اَکھ نظم"نظمہِ ہنز صورٔژ منز اسہِ ویوٚد یتھ منز شٲعر پانس بہم یا پانس برونٹھ کنہِ بظٲہر منتشر چیزن تہ حقیقژن رلٲوِتھ پیش کران چھُ تہٕ کٲشرِ نظمہِ باؤژ ہندۍ عنوان یتھ کتھہِ کُن بے شوٗنکھ پٲٹھۍ یہ اشارٕ تہ کران زِ خود شٲعرس چھنہٕ تجربہٕ چہِ معننویٔژ پٮ۪ٹھ بھرپورپژھ کینٛہہ اوے تہ چھُ نظمہِ "زن تہِ اَکھ نظم"ناو دوان۔
راہی سٕنزن نظمن منز نہ چھُ فکر تہ سونچک انجماد تہ نہ چھُ باؤژ ہند گنڈِتھ ژۅپرِتھ طریقہ کار بلکہ چھُ اتہِ فکرِ ہندِ نامیٲتی وۅپزارُک تہٕ فنی ارتقاعک زیٖنہٕ پتہٕ زیٖنہٕ کھسنُک ٹاکارٕ سنز۔یمہٕ نظمہٕ پٔرِتھ چھُ محسوس سپدان زِ راہی یَن چھنہٕ پننس تخلیقی سفرس دوران زانٛہہ تہِ پوٚت پھیٖرِتھ نظر دِژمٕژ بلکہ چھُ برونٛہہ کنے رواں دواں روٗدمُت۔آرکی ٹایپنن ہندِ لاشعوری بازیافتٕچ تہ تہندٮ۪ن بیوٚن بیوٚن طرحن ہنز کَتھ چھےٚ الگ۔ایلیٹ سندِتنقیدُک نظریہ تہٕ تٔمۍ سٕنز نظم
Four quartersچھےٚ راہی یَس بےٚ شونکۍ پٲٹھۍ شاعرانہٕ معروضیت پراونس منز معا ون تہٕ مددگار ثٲبت سپٕز مٕژ۔
بہٕ یژھٕ یتھ کتھہِ بیٚیہِ اکہِ لٹہِ پھیُر دِیُن زِ راہی سٕنزن نظمن پتہٕ کنہِ ییٚتہِ عالگیر یورپی
Sensibilityکارفرما چھےٚ تہٕ ۔
***

غزل

شہنازؔرشہد
گژھان چاک چھِ جامن، مےٚ کیازِ لٔج نہ خبر
ہران مۅختہٕ چھُ شامن ،مےٚ کیازِ لٔج نہ خبر

یہ پان چون کُنے زوٚن تہ ساسہ بدۍ الزام
ہلم ژےٚ دورتھہٕ پامن،مےٚ کیازِ لٔج نہ خبر

مےٚ کیازِ بوٗز نہ زانہہ ،سانہِ شہرٕ لوٚگ بازر
ہٮ۪وان مٔلۍ چھ غلامن،مےٚ کیازِ لٔج نہ خبر

رخٕت کٕنان چھُ بہروٗپۍ سنٛد امیرن یُس
سُہ وان لوٗٹہٕ عوامن،مےٚ کیازِ لٔج نہ خبر

دپان روتلہِ کُستاں مےٚ ہیوٚ،تہٕ میانیو اتھو
تُلان میٖل چھُ نامن،مےٚ کیازِ لٔج نہ خبر
***


غزل
شہنازؔرشہد
دزان روٗد أچھن ہنٛد الاو پوٗرٕ شبس
توے یہ قٲفلہٕ سورُے بچاو پوٗرٕ شبس

کہٕنۍ نہ شک زِ بہ حبشی غلام چھُس لیکن
یہِ کُس منگاں مےٚ ڈٮ۪کُک آمہٕ تاوپوٗرٕ شبس

گژھان کیازِ نہ کتۍ کتۍ امِس کہٕنۍ حٲصل
ہُراں چھےٚ ڈینجہِ اگر داو،دواپوٗرٕ شبس

سُہ کمرٕ گژھان ازتہِ گاشہِ سرۍ چھُ میانی سٍتۍ
دزان چھُ ژانگہِ تتٮ۪ن میون ناوپوٗرٕ شبس

نہ کانہہ اصول،نہ اوسس حیا،نہ انصافےٕ
یہِ کہندہ شہرٕ یوان اوس واوپوٗرٕ شبس

سیہ غلاف ولِتھ یُس مےٚ دۅہلہِ دفنا ویوو
سُہ آفتاب مےٚ سخ یاد آوپوٗرٕ شبس
***

غزل
شہنازؔرشہد
بادشاہ سُہ ٲسۍ تَن یاگدا،کرایہِ پٮ۪ٹھ
یتھ سرایہ منٛز بساں پرٛتھ اَکھا کرایہِ پٮ۪ٹھ

پردٕ تھوٚد تُلکھ تہ بلۍ،وتھۍ تھوکھ ژٕ درۍچہِ بلۍ
دٔد وَنن نِمُت چھُ سونتُک ہواکرایہِ پٮ۪ٹھ

یتھ شبس پننۍ چھِ کوٗرِتھ نمٕتۍ وژھو أچھو
یتھ شبس ژٕ خواب جورہ دِکھاکرایہِ پٮ۪ٹھ

سانۍ کتھ بدل،قلندر چھِ أسۍ ،یِہُنٛد ووٚنُم
کیاہ کرن اگر نہ میلٮ۪کھ کُلاہ،کرایہِ پٮ۪ٹھ

اسۍ دوان چھ تارٕ تر نٕچ کراے تس مگر
کیاہ پتاہ زِ پانہ کس ناخدا کرایہِ پٮ۪ٹھ

میانہِ ناوٕ نے کرکھ زونہ پچھ ،مَہ کر ،مگر
اکھ شباہ،بس اکھ شباہ،اکھ شباہ کرایہِ پٮ۪ٹھ
***

غزل
شہنازؔ رشہد

آرٕ ہٮ۪تھ آرٕ رٔسۍ چھِ ژھایہِ کُلٮ۪ن
ٹکھ یژھاں دِیُن چھ ہم کمایہِ کُلٮ۪ن

درد گامکۍ زرد ہواون ؤلۍ
پیوٚونہ موسم یُہس تہِ آیہِ کُلٮ۪ن

کُس پرٛژھاں چھُکھ بےٚ سایہ وقتس منٛز
کۅسہٕ جوٲنی گمٕژ چھےٚ ضایہِ کُلٮ۪ن

زندگٲنی چھِ کُلۍ تہٕ سرحد موت
گوٚژھ یہ سرحد لگُن بلایہِ کُلٮ۪ن

گُل نہ بلبل نہ پَن نہ شہجارےٕ
گوٚژھ نہ نیرُن وں پیوٚن گدایہِ کُلٮ۪ن

چھکھ خبر،نغمہٕ چُھس گٮ۪واں تِہنٛدی
پوش درامٕتۍ چھ میانہِ مایہِ کُلٮ۪ن
***

تار

شہنازؔرشید
عجیب قسمت یتھ دریاوس
حاکمن آونہ زنٛہے سمجھ
ییٚمہِ گاٹھہٕ
اپارِمس گاٹھس تام واتنہٕ باپتھ
کوٗت ضروری
کوتاہ لٲزم
کدل بناوُن
پے چھُکھ ناون ہُنٛد وَق روٗدنہٕ
ییٚتہِ چھُنہٕ کانسی کانٛہہ وونۍ تار دِوان
وونۍ ---تیٚلکی پٲٹھۍ دی ہے
کترِ نٔٹس پٮ۪ٹھ تار۔۔۔۔۔
تنہٕ گووَقتا
ییٚلہِ اسہِ یارٕ بلن ہندۍ
بانہٕ کُٹھٮ۪ن ہندۍ سٲری نٔٹۍ پُھٹہٕ رٲوۍ
*

گاش تہ لاش
شہنازرشیدؔ
سنگساری ہُنٛد حکم چھُ نیراں
پرٛتھ تٔمہِ ساعتہٕ
ییٚلہِ میانِس کرٛہنس شہرس اندر
آدمۍ جامہ ؤلِتھ کانٛہہ آش چھےٚ
گاشہِ مۅٹھاہ ہٮ۪تھ نظرِ گژھان
گاشِچ آش چھےٚ کنہِ روٗدس منٛز
رتہ سٔرۍ سپدِتھ جان دوان
مۅچھِ ہُنٛد گاش چھُ اونگجہ جۅیو کنۍ تس پشپان
تو پتہٕ کمہ تاں آرٕکۍ پٲٹھۍ
میانس وچھہٕ کِس جنگلس منٛز واتاں
اندرٕ چھُ سورُے جنگُل میون
گاشس اندر سران کران
نٮ۪برٕ چھےٚ آساں گاشِچ لاشَ
آدٕمۍ جامہ ؤلِتھ
واناکھ سیاہی اندر
قبر ستانٕچ وتھ ژھانڈان
***

بچٲر زون
شہنازرشیدؔ
حُسن چون زونی
چھُ دُرس عالمس شوٗب
سمسار سورُے مُدے گنڈۍگنڈۍ چھُے وچھان
رٲتۍ راتس
ژٕ چھکھ پرٛتھ زمینٕچ
ژٕ چھکھ پرٛتھ زمانٕچ
زون قند ہارٕچ وُچھتھ چھےٚ ژے مندچھان
بنان چھکھ ژٕ شہز ادۍ ژندہ ہور وٲتِتھ
ژےٚ منٛز عاشقن یارٕ سُنٛد رۅے تاباں
ژےٚ کُن انتظارس وُچھتھ چشمہ شیٚہلان
مگر واے زونی۔۔۔۔!!!
پزر گو ژٕ چھکھ چھوٚنۍ
پزر گو ژٕ چھکھ چٔھژ
بُتھس پٮ۪ٹھ چھ چٲنس دۅبےٕ دۅب
سیاہ دۅب،سیکستان
ژٕ چھکھ العطش
ترٛیشہ ۂژ چھکھ سراسر
وچھس منٛز ژےٚ نے چھے اکھ قطرٕ آبُک
تہٕ
شامن یہ پرٮ۪زلن چھُ چون اکھ فریباہ
یہِ چھے آفتابٕچ مِنت
یُس
ولاں گاشہِ ژادر ژےٚ چھُے رٲتۍ راتس
***

بہہ موس
 نذیرآزادؔ

1
بُتھ ژٕ کراوتھ چلے کلان اوس
چانس رویس نورگہاں اوس

اوٚبرٕ لونگاہ اکھ کلہ نۅمرٲوتھ
چانٮ۪ن زلفن پٲراوان اوس

ہکچہ کران اوس شیٖن کنٮ۪ن پٮ۪ٹھ
واو کلٮ۪ن منٛز گنگراوان اوس

شٮ۪ن طرفن اوس تٕر سمندر
ژۅن چشمن منٛز نار وزان اوس

شیٖنس کلہٕ کوٚڈ اندرَم نارن
دۅن دریاون آب ہُران اوس

سرتا پاے بہ اوسُس گمہٕ سٔرۍ
ہن ہن چون بدن تہ دزان اوس

کتھ اکھ ونہ ہے پوٚز گلہ زٮ۪و گٔے
دُنیا شاید ژرژاوان اوس

تالس زٮ۪و دِتھ بولان اکھ دل
اکھ اِل دٲرتھ بوزان اوس

2
زا شُر سرۍیہ وَں کھۅکھشہ پکان اوس
وَہٕکس دلہٕ تلواس وۅتھان اوس

میدانس منٛز شیٖنہ ٹیٚکیو ستۍ
کمہ تاں ملکک نقشہ بنان اوس

بُتلہ جٮ۪مبر ٲس منہ منٛز پیمژ
چون گلابۍ بدن شولان اوس

پے اوس پھیران ؤتھرس ؤتھرس
چون سرو قد کاڈ کڈان اوس

آبس قطرس قطرس تینبر
رخسارک احوال ونان اوس

شہرٕ نٮ۪بر کُن ویٚتھہِ ہٕنز کھۅنہ منٛز
ژندرم چانے مۅکھہ وۅپدان اوس

میون خیال وٹھن پٮ۪ٹھ یتھ زن
کوتر پنجرس منٛز تڑپان اوس

چاے گمژ ٲس ٹھنڈٕ خبر کر
سینس سخ وشنیر پھبان اوس

ژےٚٲسی گرٕ گژھنٕچ جلدی
میون چھُ کیاہ مےٚ نہ کانہہ پراران اوس

3
سونتس ازتاں کُس مازان اوس
خطِ سبزس کُس وارٕ سنان اوس

ٲس کمس ونہِ چشمِ بصیرت
مانو لالک ژونگ دزان اوس

چٲنس وٹھہ کمہِ جارس اندۍ پکۍ
میانہ ارادک زیٹھ لسان اوس

چانیو یاون گُمہ ریو پے
ببرِ کلٮ۪ن بامن تہِ پھٹان اوس

دروازس پٮ۪ٹھ بلبل صبحے
راگ بسنت بہار پچان اوس

چٲنس دارِ ہنگس پٮ۪ٹھ تمہِ دۅہ
ٹھہ ٹھہ کرۍ کرۍ تاپھ اسان اوس

شام شفق اوس پھۅلہ وُن پھۅلہ وُن
سنہٕ وُن سنہٕ وُن روٗد پٮ۪وان اوس

دروازس گوو راسے ٹُھک ٹھک
دُب دُب دِل وایہ ژلان اوس

گاشہِ مندٮ۪ن یکبار گھرس گوو
خوابس اندر خواب وچھان اوس

نبہٕ دٔندس پٮ۪ٹھ شامُک تارکھ
پہرے أچھ ٹٹہِ وار کران اوس
***


غزل
عزیز حاجنی
نغمہٕ خانن تَے تمبورٮ۪ن دِنۍ چھےٚ سَے کینژھا دِیوٗ
نیبرٕ پٮ۪ٹھ آمُت فقیرا وایہِ نَے کینژھا دیوٗ
دردٕ گامس یونہٕ سوٗنتَے دٔز  یوٚہس باغن پھُلَے
پپنہٕ برونٹھَے گۅو  پرُس دانٮ۪س تہِ رَے کینژھا دیوٗ
گامہٕ کتہِ تاں کھییہِ کپس ووٗنٹن تہٕ دوٗنس نس ژٔٹکھ
زٲنہٕ کٔدلس شہرِ خاصس گٔے تُرَے کینژھا دیوٗ
چھٔژ گرٮ۪و کٔڈۍ لال بازر چھتلہِ گراکو ہیوٚت لُکن
گاہ یتھے خرچُکھ گہے دوٚپہکھ کمَے کینژھا دیوٗ
سبقہٕ روٚستُے مدرسن منٛز اسہِ تہِ تھٲیو حٲضری
مثلہِ روٚستُے دفترن ہنٛز کس چھےٚ پَے کینژھا دیوٗ
ریش ونٕکۍ رازن چھےٚ کٔرمٕژ مُلحدن مددتٕچ اپیل
أسۍ کرو دعٲے خٲر تُہۍ پھل مۅٹھ رۅپے کینژھا دیوٗ
سادٕ لوٗکن بییٚہِ اصیلن وۅتھ ونو سپدیوٗ بیدار
بٔلۍ یتھے کٔنۍ اسہِ تہِ برونہہ کُن سوزِ دَے کینژھا دیوٗ
آسہٕ اوسُم خاصہٕ بابُن نیوٗک دستارس ؤلتھ
ؤنۍ مےٚ روٗدُے کیا کٔنن سُم یتھ ونَے کینژھا دیوٗ
بییہِ عزیزے حٲجنی از ون یمن ڈٔکھۍ جل ریٚشن
برزباں شوٗبیا فقیرن وہے تہٕ وہے کینژھا دیوٗ
*
تِیٛتھ بٲتھ کانٛہہ
شاد رمضان
ہَے خُداوندا بہٕ کاش
سونچہِ سٔدرس منٛز بوٚڈِتھ
لیکھٕ ہا تِیُتھ بٲتھ کانٛہہ
زندگی گیٚوِ ہے تہِ سپدِ ہے لازوال
زوٗن وَسہِ ہے بۅن تہٕ آنگن سانہِ
کرِ ہے ہِکچہِ روٚو
شبنمس وَچھ کورِ ہی ما
دورِ ہی ما آفتاب
گُل رۅخن پٮ۪ٹھ بُلبلس یی ہے قرار
بوٚمبرٕ گتھ وُچھہے یِمبٕرزل دیٖدمان
سَمکھِ ہے شیٖریٖن فرہادس ضروٗر
محفلن ژھٮ۪وہن نہٕ تارس ژٲنگۍ زانٛہہ
سیٚکلہِ وُزہن ناگراد
راہ مُسافیرس تہِ ما زانٛہہ
یوٚد پٔدِس پرٛزلِہے سراب
لیکھٕ ہا تیُتھ بٲتھ کانٛہہ
یُس گٮ۪واں بوزان سپدہن
سیٖرِ اسرار آشکار
باغہٕ أندرے پانہٕ وُچھہا
شِو تہٕ شکتی ہُنٛد سُہ مِیُل
ہا
ـ  تہٕ وَزہن تار زن سنگر رباب
آہ ـ  تہٕ ٲنس زُلف لیکھِ ہے بسم اللہ
لا ـ دٔپِتھ ازلُک اروپٮ۪ر تام سپدِ ہے دیٖدمان
آ ـ  سٔرِتھ اَبدُک کُنٮ۪ر چمہٕ ہَن تہٕ چَمہٕ ہن دام دام
شُنیِہس منٛز چھا تہِ ییران اول کانٛہہ
شٮ۪ن پڑاوَن چھا مٔنٛزل
شش رنگ سۅنزل
آبہٕ بُبرس چھا پنُن کانٛہہ بیوٚن وجوٗد
شمع ظلماتس اندر چھا لعل پرٛزلاوان پَزی
خاموشی اندر بٔسِتھ چھا زیروبم
نے اگر نالاں
گٮ۪واں چھا خونہٕ سٔرۍ آدٕمۍ وٮ۪داکھ
*
لیکھٕ ہا تیُتھ بٲتھ کاش
بوٗزِتھٕے
حُسنس تہٕ لولس سپدِ مِیٛل
آمہِ پنہٕ سوٚدرس تہِ لگہے ناوِ تار
بالہٕ دامٕنۍ
اوٚبرٕ لوٚنگ کھَسہِ ہے
تہٕ وَسہِ ہے روٗدٕ چھوٗل
***

اسمٰعیل آشناؔ سٕنٛز شٲعری
حسن انظرؔ
آشنا سنزِ چھپیمژِ شعرٕ سوٚمبرن مطالہہچ بنیاد بنٲوتھ ہٮ۪کو ونتھ زِ یہندس کلامس چھ اکھ منفرد لب ولہجہ،اکھ اندرونی آہنگ تہ موسیقیت ،اکھ خاص تہٕ خٲلص مقامی پوٚت منظر تہ تہُند نٲدر مشاہدُک ڈکھ۔تمو چھ اتھ شعرٕ سوٚمبرنہ
"اسہِ توٚگ نہ دزُن"ہندس پیش لفظس منز بجا طور ووٚنمت زِ:
"انگریزۍ ادبس ستۍ پیشہ رنگۍ وابستہ روزنہ باوجود تہ دور یاس نہ بہ کٲشرِ شٲعری ہندس مٲرۍمندس ریوایتس نشہِ۔۔۔۔ ۔توے چھے میانہ شٲعری منز نوِ حٮ۪سہ آگاہی تہ ریوایتٕچ ٲڈرن۔مے چھےٚ اجتمٲعی لاشعور کٮ۪ن گہۍلٮ۪ن ونن منز وٲنسن ہند ہُو ہُو۔۔۔۔۔شرۅپراونٕچ کوشش کٔرمٕژ تہ استعارن ستۍ ستۍ تمے اساطیر ورتٲوۍمتۍ یمہِ کاشرِ تہذیبہ کس سوٚدرٕ وچھس منز مےٚ ونہ ہیٚکۍ کٔڈِتھ"
اکھ بیدار مغز شاعر آسنہ تہ اکھ خاص منشور تھاونہ باوجود تہ چھ یہ پزر زِ اتھ کلامس منز چھ مۅللٮ۪ن لالن تہ جوٲہرن أندۍ أندۍ واریاہ تتھۍ شعر تہ یمن تراش ہٮ۪نچ ضرورت چھےٚ یا یمہ کتاب چھپاونہ وزِ تراوتھ ژھننۍ پزہان۔بہ چھس نہ یہ وُنکسے یوت ونان بلکہ کرے مےٚ اتھ کتابہ ہندس چھپنس دوران تہ کم حقہ کوشش مگر بار آور سپٕزنہٕ۔بہر حال پنژاہ،پانژونزاہن غزلن تہ نظمن پٮ۪ٹھ مشتمل امہ کتابہ ہٕنز سام ہٮ۪نہ ستۍ چھ واضح سپدان زِ آشناؔ چھ اکھ منفرد لب ولہجک تہٕ اسلوبک مٲلک۔یہٕنز زبان چھنہ رسمی،ریوایتی تہٕ کتٲبی یا ونو یہ زِ گسہ آمٕژ ہِش بلکہ سٮ۪ٹھاہ سر تازٕ تہ دلس تھپھ دنہٕ واجِنۍ ہِش۔یہ چھ تہندِ حقیقی ماحولٕچ یعنی گٲمی تہٕ سُہ تہ کمرازٕچ ٲیینہ دارمگر عام بول چال تہ چُھنہ۔دراصل چھے یہ اکھ فنکارانہ لفظ ژاٍر یتھ منز طبعیتک تہ اتھ چھ تہٕ کینٛژھا شعوری طور ژارنہٕ آمتٮ۪ن فنی ضرورتن ہُند پاس تہِ تھاونہٕ آمُت چھُ۔
"برہنہ حرف گفتن"وطیرٕ اختیار کرتھ تہ چھ کلامہٕ فی البدیہہ تہٕ بے ساختہٕ باسان۔یُس کاشرِ شاعری منز سٮ۪ٹھاہ کامیاب چھ۔اتہ چھ اکثر جاین لفظ علامتی انداز رٹان تہٕ استعارو ستۍ چھ پوٗرٕ کلامہٕ مٲرۍٗ موٚند بنیومُت۔اتھ پتۍ کنۍ چھ تہنندِ زبردست تہٕ مخصوص مشاہدچ صلاحیت تہِ کامہ لٲگتھ ۔کاشر تلمیحات تہٕ اسطور چھ رٕتۍ پاٹھۍ ورتاونہ آمتۍ۔بومبر تہٕ یمبر زل،ہٲر تہٕ طوطہ،کاو تہٕ کاوٕ ییٚنہ وول،ہی ما ل تہٕ ناگۍ راے،نوش لب تہٕ عجب ملک چھ پرن والٮ۪ن کاشرِ پوٚت منظر ک احساس دوان تہ کلامس پُر اثر بناوان۔تہذیبی تہ لسٲنی پوٚت منظرس ستۍ ستۍ چھ آشناؔ سٕندس کلامس منز کشیرِ ہُند مٲرۍ موٚند فطری حسن تہ سٮ۪ٹھاہ بے ساختگی سان میلان تہ پرن وٲلس رابرٹ فراسٹ تہ ولیم ورڈس ورتھ ژٮ۪تس پاوان۔اتہ چھ پٲنۍ پانے کھہن ،باغن،نیرٮ۪ن تہٕ نیَن،نُنہ پوشہ میدانن تہٕ یارِ ونن،ناگن تہٕ کۅلن ،پہلٮ۪ن تہٕ تیٖرن،گجرٮ۪ن تہ کنہ ژٹۍ ہوٖنٮ۪ن،شالن تہٕ روٗسۍ کچن،کٔتجن تہٕ پٔچھنن،کُکہ لَن تہٕ کستورین ،یارٕ بلن تہٕ دریاوٕ بٹھٮ۪ن ہٕنز کتھ وۅتھان۔یژھ تصویر کُشی ہیٚکہِ سے تہِ صرف سے شاعر کرتھ یُس آشناؔ سٕندۍ پاٹھۍ دۅہ دشہِ چہِ زندگی منز پٔزۍ کنۍ یتھس ماحولس وچھان تہٕ سنان روٗدمُت آسہِ۔
آشناؔ سٕنز شٲعری ہندس بیوٚن تہ بدون اسلوبس چھ اکھ وجہ یتہ ز یم چھ موسیقیتُک خیال تھاونس ستۍ ستۍ شعر سوچِتھ تہ ونان۔یعنی کانہہ تہ شعر موزوں سپدتھ چھ یم حسب عادت اتھ شعرس واریاہس کالس گنگراوان روزان یتھ انگریزی پاٹھۍ
(Rumination)تہ ونتھ ہٮ۪کو۔امہ ستۍ چھ یہنزن غزلن کیو نظمن ہندٮ۪ن شعرن یہے کھہرن ہِش لگان تہ تم چھ موسیقیت تہ پراوان تہٕ اکثر اوقات وِیہہ تہ بدلان روزان۔
اتھ اسلوبس پتۍ کنۍ چھ آشناؔ سندِ موضوعک تہ موادُک تہِ واریاہ عمل دخل ۔تم چھنہ روایتُک خیال تھاونہ باوجود تہ کُنہ پامال یا عام موضوعس مازانے نہ چھ یہندس کلامس منز نعرٕ بٲزی تہٕ سمٲجی سیٲسی بیترِ صورتحالُک کانہہ براہ راست ردِعملاہ نظر گژھان۔تمن پٮ۪ٹھ چھنہ کانہے تہ ادبی تحریک یا فکری مکتب حٲوی تہ مسلط۔تمن چھ عالمی ادبس پٮ۪ٹھ نظر تہ پننہ تہذیبی لسٲنی تہ جغرافیٲیی پوٚت منظرُک پورٕ احساس مگر پتہٕ تہ چھکھ شعر گویی خٲطرٕ اکھ محض ذاتی تہ مخصوص نکتہ نظر۔اوے چھ اتھ شاعری منز ذٲتی تجربن آفٲقی بننچ توٚژھ تہ صلاحیت۔تم چھ، پننۍ تہ پننہ زمانچ حسیت خٲلص شعر بناونچ کوشش کران باسان تہ اتھ منز چھ سٮ۪ٹھاہ حدس تام کامیاب تہ ۔اتھ کلامس منز چھ حالتن ہندس اثرس تحت کُنہ کُنہ رومٲنی شعر تہ میلان تہ پرٛتھ وِزِ چھ کٲشُر فطری حسن ڈکھس۔کلامہ چھنہ عقیدتی یا فلسفیانہ مسلن زٮ۪و دِتھ کنہ آولنس منز پھسان تہ نہ چھ غیر سنجیدہ معاملن ہنزے یاژے باوتھ۔یم چھ خوش فکر گۅنماتن تہ درویشن ہندۍ پاٹھۍ زندگی ہندۍ سٮ۪ٹھےٕ اہم مسلہٕ تہ پزر عام فہم کتھن منزباونٕکۍ قٲیل باسان۔کینٛژن جاین چھ بوزن وٲلس تہ پرن وٲلس کینہہ نٲدر مشاہدٕ ،پیش کرتھ عالم حیرتس کُن پکناوان۔کینٛہہ غزلہٕ شعر چھ أتھۍ تناظرس منز پیش ؂
کوٚرزونہِ مےٚ برونٛہہ کنہِ مَس مٔژرٲوِتھ نژناہ ہیو
کِتھہٕ کنۍ کوٚڈ وُزملہِ ٹاس پکھن بیٚیہ ساعتہ وَنے
نِیہِ تاپہٕ اتھو وُلہٕ وٲوِتھ کتھ کنۍ شیینہٕ پھُلے
کٔمۍآبے ژوٚٹ پتہٕ خوابہ کلین بیہ ساعتہ وَنے
*
دارِ ہنگ وایاں وایاں راتھ ڈٔج
ٲشناو ساوان ساوان راتھ ڈٔج
گُرۍ سوارو اَکھ أکس پتہ تۯٲو  دو
پرزناوان پرزناوان راتھ ڈٔج
*
رومٲنی قسمہ کٮ۪ن یمن شعرن منز وُچھو کتھہٕ کنۍ چھ معنہ ساوِ تہِ حیرت زا کتھہٕ باونہٕ آمژہ تہ اکھتے چھ دنیاہچہ بے ثباتی تہ انسانہ سنٛز بے سمجھی مقابلہ کرُن ہیچھ ناوان بلکہ یمن ژلہٕ ونٮ۪ن ژیہٮ۪ن ثبات بخشتھ حوصلہ تہ عطا کران باسان ؂
چھۅکھ ینے دکھ کانٛسہ جگرس چھۅکھ پنٕنۍ ہاوتھ لگے
سۅکھ یننے نِکھ کٲنسہِ وُلوِتھ دۅکھ پنٕنۍ باوتھ لگے
ژٲنگۍ پنہ نٮ۪ن جگرنے ہندۍ أسۍ تھوو زالتھ لگے
آسمانٕکۍ زون تارکھ ہیوٚک نہٕ کانٛہہ وٲلِتھ لگے
*
ہرنہ گٮ۪ند ناہ کرُن تہ نیرن چُھم
پریہ اسناہ کرُن تہ نیرن چُھم
نارٕ وزمل پھۅلان نبس یتھ کنۍ
بَس تتھے کنۍ پھۅلن تہ نیرُن چُھم
بول بوشاہ کرتھ وڑُن آسٮ۪م
پوشہ دامن دٕنُن تہٕ نیرُن چُھم
*
گہے وُزنۍ چھےٚ ژھۅکان مست ناگہ رادن ہٕنٛز
گہے چھِ ناگہٕ جویاہ پیٚٹھۍ کۅہس وزان یارو
*
بانبریمٕژ روٗسۍ کٹ پٮ۪ٹھٕ بالہٕ تینتالیو ژلان
روومُت پچھناہ وڑان زونہ گاشہِ منٛزۍ ژھاراں رکھن
*
تریش وٲنسن ہٕنز خبر ژھٮ۪و رنۍ پیی ما ٲخرس
تاپہٕ صحراوس اندر آسے بہ آبٕچ ژھاے ہش
*
آشناؔ سٕنزٕ کینٛہہ غزلہٕ چھےٚ ریڈیو کشمیر کہِ وسیلہٕ معروف تہٕ مقبول گلوکارن ہٕنٛدۍ دٔسۍ گٮ۪ونہٕ آمژٕ تہٕ ییٚمہِ سٍتۍ یہ لااُبٲلی طبعیتک شاعر کُنہ حدس تام یارن دوستن ہندِ محدود حلقہٕ نٮ۪بر نیرتھ کشیر ہندٮ۪ن عامن تہٕ خاصن منز تہِ پرزٕناونہٕ آو۔بۅنہٕ کنہِ دنہٕ آمتٮ۪ن مطلع واجنٮ۪ن غزلن ہندِ برکتہٕ چھِ آشناؔ ہَس جان نظرِ وُچھنہٕ یوان ؂
رَتہٕ پان پُنن ہتہ وانہ کٔنتھ ژٕتہِ اتھہ ہاوان بُتہ اتھہٕ ہاوان
کمہ آشہِ تہ ارمان مۅلہٕ نٲوتھ ژٕتہ اتھہ ہاوان بٕتہ اتھہ ہاوان
*
گاہے چھ اسان دٔپۍ زیٚس گاہے چھ ودان دٔپۍ زٮ۪س
سُہ چھ ازتہ تٔتی پراران وتہِ چانہ وچھان دٔپۍ زٮ۪س
*
جدا گژہِتھ تہ چھ بسہ نُی پیواں جدا گژھن والٮ۪ن
دزان دزان تہ چھ اسہِ نُی پٮ۪وان دزن والٮ۪ن
مگر امہ باوجود چھ وُنیُک تام آشناؔ سُند ناو ادبی تذکرن تہٕ تواریخن منٛزٕ خال خالےٕ درینٹھۍ گژھان۔دراصل چھ آشناؔ سٕنزن غزلن سٍتۍ سٍتۍ تہنزن نظمن کُن منٲسب توجہ دنٕچ زیادے پہن ضرور ت تکیازہ یمہٕ نظمہٕ چھےٚ غزلہٕ شعرو مقابلہٕ بڈِ کینو اسہٕ کنۍ بہتر خیالہٕ باوَتھ مُژرہ ی،علامتی اظہار تہٕ مجموعی طور زبٲنۍ ہُند زیادٕ قٲبل قدر تخلیقی ورتاو باوان۔
"اسہِ توٚگ نہ دزن "نٲوۍ (یُس دراصل اکہ خاص نظمہ ہُند ناو تہ چھ تہٕ کتابہ ہُند تہِ)وُچھتو یہ کوتاہ مارۍ موٚند،منفرد تہٕ معنہ سٲوۍ چھ۔اَتھ نظمہِ سٍتۍ سٍتۍ چھےٚ دۅیمہ کینہہ نظمہٕ مثلاً نارٕ ریہن ہُند ہکہ چی چی،سونتھ زُون راتھ تہٕ ییٚنہِ وول،اسہِ وٲژ خبر کٲژ وٲنس پکان،تہٕ ژھرے کۅچھہ ہٕنز ٹوپہ،تہِ زبٲنۍ ہندِ تخلیقی ورتاوٕ تہٕ علامتی انہارٕ کنۍ سٮ۪ٹھےٕ تھد درجہ چہِ۔آشناؔ ہَن چُھنہٕ نظمن منزے یوت وحدتِ تاثرک خیال تھومُت بلکہ چھ یہنزٕ واریاہ غزلہٕ تہٕ ییٚمہِ اعتبارٕ تژھٕ یمن غزلِ مسلسلؤنتھ ہٮ۪کو ۔مجموعی طور چھِ اَتھ کلامس منٛز ذٲتی تجربن ،ہٕنز باوتھ تہٕ تمہِ انمانہٕ کرنہٕ آمٕژ زِ تمہٕ چھِ آفاقی تجربہ باسان۔انسٲنی بقا تہٕ موجود دورُک تہذیبی المیہ تہ چھ فنکارنہٕ اندازس منزے باونہ آمت۔کینژھن نظمن منز یوٚدوے تہند سیٲسی تہٕ سمٲجی شعور تہِ چھ محسوس سپدان مگر سُہ تہ چھنہ سپاٹ بیان یا کریکہ ناد۔یژھن نظمن منز چھ یمہ نہ واپس آے،آلو،وُنہِ تیغہ چھ یہندٮ۪ن اتھہٕ نے منز ،اسہِ وٲژ خبر کٲژ وٲنس پکان بیترِ قٲبل ذکر۔حالس کرو أسۍ صرف "نارٕ ریہن ہند ہکہٕ چی چی "نظمہِ پٮ۪ٹھے تہِ رتفصیلہ سان کتھ۔
ییمہِ نظمن ہٕنٛدس ابتداہس منزے چھ اکھ یارِ وناہ راونک تہِ تَتھ ژھارنُک علامتی اظہار میلان یۅسہٕ دراصل وُہمہِ صدی یورکُن پیش ینہٕ والہِ تہذیبی المیہ ہُک ،سانہ انفرٲدی تہٕ اجتمٲعی زندگی منز محسوس سپدن والہِ تخریبی سلسلک تہٕ روایتن ہند مسخ یا مسمار گژھنُک کرب تہٕ تمہِ نِش نجاتُک اظہار چُھ۔مقٲمی ماحولہٕ نشہِ ننہٕ آمتیو استعارو تہٕ علامژو سٍتۍ چھِ اَتھ نظمہِ منز عالمی سطحس پٮ۪ٹھ درپیش عدم تحفظ تہٕ تبٲہی ہُند خوف صرف علامتی اندازس منز باونہٕ آمُت۔نظمہِ ہٕندس ٲخری حصس منز چھ یہ اجتمٲعی راوَن تیوٚل یِتھہ
ٕٕکنۍ ہاونہٕ آمُت۔
دٮ۪د ٲس گٮ۪وان تیٚلہِ دارِہنگس پٮ۪ٹھ نٔر تھٲوِتھ/۔۔۔۔۔
یی وننس سٍتۍ ٲس سوٚژ روٗدہ شرانیاہ وسان/۔۔۔۔۔۔
نیرن تہ نین منٛز نُنہٕ پوشَن مژِ نینٛدرِ تُلان/آرن تہٕ کۅلن
بیٚیہِ ٹھاہ ٹھاہ کٔرۍکٔرۍ اسہ
ٕٕ ناوان /ؤں چھ پرٛتھ ڈوٗرس منز کوندہ دزان/پرٛتھ کوندِ اندر راتس تہٕ دۅہس /أندرۍ سپدان/بس نارٕ ریہن ہُند ہکہ چی چی ۔//
وۅنۍ کرو یمن رٕتٮ۪ن انہارن سٍتۍ سٍتۍ آشناؔ سنزِ شاعری منز لبنہٕ ینہ واجنٮ۪ن کینٛژن خٲمین کُن تہ ہنا توجہ۔تہندس چھپیمتس کلامس یعنی
"اسہِ توٚگ نہٕ دزُن"شعرسوٚمبرنہِ منز کتابت چہ غلطیہ اوٚک طرف ترٲوِتھ چھِ کینہہ تژھٕ کتھہٕ تہ یمہٕ نہ آسنہ گژھٕ۔ مثلاًغزلن ہندس حصس منز چھِ زٕ نظمہ تہ رل گٲمژٕ صفحہ 40ہَس تہٕ صفحہ 49ہَس پٮ۪ٹھ۔یتھے کنۍ چھِ صفحہ38ہَس تہٕ 39ہَس پٮ۪ٹھ صرف تر ےٚ ترےٚ شعر یمن نہ غزل گنزراونہ گوٚژھ یُن بلکہ ہٮ۪کہ ہوکھ "کینہہ شعر"عنوانس تحت کٔرتھ۔نظمن ہندس حصس منز تہِ وُچھتو "سونتھ"نٲوۍ یۅسہٕ مٲرۍ منز نظم صحفہ61/62ہس پٮ۪ٹھ چھپیمژ چھےٚ سُہ چھ دراصل نظم "چَھکھ آلو بالہٕ کۅلن"ہندیو ٲٹھو بندو منزٕ پانژھ بند الگ کٔڈِتھ بنیمٕژ۔یوٚدوے یمہٕ غلطیہ ہٮ۪کوکھ کتابہ ہندس نٔوِس ایڈیشنس منز تہِ دوٗر کٔرتھ مگر غور طلب چھ یہ کتھ زِ آشناہسؔ ہِوس شاعرس شوٗبیا یژھ یَس غیر ذمہٕ دٲری تہٕ وتٲولی کرٕنۍ۔
وۅنۍ پکو آ شناؔسنزن عروضی خٲمین تہٕ رتٮ۪ن شعرن یا نظمن منز لغتس خلاف گرایمرُک لحاظہٕ نہ تھٲوِتھ لفظ ورتاونس کُن تہِ۔آشاناہَس ہوس شاعرس گوٚژھ نہ ونُن پیوٚن زِ شٲعری چھ بنیٲدی طورصرف لفظن ہُند منٲسب انتخاب تہٕ تخلیقی ورتاوے تہٕ یمہ کنۍاتھ معاملس منز کانٛہہ مستی ہیٚکی نہٕ نظر انداز سپدِتھ۔ییٚمہِ سٍتۍ چھنہ کُنہِ فن پارس یو ت وے ددارٕ واتان بلکہ چھ فنکارٕسٕنز تمام تمام محنت تہٕ داوس ہٮ۪کان لٔگتھ۔عروضی خٲمین ہنز اَکھ نٔنۍ مثال چھ صفحہ 34ہس پٮ۪ٹھ درج یمیُک مطلے غور کرُن لایق چھ۔ تُہۍ تہِ سٔنیو ؂
*
یہِ ژَلہٕ وٕنۍ راتھ ہے چھےٚ لونچہِ منز گنڈٕنۍ لایق
یہِ پھۅلہٕ وٕنۍ خابہٕ تٔھر چھےٚ وارِ منز رُوٕنۍ لایق
؂یتھے کنۍ چُھنہ صفحہ26تہ
ٕ 27ہَس پٮ۪ٹھ درج غزل تہِ صوتی تہٕ معنوی طور آشناہَسؔ ہوس شاعرس نشہٕ متوقع۔یمنےٕ دۅن شعرن پٮ۪ٹھ کٔرۍتو ہنا غور ؂
*
بہ تھاوے آیہ تن پنہ ننٮ۪ن گناہن ہٕنز پُھلے سٲری
مےٚ تامَتھ واتہِ نا خوشبو رژھا چانٮ۪ن ثوابن ہٕنٛز
زٕ لان پھرکھ آلون ہندۍ وچھ دۅہے سانٮ۪ن مندورٮ۪ن ہندۍ
بُچھان نبہٕ کس بُتھس یِتھہٕ کنۍ بیٚکس ژھۯٹہٕ ژھۯٹ محاذن ہنز
*
گۅڈنکس شعرس منز وُچھتو لفظن ہند ورتاو تہِ تہٕ معنوی سطحس پٮ۪ٹھ تہِ غزلہٕ کِس مزاجس خلاف کتھاہ چھ درینٹھۍ گژھان۔شاعر کتھہٕ کنۍ ہیٚکہِ کٲنسہِ ہندِ ثوابہٕ بدلہٕ یورٕ گنہ ہن آیتن تھٲوتھ۔یہ کُس عقل تہٕ اخلاق مانہ۔بیٚیہ ہٮ۪کہٕ ہو اَتھ معمولی ہیرٕ پھیر کرتھ لفظ
"گۅہاہن"بدلہٕ"گنہ ہن"تہِ ؤنتھ مثلاً یتھہٕ کنی ؂
یتم ولہ آیتن تھاوے پُھلے سٲرےٕ بہ گنہ ہن ہٕنز
مےٚ کُن ہے سوزٕ ہکھ خوشبو ہناپننٮ۪ن ثوابن ہنز
دۅیم شعر اگر نثرس منز پھرون تہ یہ بنہ یتھہ کنۍ ؂
"آلون ہندۍ پھرٛکھ چھ دۅہے سانٮ۪ن مندورٮ۪ن ہندۍ وچھ زالان
یِتھہٕ کنۍ زن بنس جہازن ہنز ژھرٹہٕ ژھڑٹ بُتھ چھِ زٕلان
یا بُچھان روزان
"یہِ خیال اگرنے نثرس منز تہِ خوشون تہٕ رُت چھ شعرٕ خٲطرٕ کِتھہٕ کنۍ ہیٚکہِ منٲسب تہٕ موزوں ٲسِتھ۔
بیٚیس أکس غزلہِ ہند یہ شعر وُچھتو کانہہ ضروررتاہ چھا شاعرس یوٗت خشک بیان تہٕ بٔلۍ ذٓہنی پریشٲنی پیدہ کرنٕچ ؂
پرٛتھ دورِ اندر خوشبو یہ پدٮ۪ن ہندۍ چھۅکھ دِن آلو ژھایہِ دوان
نٔنۍ پھۅلہٕ ونہِ صبحٕکۍ واوٕ ملر بند ڈیڈٮ۪ن ہندۍ بر مُژرٲوتھ
شٲعرانہٕ تخیل تہِ گو پوٚزے مگر
"خوشبو یہ پدٮ۪ن ہندۍ چھۅکھ"تہٕ تمن "چھۅکن ہند ژھالہٕ دوان آلو دِنۍ"کیاہ سنا گو تہٕ شٲعرس کیاہ مطلب چھ یِم ناممکن العمل کَتھہٕ وننس منز تہِ زن چھنہٕ یوان سمجھے ۔
کینٛژن انتہٲہی خوبصورت نظمن تہِ چھِ یتھےٕ کنۍ کُنہِ کُنہِ جایہ ہنگہ منگہ چہ مشکل پسندی یا کٲکلہِ کُھرۍ ناو أنۍ مٕژ مثلاً
"نارٕ ریہن ہُند ہکہٕ چی چی"نظمہ ہندۍ یم شعر ؂
دے زانہِ خبر کتہِ آسہِ پھرٮ۪کان
کُنہِ لرِ ہنزِ کُنہِ کنہٕ وارِ وچھس منٛز ست تُت کانٛہہ
۔۔۔۔مٔتۍ واون آسہ امبٕرۍ خوشبو
دکہ دی دی کڈمژ باغو منزۍ
کرۅپہٕ سوٗر کٔرتھ
اَتھ منز یۅسہٕ
"کُنہ لرِ ہنزِ کنہ کنہ وارِ وچھس منز"تہٕ"واوُک امبٕرۍ خوشبو باغو منزۍ دکہٕ دی دی کڈن تہٕ کرۅپہٕ سوٗر کرُن"چھُ وننہٕ آمت یہ چھنہ صرف عجیب وغریب تخیل یوتے بلکہ کرۅپہٕ سوٗر چھ ٲخر کُنہِ ٹھوس چیزسےٕ سپدان نہٕ کہ گیسس یا غٲر مٲدی وجودس ۔
آشناہَنؔ چھ کینہہ تتھۍ لفظ تہٕ ترکیبہٕ تہٕ ورتاوِ مژٕ یم نہٕ کشیرِ ہندس کُنی تہٕ حصس منز استعمال چھ سپدان تہ نہ چھ لغتہٕ مطابق صحیح۔مثلاً
"آلو"نظمہ منز "شٹھ نیمژ "لفظہٕ بدل"شٹھیمژ "یایتھ شعرس منز "ہندرِ ہوٚتلفظ
ہندرِ ہوٚت گٹہٕ زٔلۍ پچھن ہوٚند آفتاب
سدرٕ منزٕ کھالان کھالان راتھ ڈٔج
ممکن چھ آشناؔ ما کرن یمن کتھن کُن یم لٹہ توجہ تہٕ برونہہ کُن تخلیق سپدن وٲلس کلامس منز ین اسہِ صرف تہٕ صرف خوبیے یاژٕ ونہِ۔خداے بوٗزِن تہٕ تی سپدِن۔
***

سیاہ گلابۍ وتھر
علی شیدا
سُہ بانڈٕ جشنہ تہِ ووت اند
تہٕ سٹیجس تہِ پھوٚل زنتہِ سوٗر
وُچھن وٲلۍ تہِ درایہِ سوتیا متۍ کردار ہٮ۪تھ
پنُن پنُن گھرہ کُن
تہٕ ہیٚژٕکھ کھۅرِ شورٕ لینپھ
اتی شونج تہِ راتھ سوٗکھ سَرۍ سیاہ بدن ہٮ۪تھ
پٲتھر گامس منز
*
سُہ پاز تہٕ بریمیو
تہ لوگ وجود ہ روٚس نبہٕ کس
بے نشان ٲنتھہٕ روٚس سفرس
اتی گو شُنیا بُزۍ
بالہٕ تھۅنگٮ۪ن تہ کیا کرِہے
انقلاب چُھ دریاو بٹھٮ۪ن پٮ۪ٹھ تاپھ دوان
رتہٕ سٔرۍ ہۅندُرکاف ہٮ۪تھ
*
آوازٕ درایہِ تارن شِکم ڑٹِتھ
تہٕ روٚٹُکھ وپھل ہوا نالہ متہِ
صدا بصحرا
ظلماتہٕ چیوکھ شٹھیومُت اوٚبُر
اسی ٲسۍ تہ اسی دۅن لوٚگ اژھٮ۪ن دوٗرٮ۪ر
وُٹھن ہُند بول بوش آوے نہٕ لوسہٕ ونٮ۪ن نظرنن تل
*
اکھ عجیب دُہ چھُ شامہٕ پٮ۪ٹھے
میٲنس کتابہِ کُٹھس نال ؤلِتھ
سیاہ گۅلٲبۍ وتھر زنتہِ وُپھان
مشکدار
شلفس پٮ۪ٹھ چانہِ پرانہِ کتابہِ ہنزِ
کُنہِ غزلہِ ہنندس اچھرس ما چھِ
معنہِ تٮ۪بر ہیمٕژ
چانۍ ہلچل چھِ میٲنبس کجرس
سوال پرژھان
میاننٮ۪ن وٹھن ہُند سِرہُل پھیش ما دیہِ
رنگدار دُہِس ژٕھ
مےٚ چُھ أچھن منز دۅدسہٕ کاڈ کڈان
***

سنہرۍ زلفن ہند زال
رحیم رہبرؔ
صبحاے یتھے بازر کھلان اوس سۅکاژر کور اس نمودار گژھان۔کونکلۍ سنہرۍ مس کرتھ مٲرۍ منز ۔۔۔معصوم رۅے اضطرابے اضطراب ژھٹان!
سۅ آسِہے تقریبن کَہہ ؤہرشنۍ۔۔۔۔۔ننہ وٲرے گرد غسل کرتھ بازرس منز خیرات منگان!
تس اوس سنہرۍ وانکن زٹھ گومُت۔۔۔۔گنٮ۪ن اچھر والن پٮ۪ٹھ تمی سٕنز سۅ بۅمہٕ جوٗرۍ أس زن تہ عرفہٕ ژندران۔سۅٲس نرم کھۅرو ستۍ نتھہٕ ننہ سڑکہ ہندۍ سخت روڈِ پھلۍ متھان !نہ کانہہ سوالا نہ کانہہ جوابا!فقط لوکن برونہہ کنہِ پننۍ رٕ نیا مٕژ پوٗژِ لونٹ داران!
کاژرِ کور ِ اوس بادام چشمن منز سیاہ اوبرٕ ؤلتھ نب تہٕ پاگل واو شی ،شی،شی گپتھ۔تمۍ سندٮ۪ن معصوم زٲولٮ۪ن وُٹھن پٮ۪ٹھ ٲسۍ چھۅکہ دٲوۍ لفظ بُکہ کران۔تس ٲسۍ پتہ اَڈگرۍ مڈٕگرۍلفظ وٹھن پشپان۔سۅٲس گلابٕکۍ پاٹھۍ مند چھان تہ پُھٹمتٮ۪ن لفظن واٹنچ ناکام کوشش کران۔مگرتس بچار اوس پھرۍ پھرۍ لفظن کجر گژھان!
میانہ بغیر او س نہ بازرس منز کٲنسہ أکس کاژرِ کورِ کُن وُچھت نظرن ہُند شستٕر وٮ۪گلان!خبر مے کُس رٕشتہ اوس کاژرِ کورِ کُن مٲیل کران؟
کاژرِ معصوم کورِٲس بازرٕچ ٹۅپہِ نِش بے خبر ۔۔۔۔تَس کیا خبر ٲس زِ بازرس منز چھِ بِچ تہ آسان!! سۅٲس یمو ساروےٕ خدشوتہ کُھر یو نِش بے نیاز!
کاژرِ کورِ ٲس منزےٕ گۅتن گژھان تہ لُکہٕ ہجومس منز راوان!
تس اوس راوُن خوش کران۔۔۔۔تَس اوس زن تہ لبُن کھران ،اوَے ٲس نہ سۅ واریاہس کالس پانس ژھارنہ نیران!پتہٕٲس سۅ پہرۍ کھنڈۍ گردِ غسل کرتھ فٹ پاتھس پٮ۪ٹھ بیٚیہ ظٲہر گژھان!
کاژرِ کورِ ٲس روڈِ پھلٮ۪ن ستۍ سخت لے۔سۅٲس کھوورہ اتھہٕ ستۍ بار بار ڈٮ۪کس پٮ۪ٹھ کاژٕ رمس لِش شہران تہ دوچھنہ اَتھہٕ تروپَن گندان!منزے پانس ستۍ اسان تہ منزے اوس تس اوٚش وانہ سران گژھان۔پتہٕٲس سۅ کُنی دو کڈان تہٕ چوکس منز باگ آویزان تتھ خوبصورت پیٹنگ برونہہ کنہ استادٕ گژھان۔تس آسہٕ تتھ کُن وچھت أچھ درس لگان!سۅٲس ربودہ گژھان!
میٲنۍ نظر ٲس پیٹنگ تہ کورِ منز باگ روٹہٕ گژھان ۔مےٚٲس بعضے یہ کوٗر پیٹنگ باسان تہ بعضے پیٹنگ کوٗر باسان۔نظرن ہندس زالس منز اوسُس بہ بےٚ آب گاڈِ ہندۍ پاٹھۍ چھۅرٕچھۅر کران۔یہ منظر اوس باللہ میانس اچھ گاشش مہلک کران۔میانہ ادراکچہ پچہ پٮ۪ٹھ آسہٕ میانہ سونچن ترایہ رٕکسہ لامس وسان!
سۅٲس پتہٕ بیٚیہ کنے ٹکہ بازرس منز وسان۔معصوم کھوریو ستۍ سنگلاخ روڈِ پٔھلۍ مانڈان۔تہٕ انزان لُکن برونہہ کنہ پوٗژ لونٹ داران۔زیٚوِ نہ کینہہ ونان ۔تس ٲسۍ باضے روڈِ پٔھلۍ تلہٕ پتٮ۪ن سنان تس اوس خون دۅشان پوٚز سۅٲس توتہِ پننہ حالہٕ نش بے خبر آسان!
شام بانگہِ ستۍ ستی ٲس کاژٕر کوٗر بازرٕ منزٕ غیب گژھان۔دۅہ اکہ روٗدس بہ تس کَوس!بہ گوس تس پتہ پتے یوٚتام سۅ بازرٕ نش ہنادوٗر أکس کُھلہٕ میدانس منز وٲژ ۔۔۔!یتھ منز واریاہ پیوند دار خیمہ گنڈتھ ٲسۍ۔۔۔۔۔۔!
کاژٕ رکوٗر ژایہ ہٕکہ أکس پیوند دار خیمس منز ۔یتھ منز اکھ نیم برہنہٕ شخص کینواسس پٮ۪ٹھ خاکہ جران اوس!سُہ شخص اوس پانہ تہِ غربتچ تہ بے بسی ہنز اکھ کربناک تصویر !ذیوٹھ سفید شیٖن ہیو وانکدارمَس!بٔڈس ڈٮ۪کس گینٮ۪ن ہُند وۅلُت کرِتھ!مۅلُت سفید پوژھ نٲلۍ!دۅن گول گول أچھن منز ٲس تس زٕ قصرِدریاو ژھالہٕ ماران۔۔۔۔!
ؔؔ
"یہ ۔۔۔۔یہِ کُس!؟"مے پُرژھ کاژرِکور أمس شخصس کُن اشارٕ کرتھ۔کاژرِ کورِ لٔج چشمن ہندس سیاہ نبس وہراتھ۔(ٹِپ،ٹِپ،ٹِپ،ٹِپ)ڈۅٹھہٕ پٔھلۍ ہی اوٚش پھیر لٔگۍ تمۍ سنزو أچھو منز بُکہ تٔمۍ سٕندس تلہٕ دار فراک نالس پٮ۪ٹھ وسنہ!اشہِ وانہ آو تٔمۍ سُند لژھِ بوٚرُت تلہٕ نال چھلنہٕ۔
"میون بابا۔۔۔۔!آ۔آیہ چھُ میون بابا!عیسیٰ پینٹر"’عیسیٰ پینٹرناو بوٗزتھے گومے پانس گمہ سران۔تکیاز مے اوس تس بٔڈس پینٹرس سند ناو واریاہ لٹہ کنن گومُت۔مےٚ آسہٕ تمۍ سنزٕ پیٹنگ خوش کران۔سُہ اوس پٔز پاٹھۍ رنگ شناس!سۅ اوس رٕکھن گلریزبناوان۔کینواسس پٮ۪ٹھ بُرشہ ستۍ گرافس وژُن گٮ۪و ناوان۔"چوکس منز آویزاں سۅ خوبصورت پیٹنگ چھے میٲنس بابا سٕنز!"کورِووٚن مےٚ سٮ۪ٹھےٕ فخرٕ سان۔
"چوکس دوچھنہ لرِ ٲس اکھ عٲلیشان عمارت!؟مےٚ پُرژھ کورِ۔
"آ۔آ۔یتھ منز میانس بابس سٹیڈیو اوس"کورِ دِیت ولۍ ولۍ جواب۔
"تتھ ۔۔۔۔۔تتھ کیا گو!؟مےٚ پُرژھ بیٚیہ کاژرِ کورِ۔
"سُہ گو نارٕ بزۍ ۔۔۔۔تتھ گو سمہٕ ستور۔۔میانس بابس اوس تیوتے حاصل۔تمہ وٲرداتہ پتہٕ لاریو زمینس کانسہ ہیوتس نہ ناو ۔یوتام یتھ رنیامتس خیمس منز روزنہ باپت مجبور گو!تتھ بازرس منز گو میانس تخلیق کار سُند ییزل،کینواس،رنگ تہٕ بُرش لیٖلام یتھ منز اَز تہ تمۍ سندِ فنٕکۍ شہکار درینٹھۍ گژھان چھِ!"
"پۅترٕ!قدم ٹھہراو"بُرش کنَس پٮ۪ٹھ تھاوان کوٚر عیسیٰ پینٹرن مےٚ بڈِآلو۔
"بیٚیہ یمہٕ ۔۔۔ضرور یمہٕ"مے ووٚن عیسیٰ پینٹرس۔
"ژٕ ۔۔۔ژٕ یکھ۔۔آ۔۔۔ضرور یکھ!پوٚز تمہ دوہ آسہٕ بہ مومُت!پتہٕ آسہِ میانس شاندس پٮ۪ٹھ میٲنۍ پیٹنگ سجاوتھ!میانہ لاشہ آسہِ پوشہ ورشُن کرتھ!میانہ ٲخری دیدار باپت واتن تم سٲری یور یمو بہ زندٕ زُوٕ گال کھاتس ترووُس!!اخبار وٲلۍ کرن میانس جنازس کیش!ٹیلی وژن چنلہٕ تہ ریڈیو کھالنم مرتھ مرتب !جایہ جایہ گژھِ میانہ باپت خراج عقیدتُک اہتمام!پتہٕ سجاون میون مزار تہ پیٖرس تھاون مرتھ۔۔۔۔عیسیٰ اکھ عظیم تخلیق کار!اَہ !اَپُز!سورےٕ اَپُز!!"
مےٚ اوس نہ زن عیسیٰ پینٹرس یورٕ ونن کیت کہنۍ!مےٚ ہیوٚت نیرُن۔۔۔کاژٕر کوٗر درایہ مےٚ پتے تہٕ خیمس نٮ۪برٕ کنہ کٔرٕن مےٚ سۅ تصویر حوالہٕ ،یۅسہٕ عیسیٰ پینٹرن تیٖتس کالس تخلیق کٔرییٖتس کالس بہٕ تس نکھہٕ کھڑا اوسُس!
تصویر ٲس میانی!مےٚ اوس دوچھنس اتھس منز قلم تہ کھورِس اتھس منز سوالیہ نشانو بٔرتھ کشکول ہاونہٕ آمُت!کاژرِکورِ نِش تصویر رٔٹِتھ آس بہ فکرِ ہندس ذالس منز ولنہٕ۔؂
مےٚ کوٚر کاژرِ کورِسُہ امانت حوالہٕ یُس مےٚ تمۍ سندِ نیتہٕ تھوومُت اوس!تہٕ پُھٹمیتیو کۅٹھیو درٛاس کمزور شانس پٮ۪ٹھ سوالن ہُند وولہٕ بور ہٮ۪تھ گھرٕ کن واپس۔
***

غزل
نگہت صاحبہ
یہ کمۍ تھووُم مےٚ سونچن ترایہ نِلوٹھ؟
یمن بوٗنٮ۪ن مےٚ ما دۅدرایہ نِلوَٹھ!

ژے چھُے سبزار برونٛہہ پک،تراوپوت کل
مےٚ چھی چشمن سنان پرٛتھ جایہِ نلہ وٹھ

دوپُم وقتن
"ژٕچھٮ۪کھ دریاو"دوٚپمس
ہیو چاریا مےٚ ہا چھی ژھایہِ نلہ وٹھ

مےٚ وُچھ چانس نٹس کُس حال سپدیو
ژے وچھتھا شیشہ نظرن آیہ نلوٹھ

وں کس باوکھ ژٕ اندرم دٲدۍ پانو
چھِ دردل آرٕ پل ہمسایہ نلہ وٹھ

ژے پرٛتھ موسم یوان چھے ڈالہ ہَے ہَے
مےٚ چھے تاپس شِنس گگرایہ نلہ وٹھ

ییتن نگہتؔ ژے اچھرن پوش پھۅلننے
تتٮ۪ن کانہہ صاحبہ وۅپدایہِ نلہ وٹھ
***

غزل
نگہت صاحبہ
نارٕ الاوس گتھ کر نٲوتھ تِم کوٚت گے
پَے ما چھو پونپر خرچاوتھ تم کوٚت گے

پوشن ہندِ انہارٕ اگر تم آنگن ژاے
یادن ہُند بارودبچھاوِتھ تم کوٚت گے

تارکھ جرنہِ مے یم ٲسۍ آمتۍ دامانس
رۅپہ تنہ تنہ ہنہ ہنہ دگ وُزناوتھ تم کوٚت گے

بستی ہُند تٲریخ یمو ترتیب دِژاو
تلہٕ پدۍ آکھ پننۍ نہناوتھ تم کوٚت گے

کٲتۍ مسیحا آے تہ دادیوٚ پرژھ ہم پے
زخمس زخمس بیٚیہ سگنٲوتھ تم کوٚت گے

سرحد ہورٕتہٕ سرحد یورٕ چھِ آدم زاد
یم آدم گے سرحد چھٲوتھ تم کوٚت گے

گولیو یم نی تم قبرن منٛز موجودے
ماحبن یِم ٲسۍ لرِ تَل سٲوِتھ تم کوٚت گے
***

غزل
نگہت صاحبہ
زندگی منز پیی نہ کر سمکھو
ژیر سپدیا یا سُل سمکھو

زانہہ تہ سورن نہ یم اوٚشکۍ دریاو
ییلہِ تہِ سمکھو تہٕ چشمِ تر سمکھو

زوٗنۍ کوتا کنٮ۪ر ژٕ وٮ۪تراوکھ
تراو ن بۅن کُن وں اکھ نظر سمکھو

سٔدرٕ سِنرن وَسو تہٕ بال ژٹو
بَس یُتے وَن مےٚ یار کر سمکھو

ژول ہجرک یہ کروٛتھ عالم کوت
زانہہ تہِ دوٗرو نہٕ از اگر سمکھو
***

پوٚت کل
نگہت صاحبہ
یتے ؤنۍزِ ہا ییلہ وں گژھنے ژے اوسے
"سۅ دلہٕ شامنس یتھنہ زانہہ ناد لایکھ
بہٕ پھیرے نہ واپس
"
مےٚ گو شام مندٮ۪ن
تہ شامُک ونے کیاہ۔۔۔۔؟
یمن ہرنہِ چشمن
ونٛزتھ چشمہ اکہ دۅہ
تِمن روو گاشی
وتن پان وتھراں
مےٚ چھےٚ نہ کانہہ شکایت۔۔۔۔۔۔
تِمن ٲسۍ صحراو اَزلے نصیٖبس
وں گو جان ما گو سبز خواب ہاوٕنۍ
تہ بنجر زمیٖنس ؤوِتھ پوشہِ اَرزَتھ
بدن آوراوُن
ازل یاد پاوُن۔۔۔۔۔۔
سٮ۪کھے سٮ۪کھ چھِ اندٕ وندٕ
بہٕ چھَس حالہِ حٲراں
مےٚ کیازِ اَز تہ باسان
پدٮ۪ن تل وزیم وۅنۍ
تُرن ناگہٕ رادا
کُڈڑ دراگ مۅکلٮ۪م
یہ وٲراگ مۅکلٮ۪م
ط ؛پ یتےٕ ؤنۍزِ ہا وقتِ رخصت یتےٕ بَس
"بہٕ پھیرے نہ واپس"
بہٕ ماتھا وٕہا سیٖنس اندر جمع دگ
بہ ما چشمن اندر سبز خواب رچھہٕ ہا۔۔۔۔۔!
***

سریہہ قلمس
نگہت صاحبہ
سُلہ سونتے ییلہ ووتھ شور پنس
زونُتھ دۅہ نیرن ژور پنس
واوس چھُنہٕ ٹھہران کھور پنس
بلۍ پتہٕ لارُن ننہ وور پنس
ژھۅپہٕ کر ہردٕچ کَتھ کٲنسہِ مہ وَن
یِم لوکھ چھِ زاگان پنہ وتھرن
کُس ژھانڈی پانو کس راوَکھ
بُتھۍ پھرۍ گے کرتاں وتہ ہاوک
ییتہ یور یمن صحراون منز
کُس پراری ہم ہٮ۪تھ ناون منز
پدٕپدٕ کُس وتھری ناگہٕ پۅکھر
اوٚش قطرن چانٮ۪ن راوِ اثر
ونہِ سریہہ چھُے رژھ کھنڈ دۅن چشمن
ونہِ چونے ہٍبت رُدٕ رٲژن
ونہِ چھی کینٛہہ پوش ژےٚ موجودےٕ
رومُت مشراو وُچھ کیاہ رووےٕ
متہ انتہٕ گۅڈے سہلاب أچھن
وۅتھ نیر وَنُکھ مےٚ چھ خواب أچھن
ونہِ چُھم دل دادیُک آگر چھم
ونہِ چھم اکھ ساز وزاں رُم رُم
ونہ چھم ارمانن سبزارے
ونہ چھم افتابچہِ زٕژٕ ہلمس
زندٕ روزنہٕ باپَتھ سُہ سریہہ قلمس
***
دل
نگہت صاحبہ
پنہٕ نٮ۪ن پنہٕ نٮ۪ن
لونچن گنڈۍگنڈۍ
پرٛتھ کانہہ تھٲوتھ
نپہ نپہ کرونۍ
أندرم آلو
گٹہِ گوژھ گاشا
دم پھٹۍ دادٮ۪ن
اپزٕچ آشا
کانسہ نہ فرصت
کریکھ دی واپس
قدماٹھرِتھ
تھپھ کر وقتس
زن چُھکھ شانن بار اسمانُک
نتہ چھکھ بُتراتے پتہٕ لاراں
نتہ ما پراراں
مسندہ پٮ۪ٹھہٕ وسہ پانے رازٕ
ؤنۍدِیہِ گھرٕ گھرٕ چھت گیراہٮ۪تھ
"ہتہ سا لوکو۔۔۔۔۔!
کُنہ ما کانژھا
کینژھا ژھانڈان۔۔۔۔۔؟
انصافا ہیوٗ۔۔۔۔۔؟
کوہِ قافا ہیو۔۔۔۔۔؟
یی تَن برونہہ کُن
نی تَن کینژھا
مے گے روٗزِتھ سٲرے اَرزَتھ۔۔۔۔۔
"
شہرُک شہرے آور باساں
پے چھا کتھ کُن۔۔۔۔۔!
اندرۍ اندرۍ انہ گٹہِ کمرس
گاشُک خوابا
ژھیو دز ژھیو دز
پرٛتھ کانہہ دل اَکھ امریکہ
پراراں
کر   ییہ کولمبس۔۔۔۔۔۔
***

دپان چھی

بُلبلن تہٕ پوشہِ نوٗلن ہٕنٛزِ مدرٕ آوازِ منٛز بوٗزم زِ تُہۍ چھو اَکھ کٲشر علمی تہٕ ادبوی جریدہ
"نہج"شایع کرنُک سنٛز کران ۔کٲشرِ شہہ بجہ زبٲنۍ چُھنہٕ ازکِس گاشہِ کٲجس منٛز تہِ اَکھ شوٗبہٕ وُن تہٕ لوٗبہٕ وُن جریدہ موجود۔یتھۍ ہی ادراہ چھ زبانن ہُند آکسیجن سلنڈر آسان۔افسوس زِ امین کامل صٲبنہ یتھے تھتے نیبرسالہٕ بغیرچھُنہٕ اسہِ یُتھ کانٛہہ ترجمان۔تۅہہ یۅسہٕ ژُک کٲشرِ زبٲنۍ ہُنٛد ہوومُت چُھوٕتہٕ پانہٕ یۅسہٕ نظر امہ کس حالس تہٕ اِستقبالس متعلق چھوٕ۔تہ کِنۍ چھ مےٚ پژھ زِ یہ رسالہٕ آسہ واقعتی معیار تہ میزان ہررنگۍ اتھ شایان شان تہ امہ کس معاصر ادبس واتہ امیوٚک واریاہ سۅچھ۔
محمد یوسف ٹینگ سرینگر  10جون  
 2013

آیہ چھے سٲنۍ خوش بختی زِ عبدالرحمان آزادؔ فانڈیشن گے ٲخر کار
"نہج"ناوٕرسالہٕ مارکس تراونس منز کامیاب۔وچھوے تہٕ یہ گو شِشُرپُھٹراوُن۔اہن حض تۅہہ تے پیی چُھو زِ تخلیقی ،تحقیقی تہٕ تنقیدی حوالہٕ چُھنہٕ کشیرِ منز نجی سطحس پٮ۪ٹھ خاص کانہہ تیُتھ رسالہٕ چھپان،یُس ادبہٕ کٮ۪ن بدلوٕنٮ۪ن رُجحانن تہٕ انہارن زٲنۍ یاب آسِہے ۔یونیورسٹی ہُند"انہار"جریدٕ چُھ زبر،مگر بہر حال ہتھ فیصدی آزاد ما چھُ۔کٲشرس عصری تخلیقی ادبس منز موجود جمود تہ یک رنگی چھےٚ یہے باس دوان زِ وقتٕچ نہج کیاہ چھے تہٕ امہ کس پسِ منظرس منز کیاہ تہٕ کتھہٕ کنۍ گوٚژھ لیکھنہٕ یُن ،تٔمہ کہ ضرورتُک چَھنہ کتھے گژھان ،گژھِ تے کُنہ۔۔۔۔ادٕ سُہ کُس کن تھاوان۔یتھٮ۪ن حالتن منٛز ہٮ۪کن وۅنۍ نظرٕ تُہی کُن ووتھِتھ۔"نیب"چھُ بچور کنُے زوٚن ڈوٚکُس ڈوٚکُس دوان،سُتہِ ستو سمندرو اپارِ ۔ییٚتہِ وادی منٛز ہیٚکہِ"نہج"خدشاتن اوٚند بوٚر دِنہٕ کہِ حوالہٕ تحریک ساز تہِ بٔنِتھ تہٕ تاریخ ساز تہِ۔بہ کیاہ نشاندہی کرٕ پانہٕ چھوٕ سورُے زانان۔نظر تہِ چھو تہٕ مطالہ تہِ۔مےٚ کر یاو اکہِ دۅہ تۅہہِ سٍتۍ یہ چیز Shareزِ جمود پُھٹراونٕچ ذمہ دٲری چھےٚ رسالو علاوٕ سانٮ۪ن سینیر تہٕ ناو دار ادیبن ،شٲعرن ہنز۔تِم گژھۍ صدارتی خطبن منز یِمن کتھن کُن واضح تہ بار ربار اشارٕ کرٕنۍ ۔مگر تہِ چُھنہٕ سپدٲنی۔بہ چُھس شٲعری سٍتۍ وابستہٕ۔محض طفلِ مکتب ۔مگر یہ چُھس ہٮ۪کان محسوس کٔرِتھ ،زِسٲنۍ اکثر عصری شٲعری،زیادٕ پہن نوِپیہِ ہُند انہار چھُ Repititionتہٕ پرٲنۍ سییر تلن۔کینہہ آشہِ تہِ چھےٚ ۔پٮ۪ٹھٕ ،فقط غزل غزل غزل۔ہے یارٕ نظم ہے چھےٚ ہیٚتی اعتبار یتھ وقتس اظہار رٔنگۍ زیادٕ لگہٕ ہار۔ادٕ کَس۔۔۔۔؟یُہے حال چھُ افسانُک تہِ۔مگر اتہِ تہِ چھےٚ زِ ترے آش افزا آواز ونہِ تہِ آسنُک باس دوان۔تنقید چھُ زیادٕ پہن توصیف بناونہٕ آمُت۔یہ منظر نامہٕ ٹھیک کرُن چُھ سانٮ۪ن بزرگ تہٕ ناودار ادیبن ہُنٛدفرض منصبی۔ خیرخدادی نو توٚژھ۔تُہۍ کٔرۍتو یمن کتھن کُن توجہ،سۅآسہِ بٔڈکَتھ ۔مصلحتس کٲم ہٮ۪نہٕ بجاے گژھِ معیار سے اشاعت کہ حوالہٕ گۅڈٕ انوٲرۍ دِنۍ۔اختُے گژھۍ ترجمہ کرنہٕ آمتۍ چیز خاص ظور شایع گژھنۍ ۔خرچہ کنۍ گژھیو تنگی،رسالہٕ چھُ رۅپیو سٍتۍ پکان۔وچھو سانۍ برادری کریا یہ محسوس۔خدا دین مرحوم تہٕ مغفور عبدالرحمان آزاد صٲبس جنتس جاے۔اَز پیٚیہ سخ یاد
شہنازؔ رشید
افسانہٕ
دۅن اتھن ہنز داستانچُھ پیش خدمت یہ چھُ مے پوٚرمُت کَتھ تام محفلہِ منز،مگر چھاپ چُھنہٕ شاید ازتام سپدمُت،اوٕکنۍ ونووس تازے۔امید چھم زِ تۅہہ باسہِ قابل چھاپ،ہرگاہ باسہِ نہ پرواے گژھِ نہ کرُن،بلا حراسہٕ گژھِ واپس کرُن،بہٕ سوزٕ بدل تکیازہ چھاپ سپدنہ وِزِ چھ حتمی راے چھاپ کرن والۍ سٕنزے آسان۔
خوش روزیو،آباد روزو
احترامہ سان
ہردے کول بھارتی

دَپان ییٚلہِ تہِ کٲنسہِ سٮ۪ٹھاہ مجنت تہٕ زُو ژٔٹِتھ کٔرِتھ کینٛہہ حٲصل چُھ سپدان۔تیٚلہِ چُھ امہِ باپت یہِ لُکہٕ دوٚپ
"سوٗر سوران تہٕ افسوس پیادُن"صٲدِرۍ یوان۔پرانٮ۪ن ہٕنٛزٕ کتھہٕ ۔۔۔۔!ژکہِ چُھنا سٲنۍ ادبی وٹہِ ژھانٹہِ وِزِ وِزِ جٲری تہٕ سٲری چُھ۔
تہنٛدسےٕ أکس رُت کانچھن وٲلس بٲے سٕنٛدِ دٔسۍ سپُد یہِ انکشاف زِ تۅہہِ چھوٕ پزر عملہِ منٛز انہٕ نُک جہار شروع کوٚرمُت۔خۅشی چھَنہٕ أمَچ زِ رسالہٕ نیرِ۔خۅشی چھےٚ أمچ زِ تۅہہِ دِتُو خداین یُتھ جگر۔اَوٕ کِنۍ و؟نِم گۅڈٕ کَتھ۔
تُہٕنٛزِ تھزِ عقلہِ تہٕ فہمٕچ عکٲسی کرِ واقعی أمی نہج ہُنٛد جہار۔ییٚمٕچ أسۍ وۅمید گٔنڈِتھ چھِ۔حق تہِ چُھ ای زِ تُہٕنٛز شوٚرتہٕ شوٗژ ادبی صلاحیت تہٕ کاوش واتناوِ پورٕ زیٚہنی چلے کلانس وُشنیر تہٕ گرٮ۪شمہٕ کالس شہجار۔پوٚز!بھایا بٔہ ونے اکےٕ کَتھ۔۔۔سۅ گٔے یہِ زِ وجہِ ولنہٕ ورٲیی سانہِ ادبی کاروانُک ترجمان بنُن چُھنہٕ سہل۔اٹھ چھِنا ژکہِ گرٮ۪د ،وارِلۍتہٕ بیٲرۍ ہو
ٗۍ واپھہٕ گۅسٲنۍ گوشہِ گوشہِ تہٕ روشہِ روشہِ ڈُبہٕ ڈاس پتے۔ژۅیہِ گٔرۍ تہٕ گروپ بنمدی ہٕنٛز کرٛژھ نیرتھےٕ چھِ أسۍ کٲشِرۍ تاوِ تلنہٕ یوان۔خٲر یہے کَتھ تہٕ"نہج"چھےٚ ت،من استحصٲلی عناصرن ہٕنٛدۍ اناسیرِ ڈالنٕچ تہٕ تہٕنٛزن بے وطیرٕ نہجن ڈُبہٕ ڈاس کرنُک وقتٕچ اہم ضرورت تہِ تہٕ سحی وَتھ ہاونٕچ صورت تہِ۔
اللہ تعالیٰ بوٗزِن تہٕنٛز یہِ أژ تہٕ زبر نہج پرٲوِن سانٮ۪ن ادیب و شٲعرن منٛز صحی تہٕ موذون زبان وادبس کُن عملہِ پژھۍ رٔژکل۔فلحال روزنہٕ مزید قبل از وقت کینٛہہ ونُن جان۔کُنہِ لایق ہرگہہ اسہِ سمجھیو ؤنۍ زیو۔
"پنٕنۍ موج"عنوانس تحت چُھس بسملاہس یہِ اَکھ غزل کراپہِ نظم باً اشاعت چٹھہِ سٍتۍ نٔتھِۍ کٔرِتھ دسوزان۔ہرگہہ اشاعتس قٲبل باسہِ تیٚلہِ دِی زیوس کُنہِ جایہِ ژۅباکھاہ۔
بشیر چراغ